LL-L "Language politics" 2009.12.02 (02) [NDS]

[Lowlands-L List]

===========================================
L O W L A N D S - L - 02 December 2009 - Volume 03
lowlands.list at gmail.com - http://lowlands-l.net/
Encoding: Unicode (UTF-08)
Language Codes: lowlands-l.net/codes.php
===========================================

From: Helge Tietz <helgetietz at yahoo.com>
Subject: German Attitudes towards regional dialects (thus incl. minority and
regional languages) and literature recommandation

Leve Fruennen,

Ik heff jues wat lest in de duetsche Avis "Die Zeit' un wenn ik dat les denn
weet ik dat liggers nu friisk, dansk, serbšćina un neddersassisch vun de
Bundesregeerung as "spraaken" anerkannt suend sik doch garnix veraennert
haett in Duetschland. De (hoch)-duetsche nationalismus und chauvinimus is no
juemmers so as foer 50 jaar. De link to duessen artikel is de folgende:

http://www.zeit.de/campus/2010/01/arbeiten-dwdd

Ji moet ju mol de kommetare vun de leser doerlesen, dat is nix anners as
diskrimation vun linguistike minderheeten, incl. schwizerduetsch-sprekers. De
luet begrip ni dat ok eer egen oellern un groessoellern mol een "dialekt"
snack hebb un met duesse kommetare seggen egentli nix anners as "min eegen
groessoellern suend dumm un primitv wes denn se kunnen ni richti
hochduetsch". De luet begrip ok ni dat alens relativ is, magh vlich foer een
duetschnationalen "reines hochdeutsch" prestigieus ween, so is precies
duesse hochduetsche utspraak un akzent alens annere as prestigieus wenn
duesse luet denn engelsch or nederlandsch snack. "Die Zeit"s een
links-liberale Avis awer dat schient dat de links-liberalitaet opeenmol
voerbi is wenn dat oem nationale linguistike minderheeten in Duetschland
geit....man kann juemmers good klagen oever minderheten-diskrimination wenn
dat wiet wigh vun to hus is awer wenn dat denn int egen hus is, daar hoellt
dat denn op, denn suend de minderheten op eenmol "primitiv" "egoistisch"
oder "chauvinisten". Daardoer dat ik mi suelens nuems met de hochduetschen
assimiliseert hebb un mi dat egal waer wat se vun min hochduetsch dinken,
daardoer heff ik annere spraken veel beter leren kunn. Awer vertell dat mol
een....so steit dat ni int book un so leert man dat ni op de school. Un
soelvens mol nadinken, dat laat man lever de peer daan, de hebb een
groettern kopp....

Ik heef awer ok no wat anners to vermelden denn ik woell ju een heelsch good
book rekommandern, dat heet "Besoek bi ole Fruenn" vun W.L. Andersen ut
Kating in Eiderstedt (Sleswig-Holsten), dat is een beschrievung oever den
leefdaagh in Eiderstedt voer 100 jaar un is to bestellen bi den
W.L.Andresen-Verlag in Husum. Dat book is in Eiderstedher neddersassisch
schreven un is wul een vun de besten boeker de ik lest hebb.

Leeve Groeten vun
Helge

----------

From: R. F. Hahn <sassisch at yahoo.com>
Subject: Language politics

Daar kriggst ’n groten Dank för, leve Helge. Un dat is mi ’n Hœgen, dat wi
maal wedder wat vun di to höörn kriegt in dien fein “Noordsch” mit
jüütsch/däänsch Inwarken.



Dat Dinken, wat du vun schrieven dääst, dat kümmt na mien Menen noch jümmers
vun dat ole europääsche Dinken vun wägen „one nation = one ethnicity = one
language“ un daar wägen „Diversity weakens the modern state“. Düt Dinken,
dat se jahrteihntenlang in us rindrummt harrn, dat geiht nich so gau weg.
Dat wardt noch tominnst indirektemang vun Öllern un Schoolmeesters an Kinner
wiedergäven, dat se as „moderne Börgers“ good to Schick kaamt, good ankäken
wardt, ’n nejen Typus Minsch, de good anschräven is un allerwägens good an’n
Drücker kümmt. Dat bedüüdt denn ook, dat de Minschen, de noch an jüm ähr „
olen“ Dialekten un Spraken hangt, keen modernen Börgers sünd, na vergahne
Tieden tohöört, eendoonts of se ook de „Hoog“-Spraak good kœnt. Alleen dat
Anhangen an „ole“ „binnenlandsch-frömde“ Spraak un Kultuur is Grund noog vun
jüm to dinken, se lehnt den nejen Staat un dat „neje Börgerdoom“ af. In
mennig een Fall wardt dat as polietsch, sezessionistisch Dwarsdrieveree
ankäken.



Düsse Saak wardt nich vääl œver snackt. Man se sitt liekers deep binnen in
de Denkwies’ vun’n „modernen“ Börger un de, de dat warden wullt. Un dat hett
’n basig Inwarken in de Sprakenpolitik.



Grötens,

Reinhard/Ron
Seattle, USA

•

==============================END===================================

 * Please submit postings to lowlands-l at listserv.linguistlist.org.

 * Postings will be displayed unedited in digest form.

 * Please display only the relevant parts of quotes in your replies.

 * Commands for automated functions (including "signoff lowlands-l")

   are to be sent to listserv at listserv.linguistlist.org or at

   http://linguistlist.org/subscribing/sub-lowlands-l.html.

*********************************************************************
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20091202/ce29d53d/attachment.htm>