LL-L "Language promotion" 2009.12.27 (03) [DE-NDS]

[Lowlands-L List]

===========================================
L O W L A N D S - L - 27 December 2009 - Volume 03
lowlands.list at gmail.com - http://lowlands-l.net/
Encoding: Unicode (UTF-08)
Language Codes: lowlands-l.net/codes.php
===========================================

From: Hannelore Hinz  <HanneHinz at t-online.de>
Subject: LL-L "Language promotion" 2009.12.26 (05) [DE-NDS]

Hallo leiwe Marcus un all' Lowlanners,

*de Fahn weiht all oewer duusend Johr, *un sei weiht noch, noch, un sei ward
weihn!

Du hest di nu inreiht, dat finn ick grotorrig, hest all 'n Kumpelment
verdeint, denn jung' Lüüd bruken wi, wenn't güng bannig väl, de eins as uns'
Nahkamen dorför sorgen, dat de Wind ut all' Richtungen uns' Fahn lustig
fladdern lött.
Man, du steihst an'n Anfang, uns' Spraak nich. Dat möten respektieren, sick
mit de Spraak vertruugt maken, all' ehrn Riekdaum annähmen un begriepen un
ok ehr männig Up un Dal, un för ehr Bestahn un Wiererkamen instahn. Grote
Dichters , Künstler un anner  einfache Lüüd ut verleden Tieden, de wi binah
all vergäten hebben un väl leiwe Minschen (ok hütigendaags) ehr Gäben,
männigmal mit Hartblaut, dat möten wi achten.
Hefft ji dat bether all mitkrägen. Dor möten männigmal ahn Komputer-Technik
Literatur
ok von dunnmals läsen.
Uns' Spraak is nich krank, sei is all lang' ut de Winneln rut un hett sick
grot rutreckt.
Fählers liggen mihr an'n Ümgang un mit ehr Snacken un womoeglich an de
Makers.
Sei hett, na ja, segg ick mal "ehr Krise" (nich so leeg as de Klimawannel,
Wärerwannel), un wenn in so ein Tied noch all'n up'n Kopp stellt ward. wat
sall dor bi rutkamen, dennkann't blot leeger kamen. Uns' Spraak is kein
"Gegenstand", sei is "Uns' Mudderspraak", jawoll Mudder un Spraak, de will
man nu so so dägt, 'n Hittkopp mit "Schnell-Rezeptur" (womoeglich mit'n
flinken raschen Kakpott) up niemodsch' Oort mit Dunner un Blitz ünner de
Lüüd bringen. Grote Schräd könn' noedige Epochen/Phasen in 'n Dutt maken.
Uns' Spraak  paßt nich in ein "Labor". Wat bether löp is gaud lopen, dat
verdanken wi väl väl väl Minschen hier un wietaf, ok unsen LL-L Baas,
jawoll!
Hest du di mal utkundschaft, wat Minschen nah ehren Arbeitsdag för uns Platt
makt hebben un ümmer wedder "ehrenamtlich" mit bi sünd. Kiek di mal üm, dat
is as in einen Immenrump, wo sick wohrhaftig wat deit.
Hülp is noedig, kein Bautz-Bum upstunn's, nicks oewer't Knei bräken.
Frag  mal eins Plattsnackers, ob sei sich ein Grupp (Kinner un anner)
annähmen will'n, hm, kämpfen will'ns all un klauk räden ok, un wenn't up
ankümmt, hest di dacht.
Un dit Leiden künn de niege Weg bibeholln.
Tauierst an uns' Gören (Kinner, uns' Blaumen), uns' Nahkamen denken un ehr
up leiwe Oort un Gedüer all bi't Spälen (Kinnergorden, tau Huus) so
unvermaudens Plattdüütsch tauspälen, un hier deit sick je all lang' wat.
Un wat ein Minsch mal seggt hett "...wer zu spät kommt..", dat tellt hier
nich.
't is noch nich tau lat, oewer ein Bistahn, Hülp un Dank is noedig.

De Gedanken sünd frie, dien un mien (nu ok), alltohopen. Disketieren möt
sien ... oewer nich blotsen.

Von Harten mien Gräuten.

Hanne

•

==============================END===================================

 * Please submit postings to lowlands-l at listserv.linguistlist.org.

 * Postings will be displayed unedited in digest form.

 * Please display only the relevant parts of quotes in your replies.

 * Commands for automated functions (including "signoff lowlands-l")

   are to be sent to listserv at listserv.linguistlist.org or at

   http://linguistlist.org/subscribing/sub-lowlands-l.html.

*********************************************************************
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20091227/fec0118b/attachment.htm>