LL-L "Morphology" 2007.10.26 (07) [E/LS]

[Lowlands-L List]

L O W L A N D S - L  -  25 October 2007 - Volume 07
Song Contest: lowlands-l.net/contest/ (- 31 Dec. 2007)
=========================================================================

From: Joachim Kreimer-de Fries <Kreimer at jpberlin.de>
Subject: "Morphology"

Moyn Leylanners, moyn Ron,

du schrayvst:
> Similarly, the obvious choice *Tieding (cognate of English "tiding"
> = "news") as a counterpart of German Zeitung 'newspaper' doesn't
> work. [...] In Middle Saxon, tyding(e) was in fact used to mean
> 'news'.

un auk (innen annern E-Breyv):
> I think you are right, Jonny, in implying that the time of the
> demise of -ing in most Northern Low Saxon dialects occurred during
> or just after the end of what is generally known as the
> "transitional period," ca. 1680-1800. (I think this was also the
> gtransition of van to von ~ vun.)  This was the time of transition
> from Middle Saxon to Modern (Low) Saxon.

Man kon auk syn, dat de "van"-trüwwe Westfäölinger (un Oustfreysen?)
auk an dat -ing fasthaulen häwwet, wan auk verwannelt to -enge or -
nge. T. B. fyne ik in Klöntrupps "Niederdeutsch-Westphälisches
Wörterbuch" van 1820/24 dat Word

"Beschattinge: Steuer" (Taxation),

aflehet van "schatten: ... schätzen, Steuern einfordern...", un dat
aflehen van "Schat: /:mit dem hellen a:/ 1) die Steuer, Schoß. 1) ein
Schatz, Kleinod".

Annersyds heyt et d'r auk "Schattunge: die Steuer."

For Hunnerde of Tydwäöre (verbs) giv et daor aflehete platdütske(!)
Sakwäöre (Substantive), meyrstyds up -unge, wual anpasst an dat
Haugdütske -ung.

So het dat by Klöntrupp auk ,

"Tidunge: 1) Zeitung, Nachricht; gohe, slächte (Tidunge). 2. eine
Gazette, Tagblatt."

Man lykers giwwet sey in dat binau amtlicke Wöärebouk for dat
Ossenbrügger Platt van dat Jaor 1994 "Nix os Wöere" dat Suffix -eng
as Möyglickeyt an, nye Wäöre to maken, t. B.

Afköttenge, Aunenge, Huopenge, Erinnernge, Foodenge, Füerdenge.

Daorümme myne Frauge:

Kann dat nich auk syn, dat in etwelke Giegenden - met Westfäölsk un
annere - dat middelsassiske -ing in "the 'transitional period,' ca.
1680-1800" gar nich verleysen gaun is, man blaut verwannelt worden
(in: -enge, -nge, -eng), man dän (blaut dat Suffix!) märsdeyls an dat
Haugdütske -ung anpasst worden is?

Wan jau, dan hedde dat jä auk, dat wi dat Suffix -eng(e), -ing(e) uut
eyne LS-Hiärgebracht wier vermäärt nütten konnen un sollen!

Goudgaun,
joachim

----------

From: R. F. Hahn <sassisch at yahoo.com>
Subject: Morphology

Ja, leyve Joachim. Jüst so is dat.

Dey dialekten vun Westfalen, un tou d'n deyl ook dey vun Oostfalen un
Brannenborg, sünd in mennig eyn belang "oldbakscher" as dey
Nourdneddersassischen un dey vun Mekelnborg un Pommern (d.h. dey dialekten
vun d'n nourden). Lykers hebt de Westfaalschen ook eern deyl "neymoodschen"
kraam, so as dat "breken" vun lange sülvstluden (t.b. ee > iä).

Ja, man wat dey morfology un d'n wourdschat anbelangen dayt, daar schullen
wy Nourdsassen (dey na "neye olde" woyrd' soykt un vör 't "neye" keyn bang
hebt) fakener na dey snakwys' vun us luyd' in Westfalen kyken un ook in
Twente un Drenthe kyken (or hoyren), un klaar ook mit 'n blik na 't
Middelsassische.

Wat dey dialekten vun Oostvreysland, Oldenborg, Emsland, Grönnen (Groningen)
un Westvreysland (Fryslân) sünd, daar schullen wy na myn verscheel wat
suutje mit ümgaan. Dey hebt altouhoup starke Vreyssche substraten, wyl dat
dey minschen daar Vreysen weyren (un sachs ook noch sünd). Na myn verscheel
schullen wy daar nich partu allens vun oevernemen, bloots wyl dat 't anners
as in 't Duytsche is. Ik wil nich seggen, wy schullen dat Vreyssche scheyv
an-kyken. Wat ik seggen wil is dat -- of Duytsch or Vreyssch, or Hollandsch,
Ingelsch or Vransch -- vrömd is vrömd. Ney, bang schullen wy vör 't vrömde
nich syn, man so trou tou dat arvgoud vun dey eygene spraak  schullen wy
lykers syn.

Kumpelmenten,
Reinhard/Ron
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20071026/c86ba100/attachment.htm>