LL-L "Holidays" 2002.05.06 (03) [LS]

[Lowlands-L]

======================================================================
 L O W L A N D S - L * 06.MAY.2002 (03) * ISSN 189-5582 * LCSN 96-4226
 Web Site: <http://www.geocities.com/sassisch/rhahn/lowlands/>
 Rules: <http://www.geocities.com/sassisch/rhahn/lowlands/rules.html>
 Posting Address: <lowlands-l at listserv.linguistlist.org>
 Server Manual: <http://www.lsoft.com/manuals/1.8c/userindex.html>
 Archive: <http://listserv.linguistlist.org/archives/lowlands-l.html>
=======================================================================
 A=Afrikaans Ap=Appalachian D=Dutch E=English F=Frisian L=Limburgish
 LS=Low Saxon (Low German) S=Scots Sh=Shetlandic Z=Zeelandic (Zeeuws)
=======================================================================

From: "Friedrich-Wilhelm.Neumann" <Friedrich-Wilhelm.Neumann at epost.de>
Subject: Fierdoog_allerwärts

Leeve Wim,

ick bün driest nauch, Di tau antern.

Ick höör tau de Generatschion, dei kott no den oosigen tweiten Weltkrieg
(1949) bourn is. Ick hör tau dei Lüüd, dei normolerwies in Dütschland in
Oogenblick dat Seggen hefft. Ick hör tau dei, dei sick meist elke Dag
dorüm argert, watt sau veel vergeeten wonn is, wat vör bummeliche 55
Johren in Europa passeert is.

Dor ward’n Barg över de Juden un de Dütschen snackt- is ook recht sau,
dat wüür woll dat gröttste Verbreeken in uns unseilige Vergangenheit,

Door ward ok’n Barg över Frankriek, Norwegen, Dänemark, Polen un sau
wieter snackt- is ook recht, mutt över snackt warn.

Blautst- meist kein einen vonne „jungen“ Dütschen ünner föfftig weit,
wat mien öllere Landslüüd in Holland för’n Swienkroom mookt hefft. Jüst
annersrüm- de meisten wunnert sick, wat de Holländers, inne Hauptsook
dee öllern Lüüd von Jau, de Dütschen nicht tau geirn möögt,

Ick leev hier heel dicht anne Nordsee (bi Cuxhoben), un de eirsten
Dieken vöör hunderte von Joohrn sünd von Diene Landslüüd baut wonnen, de
hannen dat neudige „Know-How“. N’ heel Bült Hollänners hevvt  hier ouk,
vöör lange Tied all, sick anseedelt (dat Aule Land bie Hamburg:
„Stüürholt, Schuback, Kolster, Keunick“- all holl. Nomens), meist door,
wo de Dütschen (Sassen, de köimen ut dat Binnenland) nich mit dat Woter
trecht köimen. Ook inne sösstiger un sömtiger Johrn inn’t twiinnigste
Millenium sünn weller welk koomen, und dat sün nu min Noobors. De
meisten sünn Buern, as ick, un höört tau min beste Frünnen. Wi könnt
över allens snacken, wi vertöört uns mitünner n’ beeten, obers nich för
lang. Bie de heel jungen Gest, dörtte „Generation“ in Dütschland,
verwischt sick dat tohaup- de weit mitünner gonnich meihr, wo se
herkoomen daut, wat dor mool’n Ünnerscheid wör.

Un dat is ook mol wat Gauded in uns leidich EU: wi koomt us weller
neiger, sau, ass dat vörher, vöör disse Weltkriegen wör. Geef dat
öberhaupt mol ernsthafftigen Striet tüschen Hollänners un Dütsche,
freuher?

Du schallst nix vergeeten, ick vergeet dat ouk nich, un heff’n slecht
Geweeten, wenn ick an mien Vöröllern un an de leegen Nazis denken dau,
obers ick freu mi ook doran, wat ick hier bi de LOWLANNERS tau lesen
bekoomen dau, öber de „gemeenschapplichen“ Wuddeln von us Wiees tau
snacken, viellich ook tau denken

Fieer dennen Dag, wenn de Dütschen oppgeben müssen, obers freu Di ook,
wenn wi in EU weller sau tohaupwassen daut, as sick dat föör Minschen,
de sick sau ähnlich sünn, sauveel „gemeenschappliche“ Geschicht
(„history“) hefft, hören deit.

Jie sünt uns neigste Noborn, unn von mien Kinners schall kein ein sien
Noborn wat Böset daun, dat is woll gewiss.

Loot uns bi Gelegenheit n’ Genever un n’ Beer drinken!

Leeve Greut.

Fiete

==================================END===================================
 You have received this because your account has been subscribed upon
 request. To unsubscribe, please send the command "signoff lowlands-l"
 as message text from the same account to
 <listserv at listserv.linguistlist.org> or sign off at
 <http://linguistlist.org/subscribing/sub-lowlands-l.html>.
=======================================================================
 * Please submit postings to <lowlands-l at listserv.linguistlist.org>.
 * Postings will be displayed unedited in digest form.
 * Please display only the relevant parts of quotes in your replies.
 * Commands for automated functions (including "signoff lowlands-l") are
   to be sent to <listserv at listserv.linguistlist.org> or at
   <http://linguistlist.org/subscribing/sub-lowlands-l.html>.
 * Please use only Plain Text format, not Rich Text (HTML) or any other
   type of format, in your submissions
=======================================================================