LL-L "Lexicon" 2012.04.16 (02) [DE-NDS]

[Lowlands-L]

=====================================================
 L O W L A N D S - L - 16 April 2012 - Volume 02
lowlands.list at gmail.com - http://lowlands-l.net/
Posting: lowlands-l at listserv.linguistlist.org
Archive: http://listserv.linguistlist.org/archives/lowlands-l.html
Encoding: Unicode (UTF-08)
Language Codes: lowlands-l.net/codes.php
=====================================================


From: Hannelore Hinz <hannehinz at t-online.de> <hannehinz at t-online.de>
Subject: Musik (hören)

Leiw' Lowlanners,

mal wat anners.

Weiten de Lüüd dat, woans ein Uhrworm in den'n Brägen krüppt?
*"virtuos Das Magazin der GEMA Ausgabe April 2012" *weit Bescheid:

Miteins is hei dor bi jichtensein Leed, un wenn't man blot de Refrain is.
De Wätenschop kann dat noch nich verkloren. Ein Profi-Songwriter vermellt
leege Nahrichten:
'ne "Ohrwurmformel" mit Hitgarantie is nich in Sicht. Also, roegt  ein
Gescheihn  ein deip Fäuhlen an, denn sett sick so ein Uhrworm in den'n
Brägen. Un so as hei unvermaudens kamen is, ward hei ahn Vörsatz
(unwillkürlich) wedder afspält. Dat gellt ok för Stücken, de männig Lüüd
gor nich moegen, ja, nich utstahn koenen. Ja ja, un bi dat Täuben up 'n
Autobus odder Joggen möckt hei einen narrsch.
Anners is dat, wenn ein sienen Brägen up Tour bringt odder wenn de Seel
ünner Druck steiht.
Wat daun, üm  dat Brägen-Orchester wedder los tau warden?
Denn'  "definitiven" Henwies gifft dat nich. Helpen künn womoeglich, wenn
männig ein anner Arbeit nahgeiht. De best' Oort, denn' Worm
*rutsmieten*mit Karacho un:  Hürt denn' Song noch eins an, oewer bät
tau End'. Anner
Surten von 'pulverisierte Ohrwürmer ins Ohr streuen' is för de Katt un
helpt nich. - Dat gäw' mal ein Tied, dor hebben's dunnmals  bi Uhrweihdaag
disse Wörms vunwägen de langen Grieptangen an'n Achterliew' den'n Minschen
hulpen.

http://de.wikipedia.org/wiki/Ohrwurm

http://de.wikipedia.org/wiki/Ohrwürmer

*Uhrworm *m. Ohrwurm; *Oorworm,  Urworm*: *en Kirl as en Uhrworm (ein
beweglicher, wendiger Mann) *REUTER; ironisch und warnend: jem.  ist *fründlich
as 'n Uhrworm. *Syn.: *Uhrenkniper, Uhrslüser.*
Lit.: Perfesser Voßlo

*Ohrwurm, *m., Ohrworm, pl. -wörm; Ohrklauer/-kröpel [ǭ]/ -kruper, m., pl.
-s
Lit.: GÜNTER HARTE - JOHANNA HARTE

Also lat' jug nich von 'n Uhrworm kniepen.

Hartlich Gräuten.

Hanne
*
*
 =========================================================
Send posting submissions to lowlands-l at listserv.linguistlist.org.
Please display only the relevant parts of quotes in your replies.
Send commands (including "signoff lowlands-l") to
listserv at listserv.linguistlist.org or lowlands.list at gmail.com
http://linguistlist.org/subscribing/sub-lowlands-l.html .
http://www.facebook.com/?ref=logo#!/group.php?gid=118916521473498
==========================================================
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20120416/bc51ed87/attachment.htm>