LL-L "Introductions" 2002.08.01 (08) [LS]

[Lowlands-L]

======================================================================
 L O W L A N D S - L * 01.AUG.2002 (08) * ISSN 189-5582 * LCSN 96-4226
 Web Site: <http://www.lowlands-l.net>
 Rules & Guidelines: <http://www.lowlands-l.net/rules.htm>
 Posting Address: <lowlands-l at listserv.linguistlist.org>
 Server Manual: <http://www.lsoft.com/manuals/1.8c/userindex.html>
 Archive: <http://listserv.linguistlist.org/archives/lowlands-l.html>
=======================================================================
 A=Afrikaans Ap=Appalachian D=Dutch E=English F=Frisian L=Limburgish
 LS=Low Saxon (Low German) S=Scots Sh=Shetlandic Z=Zeelandic (Zeeuws)
=======================================================================

From: "Friedrich-Wilhelm Neumann" <Friedrich-Wilhelm.Neumann at epost.de>
Subject: LL-L "Introductions" 2002.08.01 (04) [E]

Dach ook, un' moin, Mike,

dat schall viellich' ne recht ween, wenn ick Di'n Willkoom schriiev,
mookt
Ron normooler Wies. Blauts- mi dücht, Du büsst ein'n vonne
naurddüütschen
Leeglanners, de uns (mi) hier sau'n lütt beeten fehl'n daut, heff'ck all
lang opp töövt!
Schallst hier woll beste und kommood' Lüü' finnen, kannst driest
tausnacken
und bruukst vöör keein eein bang tau ween (bün ick amend ook nich, ook
wenn
ick aff un' ann mool Ooternkroom schreeven heff).
Joo- un't Beste wöör, wenn Du in uns plattdüütsch' Lannschapp mit Diien
Biiedrääg (opp Platt) Faarv bring'n kunnst- ook, wenn Du Dien
Öllern-Platt
ne meihr sau recht leihrt hesst. Ron-Vadder passt opp uns all, un' hei
hett
an'n Innen jümmers 'n Anter, kannst' Di tau verlooten un' 'n Bült von
affkieken.

Best' Grööten

Fiete.

----------

From: R. F. Hahn <sassisch at yahoo.com>
Subject: Introductions

Fiete, Leeglanners,

Ik heff Mike al privaat willkamen seggt.  Wi hebbt enanner al 'n
paarmaal schreven.

Mann in de Tünn, Fiete! Dat een mi hier (or annerwegens) "Vadder" nöömt,
dat heff ik bitherto noch nie nich to hören (or to lesen) kregen.
Bitherto hebbt se mi man bloots af un an "Baas" nöömt (un hebbt sik
daarbi amenn "Anföhrer (vun 'n Blaas'/Rackertüüg)" dacht).  "Käpten (vun
d'n Leeglanner Veermaster)" hebbt se mi man bloots een or tweemaal
nöömt.  Man ik will höpen, dat ik mi nich allto faken allto överbasig
hebben do.  "Macker" liggt mi best, wenn ook faken, as se't in Hamborg
seggt, "Hauptmacker."

Fehlen doot de Plattdüütschen up düsse Listen eenklich nich.  Man de
mehrsten leest man bloots un seggt keen Mucks.  De nöömt 'n _Lurkers_ up
Ingelsch, un ik översett dat as "Kunkeluren".

Fründliche Grötens!
Reinhard/Ron

==================================END===================================
 You have received this because your account has been subscribed upon
 request. To unsubscribe, please send the command "signoff lowlands-l"
 as message text from the same account to
 <listserv at listserv.linguistlist.org> or sign off at
 <http://linguistlist.org/subscribing/sub-lowlands-l.html>.
=======================================================================
 * Please submit postings to <lowlands-l at listserv.linguistlist.org>.
 * Postings will be displayed unedited in digest form.
 * Please display only the relevant parts of quotes in your replies.
 * Commands for automated functions (including "signoff lowlands-l") are
   to be sent to <listserv at listserv.linguistlist.org> or at
   <http://linguistlist.org/subscribing/sub-lowlands-l.html>.
 * Please use only Plain Text format, not Rich Text (HTML) or any other
   type of format, in your submissions
=======================================================================