LL-L "Language politics" 2007.09.20 (02) [E/LS]

[Lowlands-L List]

L O W L A N D S - L  -  20 September 2007 - Volume 01
Song Contest: lowlands-l.net/contest/ (- 31 Dec. 2007)
=========================================================================

From: "enno-ut-bremen at nord-com.net" <enno-ut-bremen at nord-com.net>
Subject: LL-L "Language politics" 2007.09.19 (04) [E]

Hi Ron, hartlichen Bortsdag nadrääglich,
un hier wedder maal een bösen Breef van mi:
Man: Ik heff jo all leev.

@Mike Wintzer
"Volunteers?..."

Volunteers, Mike? To do what?

Fordern, dat se Supermaak-Produkte op plattdüütsch nöömt?
...dat se plattdütsche Naams op de Ortschillers (awer man bloot in
lütte Schrift) bidoon doot?
..dat de Speeldeels jümehr Anseggen nich mehr bloot op geel maakt?
(villicht so:"...schrievt maal ennich platt op jo Tohuus-Siet, anners
warrt wi nästmaal nich mehr so nett fragen!")
...dat dat in de Schoolen mehr plattdüütsch-Lesewettbewerv geven
schall (würg)?

...ik glööv, daför will ik nich een GSG-9 Kommando in't Huus hebben :-)

...tomminst nich, wenn dat nich ok een Volk (oder beter Spraakgruup)
gifft, dat sik daarmit identefezeern deiht.

De katalansche Jung seggt jo: " Se schüllt Respekt an sien Nadschoon(!)
wiesen, un jüst düssen Respekt un Achten hebbt wi jo sülvst nich. Denn
Platt hett keen Land, is nich Amtspraak, un warrt nich in'n Alldag un
in de School bruukt.

Mien Menen is: Wi mööt sülvst den Respekt utwarken, ehrdat wi em van
anner Lüüd dwingen wüllt.

Also nomaal dat hele Elend:

To huus? De Lüüd schiet sik jo meist in de Büx, dat jümehr Kinnings
nich Oberstudiengeheimrat warrn köönt, wenn se mit jüm platt schnacken
doot, ofschoonst jo al in Kinnergaarn engelsch, franzöösch un chineesch
liehrt
warrn schall, wieldat: tweesprakig is jo veeeeeeeel beter. Bi solk een
Döösbaddeligkeet oder Bangigkeet warrt provokative Emails wahl nich
hölpen.

In de School? Bi us gifft dat platt nich maal as enkelt Schoolfaak
(bloot as Deel van Deutschunterricht). Du hest jo sülvst van den Weert
van tweesprakig Schoolen schnackt (in Frankriek, wohl anmaarkt).

Un hebbt wi jichens een nederdütschen Zentraal-Raat, de sowat övereen
bringen deiht, un bi den ik maal anstännig över sowat quesen kann?
(Wenn't nich gifft, denn kann ik em natürlich ok keen flappsig Imehls
schicken).

Egen plattdütschen Radiosenner? Ähhh...
Egen plattdütschen Fernsehsenner? Jo, also...
Wi hebbt jo nich maal een entigst anstännig över-redschonaal Bladd op platt.

För SOLK Saken wöör ik mi giern mit den Apparat anlegen. Allens anner is na
mien Menen lachhaftig. För Dien Achsel-Deodorant bruukst Du wegen een
plattdütschen Naam nu wirklich keen Puhei maken -dat hett sounso keen
dütschen, man al längst een engelschen Naam.
Oder?

Groot
Enno

Hm, wi köönt jo maal so een Fatwa in de plattdütsche Kolumne van't
Redschonaal-Blatt an Sünndag rinsetten :-P
Mutt ik mi denn Isendrägers för de Dören besorgen???
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20070920/e4f18fc6/attachment.htm>