LL-L "Competitions" 2004.03.10 (06) [S]

[Lowlands-L]

======================================================================
L O W L A N D S - L * 10.MAR.2004 (06) * ISSN 189-5582 * LCSN 96-4226
http://www.lowlands-l.net * lowlands-l at lowlands-l.net
Rules & Guidelines: http://www.lowlands-l.net/index.php?page=rules
Posting: lowlands-l at listserv.linguistlist.org, lowlands-l at lowlands-l.net
Server Manual: http://www.lsoft.com/manuals/1.8c/userindex.html
Archives: http://listserv.linguistlist.org/archives/lowlands-l.html
Encoding: Unicode (UTF-8) [Please switch your view mode to it.]
=======================================================================
You have received this because you have been subscribed upon request.
To unsubscribe, please send the command "signoff lowlands-l" as message
text from the same account to listserv at listserv.linguistlist.org or
sign off at http://linguistlist.org/subscribing/sub-lowlands-l.html.
=======================================================================
A=Afrikaans Ap=Appalachian B=Brabantish D=Dutch E=English F=Frisian
L=Limburgish LS=Lowlands Saxon (Low German) N=Northumbrian
S=Scots Sh=Shetlandic V=(West)Flemish Z=Zeelandic (Zeêuws)
=======================================================================

From: R. F. Hahn <sassisch at yahoo.com>
Subject: Competitions

Fowk,

Ablo is a wee sumhin for aw the Scots owthors on oor leet.

Guid luck!
Reinhard/Ron

***

Frae http://www.lallans.co.uk/lallans/comp.htm


Lallans Annual Leeteratur Competeetion

Scots in Schuils

Entries is invitit. Prizes is offered for writin in Scots or in onie o the
byleids o Scots. The'r twa clesses o entry:

        (a) Primary Schuils
        (b) Secondary Schuils

Prizes in siller o £40, £30 an £20 will be awairdit tae winnin pupils in
ilka entry cless.
Forby, the big an wee schuils juidged tae hae pitten in the bestest oweraw
staundart o entries will win £100 for thair schuil funds.

Entries can be:

        (a) Poems
        (b) Short stories
        (c) Short drama scripts
        (d) Radio/TV programme scripts or swatches o sic scripts
        (e) Writin pitten ower intae Scots fae ither leids
          or onie ither kin o writin in Scots that micht be thocht on bi
schuils.

The abuin maun be in Scots oot-throu
Entry is free.
Entries shoud be merkit "Annual Competeetion", alang wi the schuil name,
teacher contact, an be pitten in afore the deid-line o Juin 30t 2004.
NB: SLS is talkin wi ithers aboot a major naitional prize tae kiver aw
schuil's wark in Scots, seein a fair feck o competeetions is hauden the
braid o Scotland. The bestest wark pitten in for wir ain competeetion will
be pitten forrit tae onie naitional competeetion that micht be the affcome o
sic talks.

Adult Competeetion

In the adult competeetion the Hugh MacDiarmid Tassie Will be awairdit for
the bestest poem, an the Robert McLellan Tassie (an £100) will be awairdit
for the bestest cutty story. Thae tassies, hauden bi the winner for a year,
haes been presentit bi SCOTSOUN. Nae ither cash prises is awairdit, but
commendations is gien in ilka category at the juidges' discretion.
Warks pitten ower in tae Scots fae ither leids winna be conseedered. Poems
shoud be nae mair nor 60 lines, stories shoud be nae mair nor 3000 wirds.
Entries shoud be merkit "Annual Competeetion", wi name an address, an be
pitten in, alang wi the entry fee o £4 per eetem, afore the deid-line o Juin
30t 2004.

General Pynts

Entries maun be oreeginal an niver afore publisht.
Winners will be intimate an prizes awairdit at the Scots Leid associe
Collogue at the hint end o 2004. Winners will be be latten ken no lang
afore. Gin teachers or paurents is wantin tae come alng wi thair winnin
entrants for tae hear thaim read thair wark at the collogue, thay're mair
nor walcome. For ordinar entries isna sent back, sae schuils shoud haud
copies gin thay're nott.
At the eeditors discretion, entries can be setten furth in _Lallans_, or
uised on this wabsteid. Copyricht bides wi the authors.

Entries til: The Eeditor, Lallans, Blackfuird Ludge, Blackfuird, Perthshire
PH4 1QP

================================END===================================
* Please submit postings to lowlands-l at listserv.linguistlist.org.
* Postings will be displayed unedited in digest form.
* Please display only the relevant parts of quotes in your replies.
* Commands for automated functions (including "signoff lowlands-l") are
  to be sent to listserv at listserv.linguistlist.org or at
  http://linguistlist.org/subscribing/sub-lowlands-l.html.
=======================================================================