LL-L "Members" 2012.08.24 (02) [EN-NDS]

[Lowlands-L]

=====================================================
 L O W L A N D S - L - 24 August 2012 - Volume 02
lowlands.list at gmail.com - http://lowlands-l.net/
Posting: lowlands-l at listserv.linguistlist.org
Archive: http://listserv.linguistlist.org/archives/lowlands-l.html
Encoding: Unicode (UTF-08)
Language Codes: lowlands-l.net/codes.php
=====================================================


From: M.-L. Lessing marless at gmx.de
 Subject: Bortsdag

 Leve Reinhard, to Din Bortsdag segg ik Di vun Harten de besten Wünsch för
Glück, Segen, Sundheit un Erfüllen!  Dat wünscht wi LL-L-Maten Di dat ganze
Johr rund üm'n Kalenner. Man seggen doot wi dat bloots an'n 24.8. ;-) Wees
bedankt ok för all Din Doon, hier un enerwegens. Wenn Wünschen wat helpen
deit, büst Du een vun de glücklichsten Minschen op Eer, dat is mal wiss.

Ganz hartlich grööt ik Di!

Marlou

----------

From: Hannelore Hinz <hannehinz at t-online.de
 Subject: birthday/Burtsdag

*För di uns' beste Fründ Ron!

Pommersche Lyrik in Platt

    Hus in Pommern

*Ut Fachwark bugt un Strohdach drupp,
Flederbüsch in de Ecke.
Dorhinner een Gorde, wiet un wild,
worin de Baufink hecke.

Un op dem Hoff dor schnattre Gäus,
dor kreigt de Hoahn taum Noaber.
Et schleppt de Hund in Sünneschin
so fuhl im warme Schoaber.

Hoch äwer allem singt de Lerch
un trecke de Wulke so sachte,
ganz still, verdrömt, un voller Rauh,
as wulle sei leiwerst hier nachte.

Doch ut dem Hus sien Finsterglas
kiekt hinner bunte Blaume
so trug dat stille Glück herut,
as hedd't hier Woahnung naume.

*Max Nemitz 1888-1971

*Hoch sast du läwen, dreimal *hoch hoch hoch*; man bi all' dien Dauhn un
Fliet künn dat noch väl mihr Hoch's sien...
Ja, so is dat... Ick heff mi ümmer wedder 'n Kopp makt un sinnt un sinnt,
un liesing nu mien Nahsinnen, wat ick di hüt tau'n Burtsdag schriewen will.
So heff ick an'n verleden Sünndag (19.08.) mal wedder all' dien Websieden
besöcht un mien Wunnerwarken un Hochachten is jüst noch grötter as ein
Ozean. Wat hebben wi all' Mitmakers di tau verdanken!

Ick gratelier di ut deipen Harten tau dien'n Burtsdag un all' de Wünsch'
kann ick enzeln nich uptellen, œwer wat rut möt, möt rut.
Bliew gesund, also holl di fuchtig un beinig. Ick gratelier di un will di
ok taugliek danken, ümmer wedder för all' dien Dauhn. Du büst uns'
Wiespahl, denn' jedwerein vertrugen kann.
So wünsch ick di väl Freud mit all' dien Fründ'n, de ümmer üm di tau sünd
un mien Denken un Danken is hüt bi di.

Hartlich.

Hanne mit de Treckfiedel

--------

R. F. Hahn <sassisch at yahoo.com>
Subject: Members

Thank you very much, everyone, for the birthday felicitations on and off
the List!

Regards,
Reinhard/Ron
Seattle, USA

 =========================================================
Send posting submissions to lowlands-l at listserv.linguistlist.org.
Please display only the relevant parts of quotes in your replies.
Send commands (including "signoff lowlands-l") to
listserv at listserv.linguistlist.org or lowlands.list at gmail.com
http://linguistlist.org/subscribing/sub-lowlands-l.html .
http://www.facebook.com/?ref=logo#!/group.php?gid=118916521473498
==========================================================
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20120824/64b0425a/attachment.htm>