LL-L "Code switching" (was "Morphology") 2002.02.26 (07) [E/S]

[Lowlands-L]

======================================================================
 L O W L A N D S - L * 26.FEB.2002 (07) * ISSN 189-5582 * LCSN 96-4226
 Web Site: <http://www.geocities.com/sassisch/rhahn/lowlands/>
 Rules: <http://www.geocities.com/sassisch/rhahn/lowlands/rules.html>
 Posting Address: <lowlands-l at listserv.linguistlist.org>
 Server Manual: <http://www.lsoft.com/manuals/1.8c/userindex.html>
 Archive: <http://listserv.linguistlist.org/archives/lowlands-l.html>
=======================================================================
 A=Afrikaans Ap=Appalachian D=Dutch E=English F=Frisian L=Limburgish
 LS=Low Saxon (Low German) S=Scots Sh=Shetlandic Z=Zeelandic (Zeeuws)
=======================================================================

From: Sandy Fleming [sandy at scotstext.org]
Subject: "Morphology"

> From: "John M. Tait" <jmtait at wirhoose.co.uk>
> Subject: LL-L "Morphology" 2002.02.24 (09) [E]
>
> Sandy wrote:
> >
> >Since I spent my childhood speaking Scots and only started
> >using English in earnest in Wales, I don't really know
> >Scottish English.
> >
> Didna get aff wi speakin SCOTS at ST ANDRAE'S UNIVERSITY, did ye,
> Sandy? Fegs!

This is something A'v aye been ficklt aboot. A aye thocht
A wis spaekin English at St Andraes (forby wi ither Scots
spaekin students - an whatever onybody says, the war plenty
o thame), but whan A gaed doun tae Wales A'd a job sortin
oot hou tae talk sae's fowk could lift me, an that got me
wonderin juist what wis't A spak at St Andraes.

A dout it wis some kin o mixtur o Scots an what A'd liftit
o English fae readin, on tap o the fack that the foreign
students thare wad been uized wi Scottish accents.

As for the idea that St Andraes students is snobs - that's
juist pure typecastin, aiblins fae the wey we wears thon
muckle gouns an aathing. A can fine mind bein oot at denners
in black tie an scarlet gouns - an still talkin Scots tae
thame as wad talk it back!

A mind o talkin tae this chiel at a denner ae nicht whaur
the wine wis gittin ca'd roond at a bonny rate, an the mair
we drank the mair he spak Scots (like A says, A dinna ken
what A wad been spaekin tae start wi, but A dout he'd a
could heard A wis a Scots spaeker). In the end A asked him
what kin o wark he did, an he says he wis the professor o
Pure Mathematics! Weel, A'd read twa o his beuks an A kent
the meenit he says it that it wis the truith - but it juist
shows, the'r plenty Scots spaekers aboot in aa kin o places,
it's a question o whether ye lat yer ain Scots show.

Kin o a peety he wisna the professor o English, tho, eh?

Sandy
http://scotstext.org
A dinna dout him, for he says that he
On nae accoont wad ever tell a lee.
                          - C.W.Wade,
                    'The Adventures o McNab'

==================================END===================================
 You have received this because your account has been subscribed upon
 request. To unsubscribe, please send the command "signoff lowlands-l"
 as message text from the same account to
 <listserv at listserv.linguistlist.org> or sign off at
 <http://linguistlist.org/subscribing/sub-lowlands-l.html>.
=======================================================================
 * Please submit postings to <lowlands-l at listserv.linguistlist.org>.
 * Postings will be displayed unedited in digest form.
 * Please display only the relevant parts of quotes in your replies.
 * Commands for automated functions (including "signoff lowlands-l") are
   to be sent to <listserv at listserv.linguistlist.org> or at
   <http://linguistlist.org/subscribing/sub-lowlands-l.html>.
 * Please use only Plain Text format, not Rich Text (HTML) or any other
   type of format, in your submissions
=======================================================================