LL-L 'Resources' 2006.11.06 (04) [LS]

[Lowlands-L]

======================================================================
L O W L A N D S - L * ISSN 189-5582 * LCSN 96-4226
http://www.lowlands-l.net * lowlands-l at lowlands-l.net
Rules & Guidelines: http://www.lowlands-l.net/index.php?page=rules
Posting: lowlands at listserv.linguistlist.org or lowlands-l at lowlands-l.net
Commands ("signoff lowlands-l" etc.): listserv at listserv.net
Server Manual: http://www.lsoft.com/manuals/1.8c/userindex.html
Archives: http://listserv.linguistlist.org/archives/lowlands-l.html
Encoding: Unicode (UTF-8) [Please switch your view mode to it.]
Administration: lowlands-l at lowlands-l.com or sassisch at yahoo.com
=======================================================================
You have received this because you have been subscribed upon request.
To unsubscribe, please send the command "signoff lowlands-l" as message
text from the same account to listserv at listserv.linguistlist.org or
sign off at http://linguistlist.org/subscribing/sub-lowlands-l.html.
=======================================================================
A=Afrikaans Ap=Appalachian B=Brabantish D=Dutch E=English F=Frisian
L=Limburgish LS=Lowlands Saxon (Low German) N=Northumbrian
S=Scots Sh=Shetlandic V=(West) Flemish Z=Zeelandic (Zeeuws)
=======================================================================

L O W L A N D S - L * 06 November 2006 * Volume 04
======================================================================

From: 'Stellingwerfs Eigen' [info at stellingwerfs-eigen.nl]
Subject: LL-L 'Resources'

To wiki or not to wiki, that's the question...

Jonny en Ron bin et geleuf ik niet hielendal iens over et wel of mitwarken
an een Wikipedia in 't Platt.
Dit is neffens mi'j ok een hiel groot dilemma waoj' veur kommen kunnen te
staon. Mit de Wikipedia in 't Stellingwarfs zie 'k dezelde perblemen. Die as
dit opzet het is gien Stellingwarver mar komt van de Gelderse Veluwe en van
de aandere mithelpers ken ik ok gieniene die daegeliks Stellingwarfs
schrift. Neffens mien bescheiden miening kommen ze dan ok aorig tekot in
oonze Stellingwarfse streektael en een protte tekst is veur mi'j dan ok gien
gezicht. An de aandere kaante: d'r is zo wel een hiel aorig begin vanzels.
Etzelde perbleem kom ik ok tegen mit mien biebelvertaelen. In 't
Stellingwarfs kan 'k mi'j aorig redden mar ik weet niks, of mar hiel zunig
wat van de theologische kaante of. Onder eren een bekende Stellingwarver
schriever zegt: et moet goed of ie moe'n d'r niet an beginnen. Een aander
zegt: as ie vienen dat hi'j goed is dan is hi'j goed. Mar ja, wat is goed.
Et beste Stellingwarfse team wa'k veur dit wark bedaenken kan, die hebben
d'r elk naor zienes op ien of aandere meniere gien nocht an. Ik bin d'r toch
an begonnen want ja, ik daenk/docht dat et verhael op himzels wel bekend is
en dat et beter is dat d'r een biebel in 't Stellingwarfs komt daor wel wat
op of te doen is, as dat d'r dan mar hielendal gien vertaeling kommen moet.
Mar is dat eins wel zo...?
We bin now haost klaor mit een eerste roege vertaeling van de hiele biebel
mar hebben ok nog iedere dag oonze twiefels en daenken d'r nog de hieltied
an om d'r toch mar mit op te holen en et boek niet uut te geven. Warkelik
een levensgroot dilemma. Wie het nog wat goeie raod...?
Mit een vrundelike groet uut Stellingwarf,
Piet Bult

==============================END===================================
* Please submit postings to lowlands-l at listserv.linguistlist.org.
* Postings will be displayed unedited in digest form.
* Please display only the relevant parts of quotes in your replies.
* Commands for automated functions (including "signoff lowlands-l") are
  to be sent to listserv at listserv.linguistlist.org or at
  http://linguistlist.org/subscribing/sub-lowlands-l.html.
======================================================================