LL-L 'Language maintenance' 2006.12.22 (02) [LS]

[Lowlands-L List]

L O W L A N D S - L * 22 December 2006 * Volume 02
======================================================================

From: victorie.a at HOME.NL
Subject: Nedersaksisch

Moi Leeglaanders,

Hier he'k een opmarking op de webstee van Drentse taol.
*Snack mol wedder Platt! *06-12-2006

Greifswald is een stad met umdebij 60.000 inwoners in
Mecklenburg-Vorpommern. Het lig an de Oostzee, een kilometer of
viefenzeuventig ten oosten van Rostock. Studenten van de universiteit van
Greifswald wilt de streektaol van Noord-Duutsland redden. Zie gaot dat u.a.
doen deur Plattduutse sciencefictionfilms zien te laoten en lezings over
detectiveseries en allerhande veurdrachten te holden.

Greifswald is een stad met umdebij 60.000 inwoners in
Mecklenburg-Vorpommern. Het lig an de Oostzee, een kilometer of
viefenzeuventig ten oosten van Rostock. Studenten van de universiteit van
Greifswald wilt de streektaol van Noord-Duutsland redden. Zie gaot dat u.a.
doen deur Plattduutse sciencefictionfilms zien te laoten en lezings over
detectiveseries en allerhande veurdrachten te holden.

"Menschen, die mit dem Plattdeutschen aufgewachsen sind, sollten dies nicht
erst im Rentenalter für sich wieder entdecken," zeg drs. Thorsten Filter
(34), ien van de initiatiefnimmers van de streektaolgroep.

*Um de stamtaofel*
Aal virtien dagen zit de studenten oet Greifswald um taofel en bedenkt een
koppel dinger um de streektaol ok veur jonge lu de meuite weerd te maken en
te holden. Zie bint drok gangs met het organiseren van lezingen over
misdaod- en griezelverhalen. Ok Plattduutse sciencefictionfilms laot ze zien
en zie hoopt zo aandern an te steken met het "Niederdeutsch-Virus".

*Het lek wal op Drenthe*
Thorsten Filter argert zuch deran dat jongelu niet meer in anraking bracht
wordt met de streektaol. Hie is op het eiland Rügen groot worden en over
zien jeugd zeg e: "In meiner Kindheit habe ich ständig Plattdeutsch gehört,
aber keiner aus meiner Familie hat es mit mir gesprochen." Het kun wal
Drenthe weden. Ok bij oes bint der tiendoezenden mèensen die alle dagen plat
proot, maor tegen kinder proot ze Nederlands. Asof de kinder te dom bint um
de streektaol te begriepen en zie dervan in toezel raken zulden(een
belediging veur de jongste generatie); asof de kinder der schade van
undervinden zulden (onzin).

*Minder Nederduuts an de universiteit*
Drs. Birte Arendt, die binnenkört promoveert op heur underzuuk naor de
holding ten opzichte van het Plattduuts, hef vaststeld dat jongelu over 't
algemien niet ofwiezend staot tegenover de streektaol. "Jüngere bringen der
Sprache grossen Respekt entgegen," zeg ze.

Maor de lu die het veur 't zeggen hebt, lustert niet altied even goed. Het
professoraat Nederduutse filologie is bijveurbeeld schrapt zunder dat der
wat veur in de plaots kommen is, met as gevolg vanzölf minder leeranbod en
minder studenten. En al weer kuw een vergelieking met het noorden van
Nederland maken. An de Rieksuniversiteit in Stad is het Nedersaksisch
Instituut de leste jaoren in raozend tempo achteroetstöt.

*Ofgunstig*
Thorsten Filter en zien kompanen bint in 't geweer kommen tegen het
achteroetdrukken van het Plattduuts. Behalve films en lezingen wilt ze der
ok heur best veur doen, dat het Nederduuts een vak op de schoelen wordt.

Ik vin het wal mooi, zu'n taolgroep. Een beetie ofgunstig kan'k der ok wal
van worden. Wanneer giet der an de RuG of Hogeschool Drenthe een groepie
studenten staon, die zeg: "En nou hef 't genog west. Wij eist een plek veur
de streektaol."?

Jan Germs, Stichting Drentse taol.

Goodgaon,

Arend Victorie
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20061222/2f4628ac/attachment.htm>