LL-L 'Resources' 2006.11.15 (02) [E/LS]

[Lowlands-L]

======================================================================
L O W L A N D S - L * ISSN 189-5582 * LCSN 96-4226
http://www.lowlands-l.net * lowlands-l at lowlands-l.net
Rules & Guidelines: http://www.lowlands-l.net/index.php?page=rules
Posting: lowlands at listserv.linguistlist.org or lowlands-l at lowlands-l.net
Commands ("signoff lowlands-l" etc.): listserv at listserv.net
Server Manual: http://www.lsoft.com/manuals/1.8c/userindex.html
Archives: http://listserv.linguistlist.org/archives/lowlands-l.html
Encoding: Unicode (UTF-8) [Please switch your view mode to it.]
Administration: lowlands-l at lowlands-l.com or sassisch at yahoo.com
=======================================================================
You have received this because you have been subscribed upon request.
To unsubscribe, please send the command "signoff lowlands-l" as message
text from the same account to listserv at listserv.linguistlist.org or
sign off at http://linguistlist.org/subscribing/sub-lowlands-l.html.
=======================================================================
A=Afrikaans Ap=Appalachian B=Brabantish D=Dutch E=English F=Frisian
L=Limburgish LS=Lowlands Saxon (Low German) N=Northumbrian
S=Scots Sh=Shetlandic V=(West) Flemish Z=Zeelandic (Zeeuws)
=======================================================================

L O W L A N D S - L * 15 November 2006 * Volume 02
======================================================================

From: list at marcusbuck.org 
Subject: LL-L 'Resources'

Moin Ron,

bi Ethnologue in'n Indrag to Plattdüütsch
<http://www.ethnologue.com/show_language.asp\?code=nds> steiht wat vun 1000
Lüüd, de de Spraak snacken doot (un dat 10.000.000 dat verstaht). Un dor steiht
bi, dat se dat vun di hebbt. Nu mag ik gor nich glöven, dat se so'n Tüdelkraam
vun di hebbt. Mag nich good utsehn för Platt, aver 1000 Lüüd is en beten böös
wenig. Woveel Lüüd dat as Moderspraak snackt is swoor to seggen, wat heet denn
Moderspraak? Genaue Tallen hett dor wohrschienlich nüms. Aver mehr as 1000, dat
is gewiss ;-)

Överhaupt isde Indrag nich so dull. Se föhrt Plattdüütsch ünner den Naam 'Low
Saxon', schrifft denn aver 'Lower Rhine Region below a line from Aachen to
Witenberg'. Dor is denn woll de Benrather Lien mit meent. De trennt aver Hooch-
vun Nedderdüütsch un hett dor denn ok dat Nedderfränksche mit bi. Un 'below'
heet doch 'ünnerhalv', nich? Op de Koort is dat baven. Oder kann 'below' ok
'sieder legen' heten?

Un denn hebbt se enen Indrag to 'Oostfreesch'
<http://www.ethnologue.com/show_language.asp\?code=frs>. Dor weet se ok nich, wo
se vun snacken doot. Schrifft vun Oostfreesch in Schleswig-Holstein. De hebbt
Oostfreesch Platt, Saterfreesch un Noordfreesch tohoop vermengeleert. Dor passt
gornix.

Wenn ik mi dissen Stammboom ankieken do
<http://www.ethnologue.com/show_family.asp\?subid=90432>, denn is dor woll
allens in'n Dutt. Ik will gor nich weten, wie dat bi Spraken in annere Länner
utsüht.

Ik wull dor mal op henwiesen. Wenn dor mien Naam bistünn, wörr mi dat nich
gefallen.

Un denn wull ik doch ok glieks mal fragen, ob ji wat weten doot to de Tall vun
Plattsnackers. Genaue Tallen gifft dat nich, aver dat gifft ja bestimmt
Schätzungen, Ümfragen, Ünnersökungen oder wat weet ik. Ik weet, dat Dieter
Stellmacher 1984 ene Ãœmfraag maakt hett, aver dat blots in de domalige BRD. To
de Tiet snacken 35 % good oder sehr good Platt, 21 % en beten un 43 % keen
Platt. In'n Noorden aver veel mehr as in Oost- un Westfalen.

Kennt de annern hier noch mehr Saken över dit Thema?

Schöne Gröten
Marcus Buck

----------

From: R. F. Hahn [sassisch at yahoo.com]
Subject: Resources

Moyen, Marcus!

Ik weet nich meyr wat ik jüm in 't enkelde verteld har, man ik kan Dy voer wiss
seggen dat 't nich was wat sey schreven hebt. Un düt is nich allens wat sey na
myn verscheel valsch tou houp daan hebt. Ik hev jüm al 'n paar maal beden dat sey
't ennern schoelt, un sey hebt anterd dat sey 't man bloots doun koent wen dat
neye bouk maakt wardt. Un dat is nu al twey maal maloyrd, un elk maal is daar
kuddel-muddel by ruut-suerd. Daar wegen seg ik nu ook niks meyr. Ik har jüm üm un
by düt schreven, ofschoonst sachs nich in eyn enkelde mail:

* There are no census data for the language.

* All numbers regarding speakers are informal estimates.

* Informal estimates vary wildly, the latest between 7 and 10
  million combined in both countries (1.5-3 million being commonly 
  claimed for the Netherlands). The real figures may be much lower.
  However, people in Germany usually fail to count non-European, 
  including Mennonite, speakers, and their figures may impact the 
  overall figure to a considerable degree.  

* The definition of "proficiency" is unclear. It is possible, if
  not likely, that individuals have been counted that only 
  understand the language, or *think* they do, and then it's not
  clear if they can only understand it well when they read it.
  Similar uncertainty exists regarding speaking and reading 
  proficiency. (Some people think they are proficient when they
  can say or write a few stock phrases or use what is known
  as "Patentplatt." "Platt" is a very vague term that in many 
  people's minds includes "Saxonized German" such as "extreme 
  Missingsch.") Furthermore, it usually includes Low Franconian
  varieties.

Dat is waar, dat ik 'n paar maal segd hev dat nu letst welke minschen meynt dat
givt 7-10 miljonen (in de heyle welt). Man ik hev ny nich segd dat seg or gloyv'
ik sülven.

Wat Oost-Törksche spraken sünd, daar hebt sey in myn schriften rin-keken dey
ünner de luyd' kamen sünd. Wat use spraak is, daar hebt sey 'n lüt beten hyr un
daar tou houp klayd wat sey oever 'n langere tyd uut myn breyven ruut-namen hebt,
un den hebt sey 't mit d'n naam un allens nich richtig begrepen. Is wul waar dat
sey 't nich mit boysen willen daan hebt. Man mutst ook nich vergeten dat 't 'n
bybel-selschup is dey Kristliche schriften in al de spraken ruut-bringen wil --
je meyr je beter.

Kumpelmenten,
Reinhard/Ron

==============================END===================================
* Please submit postings to lowlands-l at listserv.linguistlist.org.
* Postings will be displayed unedited in digest form.
* Please display only the relevant parts of quotes in your replies.
* Commands for automated functions (including "signoff lowlands-l") are
  to be sent to listserv at listserv.linguistlist.org or at
  http://linguistlist.org/subscribing/sub-lowlands-l.html.
======================================================================