LL-L: "Orthography" LOWLANDS-L, 29.MAY.2001 (09) [S]

[Lowlands-L]

======================================================================
 L O W L A N D S - L * 29.MAY.2001 (09) * ISSN 189-5582 * LCSN 96-4226
 Web Site: <http://www.geocities.com/sassisch/rhahn/lowlands/>
 Rules: <http://www.geocities.com/sassisch/rhahn/lowlands/rules.html>
 Posting Address: <lowlands-l at listserv.linguistlist.org>
 Server Manual: <http://www.lsoft.com/manuals/1.8c/userindex.html>
 Archive: <http://listserv.linguistlist.org/archives/lowlands-l.html>
=======================================================================
 A=Afrikaans, Ap=Appalachean, D=Dutch, E=English, F=Frisian, L=Limburgish
 LS=Low Saxon (Low German), S=Scots, Sh=Shetlandic, Z=Zeelandic (Zeeuws)
=======================================================================

From: Andy.Eagle at t-online.de (Andy Eagle)
Subject: LL-L: "Orthography" [S]

Sandy Fleemin Wrate

> A'm no aathegither shuir what muckle skaith this micht dae.
> Tae tak the first twa passages fae Auld Reekie as it's fund
> in beuks (A'v asterisked the awkart rhymes):
>
<sned>
> The'r a fair fouth o awkart rhymes for shuir, but gin ye
> leuk at the "sortit" vairsion:
>
> AULD REEKIE, wale o ilka toun
> That _Scotland_ kens beneath the muin!
> Whare couthy chiels at e'enin meet
> Their bizzin _craigs_ an _mous_ tae weet;
> An blythly gar auld care gae by
> Wi blinkit an wi bleerin ee:
> Ower lang frae thee the Muse haes been
> Sae frisky on the _Simmer's_ green,
> Whan flooers and gowans wont tae glent
> In bonny blinks upo' the bent,
> But nou the _leaves_ o yellae dye,
> Peel'd frae the _brainches_, quickly flee;
> And nou frae nouther bush nor briar
> The spreckl'd _mavis_ greets yer ear;
> Nor bonny blackbird _skims_ an _roves_
> Tae seek his love in yonder groves.
>
>       Then _Reekie_, welcome!  Thoo canst chairm
> Unfleggit bi the year's alairm;
> Nor Boreas, that sae snelly blaws,
> Daur here pap in his angry nose:
> Thanks tae oor _dads_, whase biggin stands
> A shelter tae surroondin lands.
>
> ...dis this read aa that bad? Masel, A like it fine.
> A definitely like it a lot mair than the original,
> conseederin A can read it oot athoot slippin a fit
> at the end o every saicont line!

A maun admeet I finnd it mair better an aa. Better bad rhymes or bad Scots!

Its certies no sae sair on the een;-)

> Whether it wad be gaun ower the score tae impose this on
> ither fowk - A dinna ken. It seems tae me that rhyme isna
> thocht sae muckle o nouadays, but lattin fowk see hou tae
> soond Scots richt is gittin a gey urgent maiter.

A canna richt mak up ma mynd whither sic like is gaun ower the score or no.

Akis A pit the oreeginal versions (the version a teuk it fae) on ma steid
fowk micht juist accuse me o Scottifeein whit wisna 'richt' Scots oniewey.
Yer richt aboot lattin fowk ken hou tae soond Scots richt. The day A hear a

bodie on the telly soond Tae a Haggis richt is the day A'll be pit awa for
lowpin aboot like a gyte tyke - Yuil, birthday an a lottery jackpot aa on
the same day;-)

Onie wey this is whit A wad hae duin wi't:

AULD REEKIE, wale o ilka toun
That _Scotland_ kens aneath the muin!
Whaur couthie chiels at eenin meet
Thair bizzin _craigs_ an _mous_ tae weet;
An blythlie gar auld care gae by
Wi blinkit an wi bleerin ee
Ower lang frae thee the Muse haes been
Sae friskie on the _Simmer's_ green,
Whan flouers an gowans wint tae glent
In bonnie blinks upo' the bent,
But nou the _leafs_ o yallae dye
Peelt frae the _brainches_, quicklie flee;
An nou frae mouther buss nor brier*
The spreckelt _mavis_ greets your ear;
Nor bonnie blackbird _skims_ an _roves_
Tae seek his luve in yonder groves.

      Then _Reekie_, walcome!  Thoo canst chairm
Unfleggit bi the year's alairm;
No Boreas, that sae snellie blaws,**
Daur here pap in his angrie nose:
Thanks tae oor _dads_, whase biggin staunds
A shelter tae surroondin launds.***

* A conseeder brier - ear a rhyme for EH Scots /bri:r/ - /i:r/ - tho did
Fergie no come fae Aiberdeen?
Whit dis 'mouther' mean?
**A jalouse for some fowk blaws an nose micht coud be a rhyme.
***Merk Scotland, laund. The 'laund' in Scotland is for ordinar
/skotl at n(d)/, alane /lAn(d)/ or /lOn(d)/ (SAMPA) hence the street
Lawnmarket
in EH = Laund Mercat.

A'm sair naur giein up ma pendantic uiss o -ie an -lie for adjectives an
adverbs an gaun ower tae -y an -ly, lea'in -ie an -lie for diminutives an
sindrie nouns.
A think fowk will  finnd it juist that wee bittie mair fameeliar an sae
easier tae read.

Andy

==================================END===================================
 You have received this because your account has been subscribed upon
 request. To unsubscribe, please send the command "signoff lowlands-l"
 as message text from the same account to
 <listserv at listserv.linguistlist.org> or sign off at
 <http://linguistlist.org/subscribing/sub-lowlands-l.html>.
=======================================================================
 * Please submit contributions to <lowlands-l at listserv.linguistlist.org>.
 * Contributions will be displayed unedited in digest form.
 * Please display only the relevant parts of quotes in your replies.
 * Commands for automated functions (including "signoff lowlands-l") are
   to be sent to <listserv at listserv.linguistlist.org> or at
   <http://linguistlist.org/subscribing/sub-lowlands-l.html>.
 * Please use only Plain Text format, not Rich Text (HTML) or any other
   type of format, in your submissions
=======================================================================