LL-L "Etymology" 2007.04.08 (01) [LS]

[Lowlands-L List]

L O W L A N D S - L  -  08 April 2007 - Volume 02

=========================================================================

From: "M.-L. Lessing" <marless at gmx.de>
Subject: "Mekaar"

Leve Lowlanders,

ik heff jüst en Gedicht vun en Maten ut de Grafschaft Bentheim to lesen
kregen, dat geiht so:


*Tellt vandage*




Deep in Gedachten

plück ik

de Bleussel

van ´ne Margerite

ut mekaar



Se heff mi leev

se heff mi nich leev

se heff mi leev

se heff mi nich leev .....




Se heff mi leev




Tellde domoals

tellt vandage



Un dorto schrifft he düsse Verklaarn:

"Mekaar" is ´n Woort, wat et bloot bi us in de Groafschupp giff. Hett soa
vull wu "einander".

an mekaar = aneinander

ut mekaar = auseinander

döör mekaar = durcheinander

met mekaar = miteinander

bi mekaar = beieinander (zusammen)

op mekaar = aufeinander

usw.

Woneemher kümmt denn düt Woort? Un wosaken kann dat angahn, dat dat bloots
in so en lütt Rebett begäng (bleven?) is?

Hartlich

Marlou Lessing

----------

From: R. F. Hahn <sassisch at yahoo.com>
Subject: Etymology

Och, Marlou, dat's je man ook maal schöön mang de Snackers wat vun Di
to höörn!
Willkamen in'n Kring!

Dat mit "mekaar" ... tjer, dat höört sik asig nedderfranksch an, bruukt se
in't Nedderlandsche, Brabantsche, Flaamsche un Afrikaans ook.  Un de
Neddersassen in de Nedderlannen hebbt dat ook noch upnahmen vun wägen all de
Hollannereree in jüm ehr Kuntree, wat se ook nich gägen an kœnt, de armen
Minschen.  Un de in Bentheim ... in de "Grafschupp" (un ik meen, mit
de düütsche
Monarchie weer 't mit Willem sien Flucht na de Nedderlannen ook uut un all)
... de wäätt schients ook nich, of se Sassen or Franken sünd mit jüm ehr
Snackeree vun "mekaar" (= "enanner"), "Gedachten" (= Gedanken), heff (=
hett) ... Höör Bentheim nich maal to de Nedderlannen.  Ik heff höört, dat se
daar lang Hollandsch in de Scholen lehrn.  De sünd wull amenn up de
verkehrde Siet vun de Grenz landt.

Un nu wull mien Fro jüst nu ook noch, dat ik wat vun de Schokolaad' perbeer,
de se vundaag' köfft hett.  De Markennaam: "Charlemagne" ...  What the
...?!   Daar wardt 'n Sass muulsch!  Wonääm is de Schokolaad' herkamen?  Uut
Belgien!  Harr ik mi dinken kœnt. Is ook vundagigendaags noch een franksch
Kunspiratschoon.  Dat segg ik Di.

Kumpelmenten,
Reinhard/Ron
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20070408/f1f4c861/attachment.htm>