LL-L "Etymology" 2008.11.23 (05) [E/LS]

[Lowlands-L List]

===========================================
L O W L A N D S - L - 23 November 2008 - Volume 05
-------------------------------------------------------------------------
Please set the encoding mode to Unicode (UTF-8).
If viewing this in a web browser, please click on
the html toggle at the bottom of the archived page
and switch your browser's character encoding to Unicode.
===========================================


From: Marcus Buck <list at marcusbuck.org>
Subject: LL-L "Etymology" 2008.11.23 (04) [E/LS]

From: Jonny <jonny.meibohm at arcor.de <mailto:jonny.meibohm at arcor.de

>>


Subject: LL-L "Etymology" 2008.11.23 (03) [E]

Master R.,

once more and again - you sometimes seem to feel hurt by clearly objectively
done investigations. I'm convinced like you that you're absolutely on the
right side if you tell us:

Here's another Low Saxon word of likely Dutch origin: /Bahntje/ ~ /Baantje/
(/baantje/) [ˈbɒːnʨe] 'employment', 'job', 'profession', 'career (track)'.
The Dutch word is /baantje/ [ˈbaːntje], a diminutive form of /baan/ 'track'
(also Low Saxon). (In other dialects the word is /Profeschoon/ [profɛˈʃoːn]
~ [profɛˈʃoˑʊn].)

Note that this word has the characteristic Dutch epenthetic /-t-/ between
/-n/ and the suffix /-je/ (as does /Bontje/ [ˈbɔnʨe] 'piece of candy'
mentioned earlier): /-n-t-je/. (The labial equivalent is /-m-p-je/.)

By the way, /Bontje/ became /Bontschi/ ~ /Bonschi/ [ˈbɔnʧi] ~ [ˈbɔnʃi] in
Hamburg Missingsch. In Standard German it is /Bonbon/, for which we had the
pronunciation /Bombong/ [bɔmˈbɔŋ].

Didn't you mention this, correctly as 'mosttimes', just two days ago?

And I'm convinced like you are: there's a great amount of Dutch vocabulary
in our Lower-Elbe-dialect of Low-Saxon, as I've pointed out again and again
in the LL-L-past. I'm sure that our really beloved 'genius' Marcus with his
damned WIKI-behaviour and half-hearted google-di-goog yet isn't familiar
enough with LS to be a judge for YOUR knowledge and engagement in LS!
Undoubtful Dutch influence here, regionally, started in the 11. eeuw and
didn't cease until today. Maybe this ran different in Kranenburg, 'oppe
Geest' ;-)...

Mann - Diin swiigsaom' Ebeerigkeyt gayt mii mennigmol aorig opp den'n Senkel
;-)!!! Denn schimpp' doch touminnst' maol!

Allerbest; houl Dy monter!

Jonny Meibohm

Ik bün nich ut Kronenborg, du Aas du! Brobargen bün ik vun. Ik bün worraftig
vun'e Geest, aver ik mutt keen dörtig Meter gahn un bün in'e Masch. Un ik
mutt dor nich mal för vun'n Hoff raf. Uns Huus steiht jüst op'n Rand vun'e
Geest, de Weid achtern Huus liggt al in'e Masch. Un to de Hollanners: In
Brobargen (dor wo ik vun her bün ;-) ) gifft dat den Höben, wo se op
hoochdüütsch noch "Hollander Höfe" to seggt. Un wenn du vun'n Höben noch en
Stück wiedergeihst, dor 'op de anner Sied Oost', denn kummst du na Hollen.
Op uns Sied Oost weren de Keerls aver ok, de Kark op'n Horst in Burweg is en
ole Hollannerkark, Engelschop un Neeland sünd vun de Hollanners grünnt
worrn. Ik weet also vun Hollanners wat af. Dat helpt uns blot nich veel. De
sünd eben in dat 11. Johrhunnert kamen un de Qiddjes hett dat eerst in dat
19. Johrhunnert geven.
Ik heff nix gegen Wöör vun de Hollanners, aver bi Quiddje glööv ik eben
nich, dor dor wat an is. Matjes stimmt, Baantje stimmt ganz gewiss ok, bi
Bonsche un Buttscher bün ik mi nich seker, kann aver ok angahn. Bi Quiddje
reckt mi "allens mit -je kummt vun de Hollanners" aver nich. Ik will ja nüms
wat. Aver schall ik nix seggen, blot üm fründlich to wesen? Wenn ik
gnaddelig bün, denn segg ik dat ok (to'n Bispeel, wenn een Kronenbörger to
mi seggt ;-) ). Bi disse Saak bün ik aver nich gnaddelig wesen. Dat weer
blot sachlich-liekut. Wenn ik en Theorie utklookt heff, un een seggt, dat
dat allens Tüdelkraam is, denn mag ik dat ok nich geern hebben. Ok wenn de
annere Recht hett. Dor hett Reinhard also mien vulle Sympathie :-) Un dat
mit de Sympathie meen ik würklich so, dat is nich blot so seggt. Kritik nich
geern to hebben is sympathisch, denn dat is minschlich. Solang de Minsch
nich gnatzig oder füünsch warrt, maakt dat nix.
Aver rut mutt de Kritik liekers.

Jonny, wenn ik free vun de Lebber weg snack ahn veel söte Wöör, denn hett
dat nix mit WIKI-behaviour to doon. Dat du jümmer wedder op dat Wiki dal
wullt. In Wikis gifft dat all Soorten vun Lüüd, dat gifft keen besünner
WIKI-behaviour. Aver so'n Wiki is en lütt Sellschop för sik ünner en
Brennglas. As ik noch in de hoochdüütsche Wikipedia ünnerwegens weer, do
heff ik mi fakener opreegt, denn dat weer dor faken unschöön. En Hauen un
Steken. Op de plattdüütsche Wikipedia in lütte Runn is dat Klima aver ganz
angenehm un dor sünd lude Wöör kuum nödig. Dat ännert den ganzen Stil. In de
hoochdüütsche Wikipeda gifft dat hüüd Ecken, dor herrscht en Klima, du
kunnst denken, du büst in de late Weimarer Republik mit ehre Stratenkämpf. Een
Glück is dat Internett en Feernmedium, ans deen de sik doodhaun. Dat is
würklich häßlich. Richtig, richtig häßlich. Dat is vör alle bi Meta-Themen
so. Zensur op Wikipedia un sowat. Gifft aver ok Ecken dor büst du alleen,
dor herrscht en Freden as bi so'n olen Schäper de jichens in de Heid sien
lütt Artikelhood tohoophöllt. Wenn du över utstorvene Archäbakterien oder
annere obskure Themen Artikel schriffst, langt di nüms an. Glückseligkeit
pur. Is aver in de Realität doch nich anners. In de grote Politik in Berlin
gifft dat veel Krach un Larm. Oder in de USA. De Wahlkampf. Jedet lütt Woord
warrt op de Goldwaag leggt. Un en tweten Vörnaam kann di in de Ogen vun welk
Lüüd al to'n Araber maken, wat ja ok al meist dat sülve is as en
Terrorist. Op'n
Dörpen, wo de Lüüd sik all kennt, is dat Klima ganz anners. Dat kummt dor op
an, woveel Lüüd mitmischen wüllt, un wat för Lüüd dat sünd. Disse List is
doch ok meist nix anners as en Wiki. Hier kann ok elkeen sien Verschääl
dorbigeven. In'e lütte Grupp geiht dat good. Wenn hier nu aver hunnert Lüüd
mehr mitschrieven deen, denn dee dat ok Krawall geven. "Grote Gruppen Lüüd =
Krawall" dat is al meist en universelle Konstante vun de
Minschheitsgeschicht. De neolithische Revolution hett uns de eersten
Stadtstaten bröcht, de denn de eersten groten Kriege föhrt hebbt. De
industrielle Revolution hett uns de Millionenstädte bröcht, den Sozialismus,
de beiden groten Kriege und den Kolen Krieg.

WIKI-behaviour is in Wohrheit Minschen-behaviour. In en Wiki is dat blot
noch schärper to sehn, denn wenn du dien Gegner in de Ogen kieken kannst,
denn sünd veel Lüüd bang, to seggen, wat se seggen wüllt. In dat Internett
musst du nich bang wesen, dor kann di nüms wat. Un denn fehlt natürlich ok
de non-verbale Spraak. In de reale Welt is dat licht to kennen, wenn een de
Kritik ganz fründlich meent, an'n Gesichtsutdruck un an de Stimm. Dat fehlt,
wenn een schrifft, un dat kann dör non-verbale Smileys nich wedder utgleken
warrn.

Al wedder so veel Tüüch salbadert, wat nüms intresseert ;-)
Wat ik seggen wull: Wenn sik miene Bidrääg mal basch anhöört, denn stell di
dor en fründlich Gesicht to vör. Dat bün ik denn. Ik meen dat normalerwies
nich böös. Un wenn ik dat doch böös meen, denn bruuk ik normalerwies böse
Wöör. Dat dat beter to kennen is ;-)

Marcus Buck

PS at Jonny: Maakst du dat mit Afsicht mit Kronenborg un de Geest? ;-) Harrn wi
doch al mal.
PS at Reinhard: Ik weet nich, ob ik di op de Töhn pett bün. Ik harr nich dat
Geföhl, dat du mi nu grell büst. Aver ik heff Jonny sien Bidrag liekers mal
as Anlaat nahmen, dat to seggen, wat ik hier in vele Wöör seggt heff.

----------

From: R. F. Hahn <sassisch at yahoo.com>
Subject: Etymology

Leve Marcus,

Du schreefst:


PS at Reinhard: Ik weet nich, ob ik di op de Töhn pett bün. Ik harr nich dat
Geföhl, dat du mi nu grell büst. Aver ik heff Jonny sien Bidrag liekers mal
as Anlaat nahmen, dat to seggen, wat ik hier in vele Wöör seggt heff.


Nö, nö, Marcus, mien Jung! Up de Töhn pedt hest mi nich, un vergrellt bün ik
ook heel un deel nich. Worüm ook? Daar höört 'n Barg mehr to.

Wat ik bün, un ook wat de Kahuna is, daar hest du alltied dat Recht up Dien
egen Menen un Verschääl. Of Du mien Dinken un Hypothesen deeln deist or
nich, daar hangt mien Läven nich vun af. Ook is mi wiss, dat wi an't Enn
vun'n Dag alltohoop in't sülvige Boot sitten doot, sogaar Jonny, de ole
Stinkbüdel.

Kumpelmenten,
Reinhard/Ron
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20081123/3e38339d/attachment.htm>