LL-L: "Phonology" LOWLANDS-L, 29.MAR.2001 (03) [LS]

[Lowlands-L]

=======================================================================
L O W L A N D S - L * 29.MAR.2001 (03) * ISSN 189-5582 * LCSN 96-4226
Posting Address: <lowlands-l at listserv.linguistlist.org>
Web Site: <http://www.geocities.com/sassisch/rhahn/lowlands/>
User's Manual: <http://www.lsoft.com/manuals/1.8c/userindex.html>
Archive: <http://listserv.linguistlist.org/archives/lowlands-l.html>
=======================================================================
A=Afrikaans, Ap=Appalachean, D=Dutch, E=English, F=Frisian, L=Limburgish
LS=Low Saxon (Low German), S=Scots, Sh=Shetlandic, Z=Zeelandic (Zeeuws)
=======================================================================

From: strunk [Strunk at t-online.de]
Subject: LL-L: "Phonology" LOWLANDS-L, 29.MAR.2001 (01) [E/LS]

Leive Leiglanners,

Ik glööv dat dat a för't düütsche e bloots in de nördlikken
dialekten förkömt. Bii us in Westfaolen is dat iä, un manks
ouk e. Sou heet dat tem biispel: biärg, iärg, aover ouk
siäker för seker wiäge för weeg' un sou fort.
Sou stait dat ouk in Klaus-Werner Kahl siin Wörterbuch des
Münsterländer Platt (ik sin je nuu kiin mouderspreker, dao mot
ik dat je bewisen).
Daorüm wöör ik ouk daoför düsse wöörd mit e te schriven.
Ümdat in't westföölsche de twei vokale in breken un berg gliik sin.
Mit de westföölschen brekunge kun man ferklaoren wu man tou dat
iä kömt un in'n norden is dat sou, dücht mii, dat e för r tou a werd.

Gued gaon,

Jan Strunk
strunk at t-online.de

> From: R. F. Hahn [sassisch at yahoo.com]
> Subject: Phonology
>
> [The following is in Low Saxon [Low German] and English.]
>
> Leve Laaglanners,
>      För mi is een vun de Kenntekens vun de neeneddersassischen Mundaarden,
> dat dat /arC/ is, wat in't Hollandsche /erC/ un in't Düütsche /erC/ or /irC/
> is; t.B. _Kark_ [k`a:k] (H. _kerk_, D. _Kirche_), _Barg_ [ba:x] (H. _berg_, D.
> _Berg_), _Karn_ [k`a:n] (H. _kern_, D. _Kern_), _Swark_ [sva:k] (H. _zwerk_),
> _marken_ ['ma:k=N] (H. _merken_, D. _merken_), _Harder_ ['ha:d3] (H. _herder_,
> D. _Hirte_), _Wark_ (H. _werk_, D. _Werk_) [vergl. /eirC/, t.B. _geern_
> [gE.I3n] ~ [gi:3n] (Flaamsch _geirn_, D. _gern_), _Steern_ [stE.I3n] ~
> [sti:3n] (H. _ster_, D. _Stern_)].  Is düt wahraftig dörchgahns 'n
> neeneddersassisch Kennteken, or gifft 't ook Mundaarden, de /erC/ un nich
> /arC/ hefft?  Ik fraag' dat, wieldat in de Wöörböker vun Lindow un Harte
> blangen _Kark_ ook _Kerk_ un _Kirch_ angeven sünd, un blangen _Harder_ ook
> _Herder_; man för de annern Wöör find ik sükse Alternativen nich.  Kann mi dat
> wen mank Ju verklookfiedeln?  Ik snack hier nich vun de limborgschen
> Mundaarden, de in Düütschland ook "Nedderdüütsch" or "Plattdüütsch" nöömt
> ward; nee, ik snack hier man bloots vun de sassischen.
>      In't Ingelsche gifft 't düt /ar/ ook, 'neem wi in't Neeneddersassische
> /eirn/ hebbt; t.B. _star_ (H. _ster_) 'feern', _far_ (H. _ver_) 'Steern'.
>      Mit groten Dank in't Vörruut, un Gröten,
>      Reinhard/Ron

==================================END===================================
 You have received this because your account has been subscribed upon
 request. To unsubscribe, please send the command "signoff lowlands-l"
 as message text from the same account to
 <listserv at listserv.linguistlist.org> or sign off at
 <http://linguistlist.org/subscribing/sub-lowlands-l.html>.
=======================================================================
 * Please submit contributions to <lowlands-l at listserv.linguistlist.org>.
 * Contributions will be displayed unedited in digest form.
 * Please display only the relevant parts of quotes in your replies.
 * Commands for automated functions (including "signoff lowlands-l") are
   to be sent to <listserv at listserv.linguistlist.org> or at
   <http://linguistlist.org/subscribing/sub-lowlands-l.html>.
 * Please use only Plain Text format, not Rich Text (HTML) or any other
   type of format, in your submissions
=======================================================================