LL-L 'By the way' 2010.12.14 (06) [NDS]

[Lowlands-L]

=====================================================
 L O W L A N D S - L - 15 December 2011 - Volume 06
lowlands.list at gmail.com - http://lowlands-l.net/
Posting: lowlands-l at listserv.linguistlist.org
Archive: http://listserv.linguistlist.org/archives/lowlands-l.html
Encoding: Unicode (UTF-08)
Language Codes: lowlands-l.net/codes.php
=====================================================


From: Hannelore Hinz <hannehinz at t-online.de> <hannehinz at t-online.de>
Subject: LL-L 'By the way' 2010.12.14 (05) [NL]

Jeja, so is dat mit de Möw' un man künn woll seggen 'mit de Möwen'.

In ein oll' Seemanns-Leed "Kleine weiße Möwe", Text von Fritz Grasshoff un
Musik von Norbert Schulze steiht schräwen: 'Kleine weiße Möwe bringt dem
Seemann Glück', un in ein'n annern Riemel is tau läsen 'Möwe, schütz uns
vor Gefahr, fällt was auf die Planken, wäscht die See es klar!"
Väl Inwahners von uns' Hochhuus faudern de Möwen von'n Balkon ut, wat gor
nich noedig is. Nu sünd de Möwen all so tautruglich un dat warden ümmer
mihr Möwen, man wi warden sei nich wedder los. Sei nähmen's un laten ok wat
von bawen fallen...
Künn je sien, dat disse Möw ok all sowat beläwt hett un nu so driest worden
is.
Männigmal hebben de Minschen ok Schuld an so ein Saak.
Ja, leiw' Arend, harst man ein Bild von de Möw' afnahmen (Foto aufnehmen),
wegsmieten kann man dat ümmer noch.
Ick bün ok ein Fründ von Dierten un heff so an vierteihn Johr mien beiden
Katten hägt un plägt un ümmer mien Freud an hatt. Sei 'Lauseluzie' un hei,
ehr Soehn 'Hoppel-Max'.

Vör Johren fünn ick  in'n kollen Winter ein verletzte junge Möw vör dat
Hochhuus in de Ratzeburger Straat. All' Lüüd löpen vörbi... Man hadd  ehr
ein Bein (Stender?) afschaten. Ick kurwte mit  Möw un Trabbi nah de
Tierklinik. Oewer de Veihdokder hett sei för ümmer inslapen laten...

Lat't jug dat gaud gahn.

Hanne

   =========================================================
Send posting submissions to lowlands-l at listserv.linguistlist.org.
Please display only the relevant parts of quotes in your replies.
Send commands (including "signoff lowlands-l") to
listserv at listserv.linguistlist.org or lowlands.list at gmail.com
http://linguistlist.org/subscribing/sub-lowlands-l.html.
http://www.facebook.com/?ref=logo#!/group.php?gid=118916521473498
==========================================================
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20111215/d588455c/attachment.htm>