LL-L "Language varieties" 2002.04.26 (02) [LS]

[Lowlands-L]

======================================================================
 L O W L A N D S - L * 26.APR.2002 (02) * ISSN 189-5582 * LCSN 96-4226
 Web Site: <http://www.geocities.com/sassisch/rhahn/lowlands/>
 Rules: <http://www.geocities.com/sassisch/rhahn/lowlands/rules.html>
 Posting Address: <lowlands-l at listserv.linguistlist.org>
 Server Manual: <http://www.lsoft.com/manuals/1.8c/userindex.html>
 Archive: <http://listserv.linguistlist.org/archives/lowlands-l.html>
=======================================================================
 A=Afrikaans Ap=Appalachian D=Dutch E=English F=Frisian L=Limburgish
 LS=Low Saxon (Low German) S=Scots Sh=Shetlandic Z=Zeelandic (Zeeuws)
=======================================================================

From: Helge Tietz <helgetietz at yahoo.com>
Subject: Geographie

Twee Weeken tovoern boen ik fraagt worden wat ik
egentli uenner "Colonial" Neddersassisch voerstaa, ik
dink dat giff een Oennerscheed twueschen de
Neddersassische "Core-Area" un de Regionen wodenni sik
neddersassisch "kolonial", also doer Utwannerung sa as
de nedersassischen Kolonien in Nordamerika, oder doer
Innaame vun een origional ni-neddersassisch Land
doersett haett so as Ostpreussen un veel vun dat wat
in Nordamerika snack ward erinnert mi an den Dialekt
vun min Vadders Familie ut Ostpreussen. Nu mag een
Fraagen wat is de Grenz vun de "Core-area" vun de
Neddersassische Spraak, fang ik in Norden an so is dat
de Eider, denn een Linie twueschen Kiel un Lauenborg,
denn lands de Elv bet naa Halle, denn geit dat westli
doer den Harz oever Hann. Muenden bet naa Gummersbach
int Bergische Land (de Benrather Linie folgend), daar
stoett de westfaelsch-neddersassische Dialekt an de
Grenz met nedderfrankisch (Limburgs), geit denn
noerdli langs Schwelm, Essen un Bocholt bet ant
Ijseelmeer, vun daar suedli vun Wolvega (noerdli is
Friesland), noerdli vun Groningen, langs Oldenborg bet
Bremen (met untnaam vun't Saterland), denn noerdli
langs de Weser bet Bremerhaven, denn oestli vun't Land
Wursten bet an de Elv, denn langs de Nordsee bet wi
wedher an de Eider suend. Dat Land Wursten un
Buthjadingen waerrn egentli Friis, vlich ok sogar
Stedingen, sodenni taelt dat ni to de neddersassische
"Core-Area". Dat is nu min egen Dinkwis, vlich haett'n
annern een annere Definition.

----------

From: R. F. Hahn <sassisch at yahoo.com>
Subject: Language varieties

Beste Helge,

In't Saterland un in Noordfreesland wardt dat Neddersassische ook
bruukt, traditschonell as Tweetspraak.

Eenklich schusst Du, na mien Verscheel, de westprüüßschen Dialekten ook
mit insluten.  De wöörn in de Rebeden bruukt, de vundagigendaags na
Noordpolen tohöört, man de sünd middewiel sachs meist or sogaar heel un
deel uutstorven, mit Uutnahm vun 't mennonietsche "Plautdietsch".  Wat
dat mennonietsche "Plautdietsch" is, dat höört ook mit daar to.  Dat
wardt in Oosteuropa, Sibirien, Centraalasien, un Noord- un Latienamerika
bruukt, nu ook in Düütschland, vunwegen dat Trüggwannern uut d'n Oosten.

Ja, hier in de Vereenigden Staten gifft 't noch Gemenen, neem de Spraak
noch echt bruukt wardt.  Nulest kreeg' ik 'n Mail vun een uut
Centraal-Ohio, un de schreev', de Spraak wardt noch düchtig bi jüm
snackt, besünners mang de öllern Minschen.  För sien Vadder is 't noch
heel un deel de Moderspraak.  He harr man bloots up School mit Ingelsch
anfungen, un he höört to de drüdde or veerde Generatschoon in Amerika
to!  Ik fröög' em, of 't dat mennonietsche Plautdietsch is, man he
seed', nee, dat hett schients mit Dialekten uut Hulsteen or Neddersassen
anfungen.

Grötens,
Reinhard/Ron

==================================END===================================
 You have received this because your account has been subscribed upon
 request. To unsubscribe, please send the command "signoff lowlands-l"
 as message text from the same account to
 <listserv at listserv.linguistlist.org> or sign off at
 <http://linguistlist.org/subscribing/sub-lowlands-l.html>.
=======================================================================
 * Please submit postings to <lowlands-l at listserv.linguistlist.org>.
 * Postings will be displayed unedited in digest form.
 * Please display only the relevant parts of quotes in your replies.
 * Commands for automated functions (including "signoff lowlands-l") are
   to be sent to <listserv at listserv.linguistlist.org> or at
   <http://linguistlist.org/subscribing/sub-lowlands-l.html>.
 * Please use only Plain Text format, not Rich Text (HTML) or any other
   type of format, in your submissions
=======================================================================