LL-L "Language politics" 2010.02.24 (01) [NDS]

[Lowlands-L List]

===============================================
L O W L A N D S - L - 24 February 2010 - Volume 01
lowlands.list at gmail.com - http://lowlands-l.net/
Archive: http://listserv.linguistlist.org/archives/lowlands-l.html
Encoding: Unicode (UTF-08)
Language Codes: lowlands-l.net/codes.php
===============================================

From: Jonny <jonny.meibohm at arcor.de>
Subject: LL-L "Language politics" 2010.02.23 (06) [DE-NDS]

 Beste Marcus,

Noch to'n Kruutsand: Wo kummt dat överhoop her, dat "Kruutsand" von
"Grootsand" afkamen schall? Dor heff ik bi mien Söök in Google Böker nix von
funnen. Ganz in'n Gegendeel. De Insel kummt 1436 tooerst in de Oorkunnen
vör: "dat Crutsand belegen in dem lande to Kedingen yn der Elve gegen
Butzflete".

Kruutsand weyr de gröttste Sand twüschen Hamburg un' Cuxhaoben. Ick hebb
verscheydene Kaorten seyhn, wo 'De groote Sand', 'De groute Sand' binnen
steiht. In eyn (ganze oule) steiht ouk 'De kroute Sand', dat hett mii
toueyrst unseeker maokt. Mann - in MND heyt 'Kraut' alltiids 'krud' ellers
'krut' - mag ween, wat dat 'kroute' all 'n froyhen Schriiv-Fehler ween is.

Deylwiis finnst' disse *Kaorten!* online, wenn Du mang de Hamborger Archiven
'rümstoybern deihst. Aobers ick kann Dii ouk dat privaote Archiv van miin'n
'Mentor' Herrmann von Thun in Balje an 'n Hatten leggen. Hey is leider
verleyden Jaohr doud bleben, man siin Söhn schall woll noch al'ns hebben. De
Adress kann ick Dii geben, wenn Du ehr hebben wullt.

Allerbest!

Jonny Meibohm
Lower Saxony, Germany

----------

From: R. F. Hahn <sassisch at yahoo.com>
Subject: Language politics

Man, Jonny, „Fählers“ mit Naams kemen histoorsch in eensen to vör, besünners
wenn se etymoloogsch nich mehr verstahn un denn nee uutleggt weern.

In Noorddüütschland keem noch mit to, dat de Hoogdüütschen mennig een
inheemschen sassischen Naam falsch verstünnen un em daar wägen falsch
œversetten dään. De echte sassische Naam wöör denn faken vergäten, un de
neje „Platt“-Naam wöör vun’n „hogen“ Namen œversett. Wenn dat mit *Grootsand
> Kruutsand stimmen deit, denn is dat ook den Slag Fall.

Man wat schall dat beseggen? Dat se inheemsche Naams nich up Schiller
schrieven schullen, wiel dat mennig een Naam etymoloogsch falsch sien kann?
Dat weer ’n Fall vun „das Kind mit dem Bad ausschütten.“

Wat tellen deit, dat is de Naam, so as de Lüd’ em vundagigendaags bruken
doot, eendoonts of he etymoloogsch or histoorsch akraat is.

Man dat schall ook nich bedüden, dat een nich in ole Dokumenten
rümmerstövern un versöken kann, den echten Naam to rehabiliteern. Versöken
kannst dat, man de mehrsten Minschen scheert dat nich. ’n Naam is man bloots
’n Naam un de Herkumst is schietegaal in jüm ähr Dinken.

Grötens,
Reinhard/Ron
Seattle, USA

P.S.: Ik glöv’, in Harborg gifft dat ’n „Groten Sand“ or „Groot Sand“ (>
„Großer Sand“ or „Groß Sand“).



==============================END===================================

 * Please submit postings to lowlands-l at listserv.linguistlist.org.

 * Postings will be displayed unedited in digest form.

 * Please display only the relevant parts of quotes in your replies.

 * Commands for automated functions (including "signoff lowlands-l")

   are to be sent to listserv at listserv.linguistlist.org or at

   http://linguistlist.org/subscribing/sub-lowlands-l.html.

*********************************************************************
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20100224/e1193ec1/attachment.htm>