LL-L "Grammar" 2009.06.05 (01) [NDS]

[Lowlands-L List]

===========================================
L O W L A N D S - L - 05 June 2009 - Volume 01
Encoding: Unicode (UTF-08)
Language Codes: lowlands-l.net/codes.php
===========================================

From: Marcus Buck <list at marcusbuck.org>
Subject: LL-L "Grammar" 2009.06.04 (05) [NDS]

From: R. F. Hahn <sassisch at yahoo.com <mailto:sassisch at yahoo.com>>

> Subject: Grammar
>
> Dank di, Marcus.
>
> Du schreevst:
>
> Bi "regen" süht dat würklich so ut, as wenn dat en Substantiv wesen kunn.
> Is dat aver nich,
>
> Ja, good. Man woans kannst du so säker sien? Wat is de Bewies? Lütt- or
> Grootschrieven or annere Saken vun wägen Schrievwies' sünd keen Bewiesen.
>
Weten do ik dat nich. Aver mi dücht, dat is nich nödig, antonehmen, dat dat
en Substantiv is. Dat kann en Oord olen afslepen Gerundiv wesen oder dat
kann en Infinitiv wesen (wenn mien "Theorie" von en olen Gerundiv wohr is
[mag woll angahn, se is dat nich], denn müss sik wat finnen laten in ole
Texten oder in Dialekten, de noch en Ãœnnerscheed twischen Gerundiv un
Infinitiv maakt). So'n Infinitiv lett sik as Verb oder as Substantiv opfaten
(In "Nu geiht dat Blitzen un Dunnern los" hebbt wi ja to'n Bispeel ok en
Infinitiv, de allgemeen as Substantiv opfaat warrt), dat is keen binäre
Fraag. Wenn du "Dat wardt Dauen" schriffst, will ik dor man ok gornix gegen
seggen (wo dull Lüüd sik över de Frag Groot-/Lüütschrieven - hett dat Woord
mehr Substantiv- oder mehr Verb-Charakter - strieden köönt, hebbt wi ja bi
de Rechtschrievreform sehn).

Aver dat is op jeden Fall keen verhoochdüütscht Futur. "Dat warrt regen" is
ok op Hoochdüütsch grammatikaalsch ("Es wird regnen"), aver "nu kann't regen
warrn" is dat nich ("jetzt kann es regnen werden"). Import kann dat also
nich wesen. Utnahmen villicht, wi nehmt an, dat "dat warrt regen" un " nu
kann't regen warrn" sünd twee ganz verscheden Konstrukte (dien List mit
"fangt jüstemang an" un "Tokamen" interpreteer ik so). Aver dat passt ok
nich. Denn all beid Konstrukte warrt för "fangt jüstemang an" bruukt un dat
Futur warrt anners konstrueert.

Ik gah dor also von ut, dat dat en oold Gerundiv is, oder dat dat alternativ
warrn + Infinitiv is, wat aver blot de Form na mit't hoochdüütsche Futur
övereen is, un en egenstännig plattdüütsch Konstrukt is.

Marcus Buck

•

==============================END===================================

 * Please submit postings to lowlands-l at listserv.linguistlist.org.

 * Postings will be displayed unedited in digest form.

 * Please display only the relevant parts of quotes in your replies.

 * Commands for automated functions (including "signoff lowlands-l")

   are to be sent to listserv at listserv.linguistlist.org or at

   http://linguistlist.org/subscribing/sub-lowlands-l.html.

*********************************************************************
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20090605/664d7677/attachment.htm>