LL-L 'Traditions' 2010.12.23 (02) [NDS]

[Lowlands-L]

=====================================================
 L O W L A N D S - L - 23 December 2011 - Volume 02
lowlands.list at gmail.com - http://lowlands-l.net/
Posting: lowlands-l at listserv.linguistlist.org
Archive: http://listserv.linguistlist.org/archives/lowlands-l.html
Encoding: Unicode (UTF-08)
Language Codes: lowlands-l.net/codes.php
=====================================================


From: Hannelore Hinz <hannehinz at t-online.de> <hannehinz at t-online.de>
Subject: Traditschon

Leiw' Lowlanners,

Ick heff mal vör Johren ein'n von mi schräben hd. Riemel för ein
Profi-Sängersch jüst bäten anners in dat Plattdüütsch oewerdragen un will
jug up mien Oort un Wies' tau Wiehnachten ein lütt Freud maken. Dis Riemel
up Hoch is ok schön in Tön' sett' un up ein CD tau hüern.

*    Wiehnachtstied

**Jedein Dag ward ümmer lütter,
noch mihr Düüster nu tau Nacht.
Hüt hett mi in all' mien Drömen
mien lütt' Pöpping truug taulacht.
"Hallo Teddy up den'n Sofa,
olle Fründ du, is dat wohr", -
un in all' mien Wiehnachtsdrömen
wier mien Kinnertied nu dor.

Mien lütt' Drom, du mötst noch bliewen,
schenk mi noch ein bäten Sünn,
mal mi Biller ut mien Kindheit,
wo ick hier allein so bün.
Swäw mit di hoch in de Wulken
in dat schöne Märkenland,
un bi all' mien säutet Drömen
keem ick jüst ut Rand un Band.

Jedein Dag ward ümmer lütter,
noch mihr Düüster nu tau Nacht.
Gülden schämert' in mien Drömen
in den'n kollen Winterdag.
"Hallo Slapmütz, wist nich upstahn",
raupen all' mien Frünn', is wohr,
un nah all' mien Kinnerdrömen
wüür de Wiehnacht wunnerbor.

Wiehnachtstied, in uns ein Swäwen. -
Oewerall' dat Land sneiwitt.
Olle Leeder Freud uns gäwen
un wi singen düchtig mit.

Sinnige Wiehnachten an jug alltohopen
un groten Dank an unsen Baas Ron.

Hartlich.

Hannelore (Hanne)*

=========================================================
Send posting submissions to lowlands-l at listserv.linguistlist.org.
Please display only the relevant parts of quotes in your replies.
Send commands (including "signoff lowlands-l") to
listserv at listserv.linguistlist.org or lowlands.list at gmail.com
http://linguistlist.org/subscribing/sub-lowlands-l.html.
http://www.facebook.com/?ref=logo#!/group.php?gid=118916521473498
==========================================================
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20111223/3a2ce1e3/attachment.htm>