LL-L "Language politics" 2009.09.23 (01) [DE-NDS]

[Lowlands-L List]

===========================================
L O W L A N D S - L - 23 September 2009 - Volume 01
lowlands at lowlands-l.net - http://lowlands-l.net/
Encoding: Unicode (UTF-08)
Language Codes: lowlands-l.net/codes.php
===========================================

From: Marcus Buck <list at marcusbuck.org>
Subject: LL-L "Language politics" 2009.09.22 (01) [DE]

From: Jonny <jonny.meibohm at arcor.de
<mailto:jonny.meibohm at arcor.de<jonny.meibohm at arcor.de>
>>

Subject: LL-L "Language politics"
Beste Lowlanners,
 hier einige Auszüge aus einem Werke von 1834, welches ich kürzlich im
"Project Gutenberg" fand. Den kompletten Text findet Ihr hier:
http://www.gutenberg.org/etext/12660
 Ich muss leider gestehen, dass ich die Ansichten des Autors, eines Dr.
Ludolf Wienbarg (1802-1872), in vielen Punkten durchaus teilen kann; einige
seiner Argumente hätten auch noch in die 50er Jahre des 20. Jahrhunderts
gepasst, als ich selbst die ländliche Grundschule besuchte.
 Macht Euch selbst ein Bild! Viel Vergnügen!

Dat ene grote Problem, dat all von Wienbarg sien Snacken dalritt, dat is,
dat he dat, wat he bewiesen will, al vörutsett. Wienbarg will bewiesen, dat
Plattdüütsch nix döggt un Hoochdüütsch beter is. Un wat seggt he as
Argument? En Plattdüütschen kann de hoochdüütsche Preddigt nich good
verstahn, en Plattdüütschen kummt in de hoochdüütsche School nich good mit!
Wienbarg, disse Döösbaddel, de is nich mal op de Idee kamen, dat villicht
Plattdüütsche de Preddigt verstaht un in de School mitkaamt, wenn, ja, wenn
dor man blot Plattdüütsch snackt warrt!?! Wo kann een so blind wesen! So
dumm wesen! "Och Vadder, mien Mest snidd nich good un good anfaten lett sik
dat ok nich... - Denn nimm doch dat Lämmel ut'e Hand un faat dat Mest bi'n
Greep!" Aver villicht weer he nich rein blind un dumm. Villicht weer he
eenfach en verdammten Nationalist un Chauvinist. 1802 bet 1872. He is to
Franz II. sien Tieden boren, hett Napoleon, dat Wartburgfest un '48 beleevt
un is ünner Willem I. doodbleven. Deutschland, Deutschland, über alles. So
hett Fallersleben 1841 dicht. Düütschland schull eens wesen, Düütschland
schull stark wesen, vör allen schull Düütschland groot wesen.
Plattdüütschland, dat weer de drüdde Deel von "Düütschland". Ahn
Plattdüütschland weer "Düütschland" lüttjer as England un Frankriek. Aver de
Spraak mutt dor rut, denn Untertanen, de di nich verstaht, dat sünd slechte
Untertanen.
Un wenn du seggst, Wienbarg harr ok en beten recht: Harr Wienbarg ok recht
hatt, wenn he sien Kees "/Soll die estnische Sprache gepflegt oder
ausgerottet werden? Gegen Ersteres und für Letzteres" /nöömt harr? Eestnisch
hebbt to man en poor hunnertdusend Lüüd snackt (Plattdüütsch hebbt to 10
Millionen oder noch mehr snackt). Dat hett to wohrschienlich ok mehr
plattdüütsche Böker geven as eestnische. Plattdüütsch harr en opschreven
Geschicht von 1000 Johr, eestnisch blot von 300 Johr. Liekers is von
Eestnisch en moderne Spraak worrn, ofschoonst se ok vondaag man kuum von
mehr as en Million Lüüd snackt warrt. Eestnische Kinner sünd nich dümmer as
Kinner annerwegens. Un eestnische Christen is de Preddigt jüstso egal as all
de annern Christen annerwegens ok, egal wat de för'n Spraak snackt. Harr sik
in't 19. Johrhunnert en egen plattdüütsch Bewusstsien billt, villicht en
egen Staat un en egen Standardspraak, denn harr de Spraak vondaag so bi 25
Millionen Sprekers. Wenn dat so kamen weer, denn weer Plattdüütsch jüstso en
Spraak wesen, as Nedderlandsch oder Rumäänsch. Jüstso good to bruken, mit
jüstso veel Literatur, jüstso licht to bruken för Quantenphysik un för de
Börs un för Opernarien un för Mikrobiologie un allens annere.
Dat dat nich so kamen is, dat liggt nich an verkümmerte Grammatik (dat dat
Tüdelkraam is, dat hett Reinhard ja al seggt), nee, dat liggt alleen dor an,
dat de Obrigkeit dat nich wullt hett. Dat weer 1834 so, un dat is ok 2009
noch so. De herrschenden Eliten hebbt dor keen Intress an. De wüllt lüttje
Carl Klinkes un Diederich Heßlings.
Marcus Buck

•

==============================END===================================

 * Please submit postings to lowlands-l at listserv.linguistlist.org.

 * Postings will be displayed unedited in digest form.

 * Please display only the relevant parts of quotes in your replies.

 * Commands for automated functions (including "signoff lowlands-l")

   are to be sent to listserv at listserv.linguistlist.org or at

   http://linguistlist.org/subscribing/sub-lowlands-l.html.

*********************************************************************
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20090923/0167de1a/attachment.htm>