LL-L "Informants" 2009.10.01 (03) [NDS]

[Lowlands-L List]

===========================================
L O W L A N D S - L - 01 October 2009 - Volume 03
lowlands at lowlands-l.net - http://lowlands-l.net/
Encoding: Unicode (UTF-08)
Language Codes: lowlands-l.net/codes.php
===========================================






From: Hannelore Hinz <HanneHinz at t-online.de> Subject: LL-L "Lexicon"
2009.09.30 (02) [NDS]

Dank an jug alltohopen för de grote Mäuh
(dor warden wi woll noch lang "disketieren") ...

Hallo Jonny Meibohm,
Acha, "un' nu bruuk ikk eyn Raod: ...Ich bitte um Ideen!"

Dat mak ick doch giern. Also: Ãœmmer as ein Radio-Reporter mit denn' Recorder
orrer I-Pod all'ns glieksen upnähmen. Fründlich de Saak angahn, nich väl
Heck-Meck  (Ümstänn') maken vunwägen Lampenfewer (Bücksenbäwern) un wat sien
künn. Maut maken un begäuschen.
Perfesser Voßlo (Richard Wossidlo) harr dunmals so'n Kasten noch nich. Hei
hett de Lüüd utfragt, tauhüert un Millionen von Zettels vullschräwen. Un
wenn hei keinen Zettel harr, schrew hei dat up sien Manschett. Dor hebben wi
hütigendags mihr Glück. Nu kannst taugliek de Klüer (Farbe) von de Sprak mit
infangen, wat je bannig von Bedüden is. - Ick heff dat ofteins beduert, dat
mi männig Vertellen in de Binsen gahn is, wiel ick keinen Zettel nich un'n
Recorder ierst recht nich bi mi harr. - Versäuk dat mal, un wenn't man
blotsen 'n O-Ton is.
Un man hett sien Freud' an de Saak. Tschä, mößt oewer ümmer de niemodsche
Technik mit di rümsleppen. In mien Schaulklass Volkshochschule/Niederdeutch
hett ein Mitmaker uns' Singen ahn mien Weiten mit I-Pod upnahmen, un wo
schön is't worden un dat is "echt"!
Dat spraken Wuurt kann uns' Spraak belewen un nahhelpen för ehr Bestahn.
Ja, in Mäkelborg hett jedein Dörp sien eigen Klüer, dat kann man gor nich
in'n Pd. Duden premsen (hineinzwängen).

Versäuk dat mal, ick wünsch Di Glück!

Hanne



----------

From: M.-L. Lessing <marless at gmx.de>

<marless at gmx.deSubject>

*Subject <marless at gmx.deSubject>*: LL-L "Lexicon" 2009.09.30 (02) [NDS]


Leve Jonny,

de Idee is wunnerbaar, de twee öllern Herrschapen so veel as geiht to'n
Snacken to bringen. Avers woso denn Zedel un Bliestift? Kannst nich dat
Ganze aktustisch opnehmen? Din Hus verwanzen? Orr, noch beter, de ehr Hus?
Villicht kannst Di dor jichenswie achter Wolfgang Schäuble klemmen...? Dat
warrt nich licht, em klaartomaken, dat de twee Terroristen sünd, avers wenn
Schäuble dat glöven wöör, geev dat wedder en Arbeitsplatz för en
Plattdüütsche/n bi'n Geheimdeenst. (Min pd. Frünnen un ik hebbt al
Arbeitsplätz för Plattdüütsche bi de CIA schafft, indem dat wi to
Bush-Tieden in uns' plattdüütsche Emails jümmers "kill bush" rinschreven
hebbt. De Wöör warrt automaatsch funnen, un de Rest mutt denn ok leest
warrn...)



Nee, also, wenn good Tosnacken nich helpt, hest Du na min Menen de Lizenz
to'n Insatz vun Alkohol un anner lichte Drogen. Du büst Agent för de gode
Saak, da kannst dat nich allto nau nehmen. Un denn wöör ik würklich
versöken, dat akustisch optoteken. Ahn dat de twee dat wieswarrt. Wat dat en
Straafdaad is orr nich, is sekundär. As ik sä: Du büst in'n Insatz för de
gode Saak!!! Dat geiht üm Wichtigers as de persöönliche Frieheit :-) Solk
Quelln mööt bruukt warrn, so lang dat geiht. Un de echte Klang-Opteken hett
ok noch en Weert in sik.



Good Luck, 007!



Marlou ("M")


From: Jonny <jonny.meibohm at arcor.de> Subject: LL-L "Lexicon" 2009.09.30 (01)
[DE-NDS]
Un' nu bruuk ikk eyn Raod: in miin Bekanntschopp givvt dat noch twey Lüü'
(eyn Ehepaor, beter: "Mann un' Frouw"), de sünd kompleet noch Plattdüütsche.
Sünd sou bummelig bii 75 Jaohr'n ould. Ikk kenn jem van miin Kinnertiid opp
an un' hebb mit jem meist noch ne' eyn eynkelt Wourd Houghdüütsch snakkt.
Perbleym: sey, de Frouw, is doof (nich' kompleet, liekers hett sey 'n
Hörgerät noydig), un' hey, de Keyrl, is 'n Stöterer (âns hey nüchtern is -
twey Buddeln Beyr, un' dat waard beter ;-)).

Vöör eyn Stood haar ikk jem all maol bii mii in'n Huus tou Viziit' inlaod,
mann - de Oys sünd dat wiis worr'n, wat ikk jem mann alleyn "uut-fraogen"
wull (in Sünnerheyd, as ikk miin' Blei un' Zeedel ruut-haolen deyh, foyr dat
Opp-Schriiben van jem ehr Wöör'). Nu' sünd's scheu ("avv-hannig",
"angstfaohrig") worr'n.

Opp Houghdüütsch: eine der besten noch lebenden Quellen für lebendiges,
i.e., noch gesprochenes Platt.
Was tun, was nun? Ich bitte um Ideen!

Schall ikk jem bezaopen maoken? Ikk bün man bang - denn kaomt daor Saoken
bii 'ruut, daor is oppletz' meist keyn Hand meyhr an to kriig'n! Mann - dat
hoyrt sikk ouk jao ne', oule Lüü' bezaopen tou maoken!

Hebbt Jii 'n gouden Raod? Dat is hilt!

•

==============================END===================================

 * Please submit postings to lowlands-l at listserv.linguistlist.org.

 * Postings will be displayed unedited in digest form.

 * Please display only the relevant parts of quotes in your replies.

 * Commands for automated functions (including "signoff lowlands-l")

   are to be sent to listserv at listserv.linguistlist.org or at

   http://linguistlist.org/subscribing/sub-lowlands-l.html.

*********************************************************************
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20091001/13585965/attachment.htm>