LL-L "Lexicon" 2011.07.11 (01) [NDS]

[Lowlands-L List]

 ====================================================
 L O W L A N D S - L - 11 July 2011 - Volume 01
lowlands.list at gmail.com - http://lowlands-l.net/
Posting: lowlands-l at listserv.linguistlist.org
Archive: http://listserv.linguistlist.org/archives/lowlands-l.html
Encoding: Unicode (UTF-08)
Language Codes: lowlands-l.net/codes.php
 =====================================================

 From: M.-L. Lessing marless at gmx.de
Subject: LL-L "Lexicon" 2011.07.10 (03) [DE-NDS]

Leev Hanning, dat's intressant! Lepelkunn! Dat schient ja, de Lepel is wat
ganz Persönlichs west. Wi hebbt ja vundaag Lepels noog in'e Schuuvlaad, un
de warrt heel dörnanner bruukt (so nöömte "Lepel-Promiskuität" :-)). Woso
harr denn wohl in fröher Tieden jedereen sin egen Lepel? Harrn se bang vör,
dat Krankheiten överdragen warrn kunnen? Man se kunnen de Lepels doch
waschen? Un faken noog hett ja en ganze Huusholl ut desülvige Pann orr
Schöttel eten -- jedereen denn sachs mit sin/ehr egen Lepel. Üm Keime kann
ehr dat denn nich to doon west ween...!

Wenn also de Lepel as Deel vun de Persönlichkeit gell -- wenn "er haucht den
Geist aus" op Oogenhööcht steiht mit "he gifft den Lepel af" -- woso hebbt
se de Lü denn nich ehrn Lepel mit in't Graff leggt? Dat wöör mi logisch
schienen. Weern ja sachs nich allens Sülverlepels. So'n Holtlepel kannst ja
mal mitgeven, de komposteert ok good. Un dat "letzte Hemd" weer ja ok nich
ut den billigsten Plünnkraam maakt. Mutt doch en komisches Geföhl west ween,
as neegste Knecht (Din Punkt 4) den Lepel vun din doodbleven Vörgänger to
övernehmen! Un woso övernehmen? De niege Knecht harr ja villicht al en egen
Lepel (Din Punkt 5)!

Gifft dat noch anner Alldags-Saken, de so en Symbol för dat Leven sünd? Mal
afsehn vun den Emmer, gegen den de Lü in'n ingelschen un
Afrikaans-Spraakroom anduernd gegenpeddt :-)) Ik fraag mi, wat da all
densülvigen Emmer nehmt -- orr harr ok elk sin egen?

Hartlich

Marlou


=========================================================
 Send posting submissions to lowlands-l at listserv.linguistlist.org.
 Please display only the relevant parts of quotes in your replies.
 Send commands (including "signoff lowlands-l") to
 listserv at listserv.linguistlist.org or lowlands.list at gmail.com
 http://linguistlist.org/subscribing/sub-lowlands-l.html .
 http://www.facebook.com/?ref=logo#!/group.php?gid=118916521473498
  =========================================================
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20110711/74090563/attachment.htm>