LL-L "Delectables" 2010.01.05 (02) [EN-NDS]

[Lowlands-L List]

===============================================
L O W L A N D S - L - 05 January 2010 - Volume 02
lowlands.list at gmail.com - http://lowlands-l.net/
Archive: http://listserv.linguistlist.org/archives/lowlands-l.html
Encoding: Unicode (UTF-08)
Language Codes: lowlands-l.net/codes.php
===============================================
From: R. F. Hahn <sassisch at yahoo.com>
 Subject:Delectables

Shephers's Pie for the Continental (true) Saxons. Bear with us, folks!

Mien Frünnen,

Ik bün vunavend uut un all, heff arrig schirrwarkt vundaag’. Lieker bün ik
an’t Kaken, is so vääl lichter un gauer mit mien *Schnellkochtopf*, dat
Best, dat ik mien Leef för de Kœk köfft heff. Kaam ’s avends na Huus’ un
kann in 30 Minuten Äten kaken, dat anners Stünnen bruukt. Besünners in the
kolde Jahrstied is dat ’n Gottsgaav’, t.B. wunnerbare Bohnen-, Linsen- und
Arfensupp in 20 Minuten!

Vunavend bün ik „Shepherds Pie“ bi to kaken, ’n Gericht vun’t ingelsch un
walsiesisch Lannen, in ole Tieden för de Harders. Dat schullen ji probeern!.


Kaakt ’n Gulasch so na joon Mœg’, man ook mit Zibbeln un Wotteln, (*Karotten
*) villicht mit Poggenstöhl (*Pilzen)*, allens mit andickte Schü (Sauce). Ik
do geern een Lorbeerbladd mit to.

Un maakt Kartüffelmuus. Ik do Blomenkahl mit to (denn wardt ’t wat lichter
un is heel lecker), un doot allens tosamen musen wenn week (*weich*). Dat
Orginaalrezept hett wat Melk (or Rahm) und Botter mit bi, allens tosamen
stampt, denn mit een Ei verröhrt (wenn ’t wat afköhlt is), dat ’t wat
andickt wardt, und denn meist as Slackermaschü (*Schlagrahm, Schlagoberst*)
slaan - schöön licht un locker. Nu doot ji noch ’n good Deel rieven Muschaat
to. (Ik laat Botter, Rahm un Milk uut, vun wägen Kalorien, ook wiel dat ik
as „Jödenlehrling“ nich geern Melkprodukten tosamen mit Fleesch äten will,
wat heel un deel nich koscher is.)

Nu doot ji dat Gulasch in een Backform mit was Botter or Ööl up’n Boddem.
Baven up striekt ji nu dat Muus un maakt mit ’n Läpel or Gaffel ’n
Munster. Denn
doot ji wat Botter baven up (in mien Fall Olivenööl), un denn wat mehr
Muschaat un ook wat Päper, or sogaar wat Parmesan-Kees’. Un denn „schuuvt’
ji ’t in’n Aven“ up Middelhitten bit dat ’t baven up de Tippen ’n lütt bäten
bruun wardt.

Nu laatt  ji ’t wat köhler warrn, ehrder dat ji ’t up’n Disch doot, serveert
’t mit wat snäden Gurken un/or Tomaten.

Joon Besökers schullen jo dankens wään, besünners de „meat and potato guys“
mank jüm.

Äät lecker un leevt lecker, mien Brödern un Süstern! Ik wünsch jo un joon
Lüüd’ niks as dat Best vun’t Best för’t Jahr 2010.



Joon Fründ
Reinhard/Don
Seattle, USA

•

==============================END===================================

 * Please submit postings to lowlands-l at listserv.linguistlist.org.

 * Postings will be displayed unedited in digest form.

 * Please display only the relevant parts of quotes in your replies.

 * Commands for automated functions (including "signoff lowlands-l")

   are to be sent to listserv at listserv.linguistlist.org or at

   http://linguistlist.org/subscribing/sub-lowlands-l.html.

*********************************************************************
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20100105/d0dbc5af/attachment.htm>