LL-L "Literature" 2013.06.26 (01) [NDS]

[Lowlands-L]

=====================================================
 L O W L A N D S - L - 26 June 2013 - Volume 01
lowlands.list at gmail.com - http://lowlands-l.net/
Posting: lowlands-l at listserv.linguistlist.org
Archive: http://listserv.linguistlist.org/archives/lowlands-l.html
Encoding: Unicode (UTF-08)
Language Codes: lowlands-l.net/codes.php
=====================================================
From: Hannelore Hinz <hannehinz at t-online.de> <hannehinz at t-online.de>
 Subject: Literature (Autorin: H.Hinz)

De Heumaand (Juli) steiht all vör de Dör.

*            Heumaand*

    Lacht Julimaand, kümmt hei in Hitt,
    denn is hei woll för all' wat nütt.
    Noch af un an de Poggen quarren,
    kümmt Poggenbiter up ehr Garren.
    Steiht Wäpelduurn vull in Bläuh,
    gifft sick de Heumaand bannig Mäuh.

    De Sommerfreud kost' gor kein Geld,
    uns' Land is as de wide Welt.
    Willkamen all' uns' leiwen Frünn',
    hier kann man ok "Mallorca" finn'
    an Ostsee ehren Sülwerstrand,
    glik vör de Husdör liggt dit Land.

    För't däglich Brot sall dis' Maand sorgen,
    Meihdöscher treckt an'n frischen Morgen,
    un meiht un döscht, Jakobidag,
    is grote Aust an'n Roggenslag.
    Un hier un dor ein Trääms' noch steiht,
    verlaten sei in'n Wind nu weiht.

    Poggenbiter: Storch
    Wäpelduurn: Heckenrose
    Trääms': Kornblume

            *Jacobi-Dag
             *(25. Juli)

    Kröpwieden wiesen mi den'n ollen Weg.
    Gah giern förfäutsch de oll' Dörpstraat jüst henlang.
    De Rogg' is up den'n Balken. Gaud so, ick segg.
    De olle Schüün is proppenvull un ok uns' Dank.

    De Balken dragen all' dat güllen Kuurn.
    Dat bruugte Bier fang nu all an tau suusen
    so balkenhoch, noch möten wi up luurn...
    Is balkenhoch de Freud in all' de Huusen.

    Man, up den'n Dörp-Platz hüppt all wat up un dal.
    Ein Wipp-Wapp-Balken is't, ein gaud Stück Holt,
    för all' de Kinner, so is dat allemal.

    Sei kamn all', vergnäugt sünd Jung un Olt.
    Kuurn-Aust wier bi de grote Hitt dägte Qual! -
    De Aust-Danz up de Dääl lett mi nich kolt.


Hartlich Gräuten.

Hanne
=========================================================
Send posting submissions to lowlands-l at listserv.linguistlist.org.
Please display only the relevant parts of quotes in your replies.
Send commands (including "signoff lowlands-l") to
listserv at listserv.linguistlist.org or lowlands.list at gmail.com
http://linguistlist.org/subscribing/sub-lowlands-l.html .
http://www.facebook.com/?ref=logo#!/group.php?gid=118916521473498
==========================================================
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20130626/b5125773/attachment.htm>