OLO 6 Encara es temps de prepausar una comunicacion (data limit : 15 d'octobre 2011)

[Patrick Sauzet]

De « Tolosa Linguista » a « Paris linguist »  (un heure de vol)

 

OLO 6 Obrador de Linguistica Occitana 6

(ALO 6 Atelier de Linguistique Occitane WOOL 6 Workshop on Occitan Linguistics)

La seisena edicion de l'Obrador de Linguistica Occitana se debanarà a Tolosa lo 30 de març de 2012.

L'Obrador es dubèrt a totes los que vòlon intervenir sus una question de linguistica occitana (lexic, sintaxi, morfologia, fonologia, dialectologia, ...) tant en sincronia coma en diacronia. Cap de tèma i es pas impausat. Los apròchis comparatius son possibles. Aquel encontre pòt èsser l'escasença de presentar un trabalh acabat o en cors d'elaboracion. 

Se prevei un temps de 30 minutas per cada comunicacion (20 +10 minutas de discussion). Las lengas de comunicacion seràn l'occitan, una autra lenga romanica o l'anglés. 

La participacion al collòqui se fa a res-non-còst, mas es obligatòri de venir sòci de l’associacion. L’escotisson per un an es de 15 € e se poirà pagar sus plaça en espècias.

Las personas interessadas devon mandar per corrièr electronic als organizaires (daniela.muller at univ-tlse2.fr) una proposicion de comunicacion acompanhada d'un resumit 
d’una pagina (document pdf) en dos exemplars, un de dos anonim, abans lo 15 d'octobre de 2011. Seràn assabentadas de l'acceptacion ou del refús pel 1r de novembre de 2011. 

Comitat scientific: Joan Barceló, Aitor Carrera Baiget, Jaume Costa, Hans Peter Kunert, Xavier Lamuela, Trudel Meisenburg, Patric Sauzet, Joan Sibille, Rafèu Sichel-Bazin, Domergue Sumien, Alain Viaut, Cordula Voigts. 

Organizaires: Daniela Müller e Patric Sauzet (CLLE-ERSS, Universitat de Tolosa 2 – Lo Miralh & Associacion de Lingüistica Occitana)

 

Patric Sauzet

Professor (linguistica occitana)

Departament Letras Modèrnas, Teatre e Occitan

e

CLLE-ERSS UMR 5263 CNRS-Tolosa 2

5, andanas Antonio Machado

Universitat de Tolosa II Lo Miralh

31058 Tolosa cedex 09
 <http://w3.letmod.univ-tlse2.fr/occitan/> http://w3.letmod.univ-tlse2.fr/occitan/ 

 

 

-------------- next part --------------
An HTML attachment was scrubbed...
URL: <http://listserv.linguistlist.org/pipermail/parislinguists/attachments/20111006/de91b760/attachment.htm>