LL-L "Language politics" 2007.09.22 (05) [LS]

[Lowlands-L List]

L O W L A N D S - L  -  22 September 2007 - Volume 05
Song Contest: lowlands-l.net/contest/ (- 31 Dec. 2007)
=========================================================================

From: "enno-ut-bremen at nord-com.net" <enno-ut-bremen at nord-com.net>
Subject: LL-L "Language politics" 2007.09.22 (02) [E/LS]

Moin Lüe,

@Jo, Heiko, över een Internett-Siet hebb ik ok al faken nadacht, un ik
weet ok al een averbasig gooden Naam. ;-)
@Hooh, Hooh, Mike, bull, horns, immediate action, tööv maal, tööv maal:
@Marcus: Amen, amen, un ?amen
Awer, laat dat maal even an de Siet.
Laat maal even kieken.

Wenn een (wi?) so wat Akschoon moken wüll, wat hier so dull anmahnt
woorn is, denn stekt daar wat mehr achter.

Ik verstah dat so:
Dat bedüdt, dat een Steed (Internett-Siet, E.V., Partie?...een
Wikipedia-Siet haut dörbi wahl nich hen?) gründt warrn schüllt (oder
wüllt ji de Opbackers enkelt van tohuus ut verdelen?), de treckt denn
Lüüd tohope (na dat Motto: ?Plattschnackers van all Lannen, warrt jo
enig?) un warrt eernsthaftig so üm un bi Fordern opstellen as:

-In de School (un in Kinnergaarn, de Ostfresen hebbt daarmit anfungen)
schall ok nederdüütsch liehrt warrn. (as Plicht, Heiko?, dat mutt een
sik maal vörstellen, us Emigrantenkinners köönt jo nich maal hoog, wo
schall dat warrn?).
-Seminars op de hoge School op nederdüütsch anbeden. (Wi wüllt jo hoog
ranseiln, affallen köönt wi jo jümmers no)
-All amtlich Dokumentedschoon mutt tweesprakig anborn ween (ok dat
Formulaar för den Stüerutgliek :) .
-"Agressieve" Press gegen all Diskremeneern van us Nederdüütschen.
-All Wies-Schillers, Stratenschillers un Oorts-Schillers ok op platt
opstellen
-Utwiesen van Produkten un Bruukanwiesen schallt op nederdüütsch geven
-Vöruutbringen van egen Medien, Radio, TV, Blööd.
Un so wieter?un so wieter

Ouh Hah!
Dat gifft man bannig veel to schrieven un översettten.
Frie na dat Motto: ?Schluss mit dat Danz-op-de-Deel-Theoter, wi sünd
een ethnologisch Minnerheet, un wi wüllt Rechten. Wuveel Lüüd bruukst
Du denn daarto? Mit Saken översetten is dat nämlich nich daan.

Dat is natürelk nich mehr Sabbelee in?t Forum, un ok nich Artikels bi
Wiki schrieven, dat is een polietsche Akschoon. Weest ji dat wies?
Daar mutt een ok maal in de Mööt kamen. Hm, wenn dat denn bloot 5 Lüüd
sünd, denn mutt dat liekers al een Nadschoon ween. (Besinnt jo op den
Katalan-Döntje!!).
Hebbt wi, de Plattdüütschen, de Knööv?

Wuveel Aktivisten maag dat wahl geven? Marcus? Maag ik wahl weten.
Denn, wenn Du dat man nich weetst, denn gifft bloot eent, Klüsen
dicht, un sülvst in?t kole Water jumpen. Un wenn een (wi?) na fiev
Johr jümmer no mit 5 Lüüd sitten deiht, denn is dat even so. oder 50,
oder 500, 5000? Dat geiht Johr, daar weetst Du nich, wat ruutsuern
deiht.
Wat muttst Di denn nich allens anhöörn: dat de egen Lüüd de kole
Schuller wiest, dat Lüüd dat lachhaftig maakt, dat dat as unmodernen
Seperetismus utleegt warrt, Stried mit de Poltiek, mit de Weertskapp,
gar mit den Staat? Keen weet?
Weest ji daar praat för?

Blieden Groot
Enno (maakt Spaaß van jo to lesen)

Man: Ik warr sounso bi sowat mitmaken, wieldat ik eh nich van düsse
Spraak un Geschicht looskamen do, eendoon, wat ik maak.
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20070922/adc69a08/attachment.htm>