LL-L "Orthography" 2002.02.04 (05) [S]

[Lowlands-L]

======================================================================
 L O W L A N D S - L * 04.FEB.2002 (05) * ISSN 189-5582 * LCSN 96-4226
 Web Site: <http://www.geocities.com/sassisch/rhahn/lowlands/>
 Rules: <http://www.geocities.com/sassisch/rhahn/lowlands/rules.html>
 Posting Address: <lowlands-l at listserv.linguistlist.org>
 Server Manual: <http://www.lsoft.com/manuals/1.8c/userindex.html>
 Archive: <http://listserv.linguistlist.org/archives/lowlands-l.html>
=======================================================================
 A=Afrikaans Ap=Appalachian D=Dutch E=English F=Frisian L=Limburgish
 LS=Low Saxon (Low German) S=Scots Sh=Shetlandic Z=Zeelandic (Zeeuws)
=======================================================================

From: Sandy Fleming [sandy at scotstext.org]
Subject: "Orthography"

> From: "John M. Tait" <jmtait at altavista.net>
> Subject: LL-L "Orthography" 2002.01.31 (03) [S]
>
> I'v typit aa the Shetland wittins inti Excel in modified SAMPA, an
> importit it inti Access whaur I coud query it wi SQL. But this wad be a
> byordinar trauchle for the hale LAS3.

It wad be a trauchle richt eneuch, typin it aa intae Excel! Gin
ye'd uised the Access interface ye could a uised update queries
an the like tae help ye oot wi a lot o things - at least I wad
think sae, fae the amoont o duplication in the tables (tho whan
I say "tables" I think thae lists atween the tables is mair
uisefu for the kin o thing I hae in mind).

> Hou monie dis SSE hae? Wad it be like meenimum Scots, but wi /O/ an
> wi'oot /Y/? Or wad /O/ an Q/ be the same? Aitken's airticle in The
> Oxford Companion to the English Language says it haes 14 includin
> diphthongs 'the monophthongs and diphthongs total 14 vowel sounds,
> perhaps the smallest vowel system of any long-established variety of
> English.' He disna leet thaim, tho, an I canna think on onie ither beuks
> I hae at wad. My ain English is nae uiss for analysin, cause it haes
> mair sinderins nor ordinar SSE - like cot/caught an cam/calm.

I'm no shuir aboot SSE. Leukin at ma phonetics page I've listit
five diphthongs that I think on as basic - I ken the'r variants
but juidgin fae traditional literatur I'd think thir five is the
distinctive anes (phonemes, in the sense o no cannin find ony ither
minimal pairs).

Sae takkin thir five awa fae Aitken's 14 wad leave nine monophthongs.
That's a perfit result - gin it's richt!

> Hit's adae wi the reflexes in modren Scots an SSE o auld Scots phonemes,
> at in turn derives frae Auld English. CSD an Johnston baith haes some
> wittins aboot this. Sae the differin vowels is heired frae aulder Scots,
> but mixtered awa in a lot o modren Scots dialects.

Ay, I think it's aboot time I puld back an regrouped on aa this!
I'll hae tae git the backgrund readin duin, nou that I ken the ar
reads tae be haed! I'll be up in Scotland again in Mey an try the
universities.

> LAS is no ayewis reliable aboot things like this. For example, words
> like _tocht_, _brocht_ (at I say [tout], [bout] an aulder fowk wad sayed
> [touCt], [bouCt]) is leetit in the LAS section for Hamnavoe (Burra Isle)

Hmmmmm!! What aa dialecks haes the /x/ phoneme been lost fae, than?
I wad say [toxt], [boxt] - I think the "caught" [ko?] is juist a English
len that whiles replaces "catched".

Sandy
http://scotstext.org
A dinna dout him, for he says that he
On nae accoont wad ever tell a lee.
                          - C.W.Wade,
                    'The Adventures o McNab'

==================================END===================================
 You have received this because your account has been subscribed upon
 request. To unsubscribe, please send the command "signoff lowlands-l"
 as message text from the same account to
 <listserv at listserv.linguistlist.org> or sign off at
 <http://linguistlist.org/subscribing/sub-lowlands-l.html>.
=======================================================================
 * Please submit postings to <lowlands-l at listserv.linguistlist.org>.
 * Postings will be displayed unedited in digest form.
 * Please display only the relevant parts of quotes in your replies.
 * Commands for automated functions (including "signoff lowlands-l") are
   to be sent to <listserv at listserv.linguistlist.org> or at
   <http://linguistlist.org/subscribing/sub-lowlands-l.html>.
 * Please use only Plain Text format, not Rich Text (HTML) or any other
   type of format, in your submissions
=======================================================================