LL-L "LGrammar" 2007.09.08 (02) [LS]

[Lowlands-L List]

L O W L A N D S - L  -  08 September 2007 - Volume 02
Song Contest: lowlands-l.net/contest/ (- 31 Dec. 2007)
=========================================================================

From: Soenke Dibbern <s_dibbern at web.de>
Subject: LL-L "Idiomatica" [LS]

An'n Sa., den 08. Sep.'07, hett Jonny Meibohm dit Klock 01.26 schreven:

> From: Jonny <jonny.meibohm at arcor.de>
> Subject: LL-L "Idiomatica" 2007.09.07 (01) [E/LS]
> Beste Soenke,
> Du hesst schiints noch wat meyhr Erfoahr'n mit IKEA as ik ;-)!
> Eyn Deyl interseyrt mi: Du hesst ünnerschreeben mit *'Hoolt sik!'*  Dat
> kenn 'ck ne- bii ons heyt dat denn woll
> 'Houl Dii!'
> 'Houl Dii fuchtig!'
> 'Houl Dii hattig!'
> Wat meynst- woans is da *'Hoolt sik!'* opp-kaomen?

Dag ook, Jonny!
Na mien (un mien Ool sien) Verstahn is "Hoolt sik!" maal "Hoolt jüm sik
fuchtig/stevig/oprecht/...!" ween, un warrt vundaag ook seggt, wenn Een
bloots een Minschen meent. Villicht weer dat ook maal (hööflich) "Hoolt Se
sik .... !".

Wat ik dor wull biseggen schull: In uus Dialekt (middeldithmarscher Platt)
gifft dat keen "ji", keen "juu(ch)/jo" un ook keen "juun"(*). Wi bruukt
dor "jüm", "sik" un "jümehr" för. Wi seggt:

"Köönt jüm mi sehn?"
"Köönt jüm sik sehn?" (in'n Spegel)
"Is dat jümehr Wagen?"

Anners is dat söden dat "Kleev", de ole Geestkant langs de Elv ehr
Iestietdaal, un rund Büsum, wat maal 'n Eiland ween hett. Man dor hett't
wull ook 'n goot Deel freesch, hollannsch un anner "butenlannsch"
Inwannern geven, as dat Naamsforschers rutfunnen hebbt. Mag ween, disse
Lüüd hebbt dor in de Spraak wat Sporen laten.

Sodennig eerstmaal,
Sönke

(*) As uus Renke (Ron/Reinhard) dat so püük op
http://www.lowlands-l.net/grammar/pers_pronom-spell.htm tohoopstellt hett.
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20070908/7453b012/attachment.htm>