LL-L "Language politics" 2007.06.16 (04) [LS]

[Lowlands-L List]

L O W L A N D S - L  -  16 June 2007 - Volume 04

=========================================================================

From: jonny <jonny.meibohm at arcor.de>
Subject: LL-L "Languge politics" 2007.06.15 (07) [LS/German]

Leyve Marlou,

nu weyt 'ck meist gonne, wat ick opp Diin Mail antern schall?! Dat hesst Du
sou allerbest schreeben, door weyr Gotthold Ephraim 'wiss stolt op Dii ;-).
Un' jüst *ick  *bün anfangs sou greesig opp Dii dool komen! Sorry!

Du schreyvst:

> dat is en Fest, mit wa veel Stolt Du Din Spraak hoochhöllst, so hooch, dat
Du ehr nich bi't Hoochdüütsche bedeln gahn > sehn kannst.
Tja- wat schall 'ck door tou seggen? Du hesst dat begreepen! Dat is miin '
Eyrsten Kategoor'schen Imperativ', uns Nedderdüütsch sou wiid as moyglich
van 't Houghdüütsche verscheyden tou houl'n- anners hett dat teymli' gouw 'n
Innen doormit.

> Man wat wi denn so, "mit Haltung", gahn orr ünnergahn wüllt, dat is, meen
ik, noch apen.
Wat 'wiss ünnergeiht is de Veelfalt van de verscheyden' Mundaorden. Door
sorgt de öberklouken Theoretikers all laang föör, un wenn 'ck schriiben
douh, bün 'ck door sülbst toumedden mang!

> Siet de Tied heff ik mi mehr un mehr ümdaan ünner de nedderdüütschen
"Aktivisten" un sogor in de plattdüütsche
> "Szene", mit all de Skepsis, de ik för "Szenen" an sik över heff.
Door givvt jo twey Sourt' van: de 'Schmierenkomödianten', de Platt as 'n
Moyglichkeit föör jemmer Geldverdeynen bruukt un' al'ns doorföör mookt, wat
de Lüü' wat tou lachen hebbt *('Plattdüütsch is joo sou eyn koumische
Sprook!'),* un' de Annern, de dat föör ernst nehmt, wat Nedderdüütsch ne
vergeeten un' mang dat nourd-düütsche Volk brocht waard.

> Ja, uns blöödt dat Hart ok, avers wi hebbt noch en dickers Fell. Wi köönt
dat tominnst mal beten henhollen.
Du leyve Tiid! Door is oppletzt gänzli' noch 'n Bült Wohrheit binnen...
'Miin' Platt schall 'wiesou ne öberleben, man wosou schull'n Jii jungen Lüü'
ne versoyken, tou redden wat tou redden is? Touminnst' for de neyxten 30
Joor'n? Aargert Jii Jou doch an al dat, wat de iideln Schriiverslüüd an
Hintjentüüg mookt (un all mookt hebbt, ouk all in 't 19. eeuw...). Aargert
Jii Jou an dat, wat, as Enno schreyv, an Bloydsinn op de Universitäten mookt
worr'n is un' noch mookt waard; aargert Jou öber Jou sülbst (sou as ick),
wieldes Jii maarkt, wat Jou'n Platt faoken man goodlich is, wat Jii
mennigmool tou fuul sünd, Vokabeln tou leyhr'n un', wenn nich, meist naarms
Boykers tou finnen sünd, in dey de *'neddersassische Wohrheit'* binnen
steiht.

> Man een Saak bidd ik vun Di, Jonny: Schriff doch Platt! Vun wokeen schallt
wi't denn lehren, wenn nich vun Lü as Di? Du > deist dat nich för welk, de
Di dorför belächelt, da wees wiss. Wi hollt Di för in Ehren.
Ick bün keyn Schriiver un' schall 't woll amaleev ne waar'n.

 > Dat höllt dat Süll na't Nedderdüütsche sied. (Orr woans seggt een
"niedrigschwellige Angebote" op Platt? ;-))
Dat haarst Du wohr'aftig ne beter seggen kunnt- ofschounst dat meist tou
viigeliinsch föör 'n eynfache 'Volks-Sprook' is. Mook door joo keyn
dialektischen Acker van- denn is 't all meist al'ns verlour'n.
Eyn Deyl loot mii inns seggen: nümms bruukt sick tou schomen, wenn hey/sey
mang dat Nedderdüütsch avv un' an Houghdüütsch sayen dayt- dat mookt ouk de
öllsten Nativen mang uns. Man- dat mutt eyhrlich ween! Wii köönt dat nu  mol
ne wegdisk'reern:* 'uns'* Sprook is ne sou viigeliinsch as de Weltsprooken,
un- bruukt wii in Düütsch ne ouk 'n Bült Ingelsche Woyr, de mennigwat beter
sünd as 'n düütschet *'Wort-Ungetüm' * (is dat 'n Wourd!)? Un' annersrüm? Un
al de latiinschen Woyr föör de Wetenschoppen- geiht doch gonne ohn' jem.

> Jonny: Un wenn dat allens nix warrt, denn maakt wi Platt en stolten
Ünnergang!! Een, de noch lange lüchen deit.
Nu waar 'ck oppletzt meist noch roud in 'n Gezicht ;-)!

Wat seggt miin oysteriiksche Vöör-Öllern bii sou 'n Gelegenheit?

*Küss' die Hand, gnäd'ge Frau!*

Jonny Meibohm
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20070616/76aea6f7/attachment.htm>