LL-L "Language varieties" 2012.07.17 (01) [NDS]

[Lowlands-L]

=====================================================
 L O W L A N D S - L - 17 July 2012 - Volume 01
lowlands.list at gmail.com - http://lowlands-l.net/
Posting: lowlands-l at listserv.linguistlist.org
Archive: http://listserv.linguistlist.org/archives/lowlands-l.html
Encoding: Unicode (UTF-08)
Language Codes: lowlands-l.net/codes.php
=====================================================


From: Ingmar Roerdinkholder <roerd096 at PLANET.NL>

Subject: LL-L "Language varieties" 2012.07.16 (01) [NDS]

Moi Dick,

Ik praote Woldigers plat, dus uut de gemiente De Wolden in
Zuudwest-Drenthe. Daor bin'k op-egruid, wij komt eigenlijk uut de
Achterhoek mar as klein jonchien in de jaoren zeuventig bi'w verhuusd umdat
mien va in Avereest gung warken.

Ik schrieve ook in het Nedersaksisch, gedichten en verhalen, a'j googled op
mien name bv op Mysteries an het Reestdal en de Drentse Taol site. Hier wat
veurbeelden van mien "dichies" (het leste giet aover het Ponypark, bij oe
in de buurte):

Aover mien greinzen

’t Gef mij ieder keer een schok
As ik de lien weer aover mut
As een onzichtbaor schrikkeldraod
Dat Oost en West in tweien döt
Rechts bin ik veilig is mien laand
Links vuul ik vrömd mij opgejaagd
Ik vlocht weerumme van de Raand
Aover mien greinzen hen mien thuus

© Ingmar

Nordic Talking

In Drenthe, Grunning, Stellingwarven
An Aoveriessels bovenraand
Hier heur ie nog die klaanken zwarven
De stemme van ’t Noorderlaand
Recht tegen de verdrokking in
Zörg dat niet alles Hollands wordt
Holdt mit mekare ’t plat derin
Maakt Nordic Talking oenze sport!

© Ingmar

N.N.O.

Waor ik ook gao in ’t hiele laand
Mien harte, zunneroos
Streit schadden op mar iene kaant
Vanolds vanneis weer Noord Noord-Oost
Wiendrichting van ’t thuusgevuul
Mien daagse dreumerij
Vult Noord Noord-Oost, iens dichtebij
Allènt nog nachtgewuul

© Ingmar

Pretpark bij Nacht

Grauw wacht de achtbaan reurloos in ’t maonlocht
De monorail hank uutgestörven boven ’t pad
Van oenze duustere kuier-fluiertocht
Nog spoekt de aoverdaagse echo’s rond ’t reuzenrad
As zij mij zachies in de narms slöt
Zweefmeulepeerden töt getugen
De ponnies, ofgedaankt, allange vört

© Ingmar

From: Dick van Faassen faasco at gmail.com
> Subject: LL-L "Language varieties" 2012.07.15 (01) [NDS]
>
> Moi Ingmar,
> Bedaankt veur de tip. Ik type sneller dan 'k proate. Ha,ha.
> Mien dialekt stamt uut Lutten, in noord-oost overiessel. 't Is een
> soort Sallands mit Drenthse invloed. Ze verstoat dat tut an de grenze
> mit Denemarken. (Holsteen - Holstein)
> Moar woar kump oen dialekt vandoan? Liekt mi'j ok niet verre uut de buurte.
> Groetn van Dick.
>

  =========================================================
Send posting submissions to lowlands-l at listserv.linguistlist.org.
Please display only the relevant parts of quotes in your replies.
Send commands (including "signoff lowlands-l") to
listserv at listserv.linguistlist.org or lowlands.list at gmail.com
http://linguistlist.org/subscribing/sub-lowlands-l.html .
http://www.facebook.com/?ref=logo#!/group.php?gid=118916521473498
============================== ============================
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20120717/fd383ab9/attachment.htm>