LL-L "Grammar" 2011.06.14 (02) [NDS]

[Lowlands-L List]

=====================================================
L O W L A N D S - L - 14 June 2011 - Volume 02
lowlands.list at gmail.com - http://lowlands-l.net/
Posting: lowlands-l at listserv.linguistlist.org
Archive: http://listserv.linguistlist.org/archives/lowlands-l.html
Encoding: Unicode (UTF-08)
Language Codes: lowlands-l.net/codes.php
=====================================================



From: Marcus Buck list at marcusbuck.org
Subject: LL-L "Grammar" 2011.06.14 (01) [NDS]

 From: Heiko Evermann heiko.evermann at gmx.de

                                Subject: LL-L "Grammar" 2011.06.13 (03)
[NDS]

Leve Marcus,

> Mi dücht, dat se sik _toveel_ en Kopp maakt. Dat richtige Insetten von
disse
> lütten Wöör lehrt een ganz von alleen al as lütt Kind. Dat Problem kummt
> eerst, wenn denn anner Lüüd kaamt un vertellt di: "Rede hochdeutsch!" un
> "Das heißt nicht 'als', es heißt 'wie'."

Dat stimmt nich. Wokeen lehrt denn Plattdüütsch vundaag noch as Kind?
All de Lüüd, de ik so kenn, snackt tohuus keen Platt un hebbt dat
tohuss nich lehrt. Un wenn een dann öller is und anfangt, sik för sien
regionale Kultuur to interesseren un Platt lehrn will, denn is dat en
groten Barg Arbeit. Un denn kummt natürlich ok de Fraag op, wat denn
nu richtig is un wat nich. Un wenn Di denn een vertellt dat " lehrt
een ganz von alleen al as lütt Kind", dann helpt dat rein gor nix.

To de Spraakpleeg höört ok to, to diskuteren, wat richtig is un wat
nich. Mit all de Lüüd, de so en lütt beten Platt snackt un gor nich
weet, wat richtig is, wieldat se keen Spraakgeföhl lehrt hebbt, as se
jung weern, kummt sünst opletzt Dummtüüch bi rut bi en Spraak.

Ik glööv, dat is nich röverkamen, wat ik seggen wull. Ik heff allgemeen
snackt. Wenn ik en Spraak as Moderspraak lehr (egaal wat för een), denn lehr
ik automaatsch ok, Partikeln, Konjunktionen etc. richtig intosetten. Dor
bruukt man sik keen Kopp üm maken.

Dörenanner gifft dat blot, wenn "Spraakkampf" herrscht, wenn een Spraak de
annere ünnerdükert. Wenn de een Spraak eerst kumplett ünnerdükert is, denn
stellt sik automaatsch wedder en Gliekgewicht in un de ne'en Moderspraklers
lehrt dat denn ok wedder richtig.

Dat Lüüd en Spraak ut kulturelle Grünn lehrt un blot unvullstännig
beherrscht, dat is en Spezialfall un ik harr nich in'n Sinn, dor en Utsaag
över to maken.

Marcus Buck

=========================================================
Send posting submissions to lowlands-l at listserv.linguistlist.org.
Please display only the relevant parts of quotes in your replies.
Send commands (including "signoff lowlands-l") to
listserv at listserv.linguistlist.org or lowlands.list at gmail.com
http://linguistlist.org/subscribing/sub-lowlands-l.html .
http://www.facebook.com/?ref=logo#!/group.php?gid=118916521473498
===============================================================
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20110614/b7842526/attachment.htm>