LL-L 'Resources' 2006.11.07 (03) [LS]

[Lowlands-L]

======================================================================
L O W L A N D S - L * ISSN 189-5582 * LCSN 96-4226
http://www.lowlands-l.net * lowlands-l at lowlands-l.net
Rules & Guidelines: http://www.lowlands-l.net/index.php?page=rules
Posting: lowlands at listserv.linguistlist.org or lowlands-l at lowlands-l.net
Commands ("signoff lowlands-l" etc.): listserv at listserv.net
Server Manual: http://www.lsoft.com/manuals/1.8c/userindex.html
Archives: http://listserv.linguistlist.org/archives/lowlands-l.html
Encoding: Unicode (UTF-8) [Please switch your view mode to it.]
Administration: lowlands-l at lowlands-l.com or sassisch at yahoo.com
=======================================================================
You have received this because you have been subscribed upon request.
To unsubscribe, please send the command "signoff lowlands-l" as message
text from the same account to listserv at listserv.linguistlist.org or
sign off at http://linguistlist.org/subscribing/sub-lowlands-l.html.
=======================================================================
A=Afrikaans Ap=Appalachian B=Brabantish D=Dutch E=English F=Frisian
L=Limburgish LS=Lowlands Saxon (Low German) N=Northumbrian
S=Scots Sh=Shetlandic V=(West) Flemish Z=Zeelandic (Zeeuws)
=======================================================================

L O W L A N D S - L * 07 November 2006 * Volume 03
======================================================================

From: 'A Victorie' [victorie.a at home.nl]
Subject: LL-L 'Resources' 2006.11.06 (04) [LS]

Moi Piet,

Hi'j in Stellingwarf ok gien domnee die in 't stellingwarfs de prèke döt. Of
een aandere Stellingwarfer die een theologische achtergrond hef. Aj argens
an begunt, dan druipt de wille en de inspiratie in't begun der vanof. Ik
wèede der alles van. Maor mangs dan koomt der twiefels, "doe'k 't wal good
of stao'k straks in mien lange jeager, veur Jan mit de körte name." Ik zul
zeggen, deurgaon maak 't of en laot 't gewoon op oe ofkomen.

Goodgaon,
Arend Victorie. 

----------

From: list at marcusbuck.org
Subject: LL-L 'Resources' 2006.11.06 (03) [LS]

> From: R. F. Hahn [sassisch at yahoo.com]

> My dücht Joun luyd' wullen daar niks vun weten wyl dat sey sülven de
> ünnerscheyden nich weett (ofschoonst sey in 'n paar woyrd'boyker to vinden
> sünd,
> so as by Günter und Johanna Harte (1989); _Hochdeutsch-plattdeutsches
> Wörterbuch_; Institut für niederdeutsche Sprache, Bremen; Leer: Schuster;
> ISBN
> 3-7963-0243-2.).
>
> Mit daar tou kümt noch dat mang Joun schryvers 'n paar nich as by Sass den
> ünnerscheyd twüschen lange un korte luden maakt (un by Sass is dat lyk as
> in 't
> Nedderlandsche un Afrikaanse):
>
> Lange Selbstlaute sind in offenen Silben einzeln zu schreiben,
> in geschlossenen doppelt (es sei denn, man benutzt nach
> hochdeutschem Muster das Dehnungs-H).

Dor will ik noch mal betonen, dat dat keen "jo" oder "wi" gifft. De Lüüd bi de
Wikipedia sünd kene slatene Grupp. Dat sünd allens enkelte Minschen, de in
verscheden Maat bi de Wikipedia mitmaakt. Un kuum een hett vörher mal Platt
schreven. Gifft eenfach nich noog plattdüütsche Schrieverslüüd. Dat heet för
uns, dat de Brukers sik eerst an de Schrievwies wennen mööt. Dat duurt sien
Tiet.

Un to de langen un Diphthong-E's un O's un Ö's: Dat is ja ok nich so eenfach. Wo
de een Dialekt ei hett, kann de annere ee hebben un bi annere Wöör jüst
annersrüm.

> (3) De saak mit "Vörfahr" het niks mit de schryvwys' tou doun. Man Joun
> reakschoon geyv' my d'n indruk dat Jy er as "Blitzableiter" bruken deen üm
> tou
> bewysen dat al myn seggen un verscheel (oever de schryvwys') niks gelden
> dout.

"al myn seggen un verscheel": Wo hest du dat denn seggt? Ik kann't nich
wedderfinnen. Bi Wikipedia weer't nich. Un wi harrn nich dien Menen to de
Schrievwies över, de Saak weer en beten ophitt, vun wegen dat Mark Williamson
uns to de Tiet op'n Kieker harr un di to Help ropen hett. De kunn de egene
Wikipedia för de Nedersaksen nich verknusen un is rümlopen un hett uns as
Döösbaddels dorstellt.

Un en beten an de Wohrheit dreihn deihst du ok: Heiko harr (ahn groot Söken)
_söss_ Wöörböker funnen, de Vörfohr oder Vörfahr hebbt. Is ja ok nich wieder
slimm, aver du schasst nich so doon, as wenn du as so'n leven Engel vun'n
Himmel dalkamen büst, uns to helpen, un wi di grundlos mit Steen besmeten
hebbt. Du weerst nich minner mit'n vörfertigt Menen över uns un de Wikipedia an
de Saak rangahn as wi. Aver noog dorvun. Du hest't ja al seggt, uns Denken
steiht sik neger as dat vun uns Schrieven lett.

Ik heff nochmal in miene Böker rinkeken un will to dat -ung noch wat schrieven:

Ik harr betherto jümmer dacht, dat dat -en in "Reken" (Rechnung) to'n Bispeel en
egenstännig Suffix is. Nu heff ik leest, dat dit -en man blots de Rest vun dat
ole -ing (-inge) ut middelnedderdüütsche Tiet is. Dat Suffix hebbt de
Plattdüütschen also nich afleggt, as ik letzmal vermoden weer, se hebbt dat
blots afslepen. So ok Penn/Pennen för Penning (Pfennig). "Reeknung" is also
würklich 'n unnödig Lehnwoort ut dat Hoochdüütsche. Ok dat Suffix -ling is mit
de Tiet afslepen, ut Hüsling is Hüsel worrn, ut Dümling Dümel.

Schöne Gröten
Marcus Buck

-----------

From: R. F. Hahn [sassisch at yahoo.com]
Subject: Resources

Beste Marcus,

Ik heff man bloots Privaatbreven an Heiko stüürt, nie nich wat up Wiki-Platt. 
Wat un woans Heiko Di un de annern daar wat vun wiederstüürt hett, un woans dat
vun een na 'n annern güng, dat weet ik nich.  Dat Heiko dat Woord in *söss* Böker
funnen harr, dat harr ik ook nich mitkrägen.  Daar wägen lett mi Dien Anklaag'
("keen leven Engel", "nich minner mit'n vörfertigt Menen") ook as heel unfair,
ofschoonst ik nu bilütten verstah, worüm Di dat so lett.  Ik wäät nich, 'nääm Du
dat her hest, bün moden, dat dat twüschen de lütten indirektemang wiedergävenen
Schriftstücken vun mi tosamen mit annere Lüüd' ähr Snack hest.  Mien
Korrespondenz mit Heiko was na mien Dinken heel respektvull, leev un harmoonsch,
un ik heff em faken schräven, ik find dat wunnerbaar, wat Ji daar berieten wullt
un doot. He lett mi arig nett un tolerant, un nie nich kreeg' ik den Indruck, dat
ik em up de Fööt pedd harr. Man up de een or annere Wies' hebbt Ji daar 'n anner
Bild vun krägen.  Mien Vörslääg' un mien Argumenteern daar vör sünd bi Jo
schients as destruktive Kritik ankamen, as of ik Jo un Joon Doon verdammen un
verdüveln dä, un so harr ik dat heel un deel nich meent. Ik find dat 'n Jammer.
Dat bewiest maal wedder, wat bi indirekt "Verstännigen" un Argdinkeree rutsuurn kann.

Persöönlich find ik dat ook 'n Jammer, dat Ji Jo vun de Verwandten in de
Nedderlannen afsünnert hebbt, wiel dat 't mi persöönlich wichtig is, dat wi œver
de Grenz wedder tohoop kamen doot, un ik meen, dat lokale Rümmusen un in Stücken
snieden kann den Dood för de Spraak bedüden.  Liekers bün ik duursaam noog, dat
ik Joon Besluss, ofschoonst wat trurig, verstahn un verknusen kann un liekers
nich fünsch up Jo bün.

Dat Wichtigste is na mien Dinken, dat wi alltohoop Å“ver eens dinken doot, wenn 't
üm de wichtigste Saak geiht: dat 't 'n echte, egenstännige Spraak is, de 'n liek
as annere Spraken bruken dröff un schull. Noog vun'n Aschenpüüstersch-Kraam!

Ik wünsch Jo wieder Spood'.

Grötens,
Reinhard/Ron

==============================END===================================
* Please submit postings to lowlands-l at listserv.linguistlist.org.
* Postings will be displayed unedited in digest form.
* Please display only the relevant parts of quotes in your replies.
* Commands for automated functions (including "signoff lowlands-l") are
  to be sent to listserv at listserv.linguistlist.org or at
  http://linguistlist.org/subscribing/sub-lowlands-l.html.
======================================================================