LL-L "Language politics" 2007.09.21 (03) [LS]

[Lowlands-L List]

L O W L A N D S - L  -  21 September 2007 - Volume 03
Song Contest: lowlands-l.net/contest/ (- 31 Dec. 2007)
=========================================================================

From: Heiko Evermann <privat at evermann.de>
Subject: LL-L "Language politics" 2007.09.20 (03) [LS]

Leve Markus,
> Plattdüütsch mutt Arger maken. Böös wesen, keen Kuschelspraak, de
> fraagt: "Dröfft wi op de gelen Oortsschiller in lütt uns plattdüütschen
> Naam bischrieven? Aver blot, wenn dat keen Möh maakt! Un wenn dat toveel
> köst, denn seggt man Nee. Wi wüllt uns nich opdrängen." Wi mööt lever en
> Katalog opstellen: Wi wüllt op de Oortsschiller rop. Vun Bünn bet na
> Heringsdörp. Vun Flensborg bet na Waldeck. Jüst so groot as
> Hoochdüütsch. Un nich blot op de gelen Schiller. Ok op de grönen. Un op
> de Wiespähl. Un all de annern Verkehrsschiller. Un wi wüllt vun de
> Rundfunkgeböhren Feernseh- un Radiosenners op Platt. Un wi wüllt Platt
> as Schoolfack. Nich as AG un nich as Fremdspraak, man mit densülven
> Status as de Düütschünnerricht un blangen den Düütschünnerricht. Un so
> wieder. Driest to.
>
> Warrt se nich allens mitmaken. Man en Kumpromiss is jümmer in'e Midd.
> 'Keen veel verlangt, kriggt ok mehr. 'Keen nix verlangt, kriggt noch
> weniger. Ans blifft anners nix as de Dood.
Dat klingt goot. Plattdüütsch mutt Arger maken, luut ween. Villicht schallt
wi
mol allens sammeln, wat wi wult. Ik, för mien Deel, will "Milk" ok op de
Milktüüt sehn. De warrt tomehrst regional verköfft un in Luxemborg geiht dat
ok, sogor mit dree Spraken: Hoochdüütsch, Franzöösch un Letzeborgsch. Dat
mutt doch bi uns ok gahn. Un wenn dor op en Paket Cornflakes op Düütsch,
Ingelsch, Franzöösch, Italieensch un Russch opsteiht, wat in de Cornflakes
binnen is, mutt doch för Platt ok noch 'n beten Platz ween.

Ik heff mi ok 'n beten de koornsche Spraak ut Cornwall ankeken. Mit disse
Spraak steiht dat ja leger as mit Platt. Aver dor hebbt se en offizielle
Steed, de maakt de Översetten för korte Texten umsünst. Wenn een also
"Welcome to Truro" op en Schild opschreven will, oder "Henry Miller -
taylor"
un he bruukt dat ok Koornsch, denn kann he dorhen schrieven un de schrievt
em
trüch, wat dat op Koornsch is. Un dorbi kann een sik sogor utsöken, in welke
vun de 4 Foorms vun Koornsch dat ween schall. Mallbüdels. 300 Lüüd snackt
dat, 3000 köönt dat man so en beten, un denn ünnerstütt se ok noch 4
Schrievwiesen, de nich kompatibel sünd. Aver so en Översettersteed weer doch
wat. Un en Siet in't Internet, wo steiht, wat wi allens wullt, nipp un nau.
Oder schullt wi dat in de Wikipedia rinschrieven? Aver denn kriegt wi
villicht Arger mit de Foundation vun de WP. Ik, t.B. will, datt jedeen, de
in
Hamborg op de School geiht, 3 Johr lang Platt lehrt villicht Klass 7-9, denn
köönt se al en beten Ingelsch, dat helpt mit dat Vokabular, 1 Stünn in de
Week, lesen, höörn, snacken, schrieven. Un jedeen mutt mitmaken, keen
Utnahm.
Wenn bloots de Schölers mitmaakt, de Lust hebbt, kummt de doch nich. De
hebbt
doch all tosamen al soveel annere Saken to lehrn.

Villicht schallt wi en egen Vereen maken, Du un ik un ok all de annern un
denn
luut, nich so lies as de Fehrs-Gill.

Hartlich Gröten,

Heiko

----------

From: R. F. Hahn <sassisch at yahoo.com >
Subject: Language politics,

Heiko, Enno, Marcus un Kumpanie,

Bi de Œversetterstääd' wöör ik ook mitdoon. Dat is 'n basige Idee.

De Saak weer lichtfardig daan, wenn daar man bloots korte Teksten annahmen
wöörn. Daar bruukst man bloots 'n lütt Koppel Lüüd', de verschedene
Dialekten kœnt (Noordwest, Noordoost, Oostfaalsch, Westfaalsch,
Oostfreessch, un us Lüüd' in de Nedderlannen schullen ook bäden warrn).

Een rechtlich Schuul höört daar man liekers to, dat de Mitstrieders nich
vör't Gericht bröcht wardt, wenn mit 'n Œversetten maal wat nich in de Reeg'
is.

Dat Motto:
"Sichtbarer is starker."
or
"Is de Spraak eerst ut de Künn, kümmt ehr draad' de leste Stünn."

Kumpelmenten,
Reinhard/Ron
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20070921/056fff34/attachment.htm>