LL-L "Traditions" 2009.01.31 (02) [LS]

[Lowlands-L List]

===========================================
L O W L A N D S - L - 31 January 2009 - Volume 02
-------------------------------------------------------------------------
Please set the encoding mode to Unicode (UTF-8).
If viewing this in a web browser, please click on
the html toggle at the bottom of the archived page
and switch your browser's character encoding to Unicode.
===========================================


From: Hannelore Hinz <hannehinz at t-online.de>
Subject: LL-L "Traditions" 2009.01.29 (04) [D/E/LS]

Dag ok

Luc Hellinckx,



Ümmer wenn dat üm schöne olle Saaken geiht, an de sick de Minschen gewennt
hebben un dit Vergnäugen noch lang' hägen un plägen will'n, so as in
Nedderland de Bruk "Sinterklaas/Sunterklaos", föllt mi jüst "Niklaas" in, de
womoeglich ahn uns' Weiten ein Fründ von Sinterklaas sien künn.

Ick heff ierst mal bi denn' Volkskundler "Richard Wossidlo" sien Wüürbauk
nahkäken, wat möt, dat möt.

Un wiel Perfesser Voßlo von uns' Volk hochholln un iehrt worden is, fang ick
mit'n Riemel för em an. Dat hett hei verdeint.



*Perfesser Voßlo*



Wat sünd wi riek

dörch em

un dörch uns sülben.

Hei hett uns

rieker makt

mit "Uns' Spraak".

Perfesser Voßlo,

ein Sod, de ümmer

Water hett.



H. Hinz (8.7.1988/25.1.2009)



Un nu wat oewer "Niklaas".

Denn' sößten Dag in'n Christmaand näumen wi "Niklaasdag": 'vor sunte
nycolaus dage' (1418) hett de katolsche Kirch' dissen Dag einen högerup
sett' as "Tag des Heiligen". Dit Verherrlichen so in dat 14. un 15.
Johrhunnert wier je wat för de Hanse hier baben an de Küst, de sick nu
bannig quicklebennig rutmakte.

So männig Kirchen heiten "Nikolaus", ok Kapellen smückten sick mit dissen
Namen. Ja, Nikolaus/Niklaas künn bi Stormwind woll dat Beste daun, un för de
Schippers gellte hei as Schutzpatron. Man olt is disse Bruk nich worden.

In de Johrhunnerten nah de Reformatschon is de "Niklaas-Kult", ok sien
"Festdag" in de Binsen gahn, dat heit soväl as ut un vörbi.

Oewer nu kümmt dat Best', un dat gellt  ümmer för de Gören. Man hett
vertellen hüert, dat ein hillig (heiliger) Niklaas so üm de Tied von'n 6.
Dezembermaand sick nah dat Bedragen von de Kinner utkundschaft hett. Hier
gäw dat blotsen orrig Kinner, kannst mi glöwen, denn Niklaas smet in de
utstellten Schoetteln Geschenken.

So'n Bruk möt bliewen.

Hüttaudag stellen de Gören all einen Dag vör Niklaas 'n lütten Stäwel vör de
Dör odder up de Finsterbänk. Freud up säuten Kram. Dat hett ümmer klappt.



Mi seggt Sinterklaas mihr tau.



Lütt' Freud.



Hanne Hinz

•

==============================END===================================

 * Please submit postings to lowlands-l at listserv.linguistlist.org.

 * Postings will be displayed unedited in digest form.

 * Please display only the relevant parts of quotes in your replies.

 * Commands for automated functions (including "signoff lowlands-l")

   are to be sent to listserv at listserv.linguistlist.org or at

   http://linguistlist.org/subscribing/sub-lowlands-l.html.

*********************************************************************
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20090131/59c33c27/attachment.htm>