LL-L "Language promotion" 2009.12.26 (02) [DE-NDS]

[Lowlands-L List]

===========================================
L O W L A N D S - L - 26 December 2009 - Volume 02
lowlands.list at gmail.com - http://lowlands-l.net/
Encoding: Unicode (UTF-08)
Language Codes: lowlands-l.net/codes.php
===========================================


From: M.-L. Lessing <marless at gmx.de>
Subject: LL-L "Language promotion" 2009.12.25 (05) [DE-NDS]

Un "Schulfunk" op Platt, Sennen över Bildungs- un Wetenschapsthemen! Un
afsluuts keen Börsenkursen. In'n Plattkanaal keen Börs! Dat warrt en
besünner Utteknen, en "Alleinstellungsmerkmal":-)Avers politisches Kabarett.
Da heff ik al poor Frünnen, mit de tosamen ik dat al lang mal maken wull...
wi hebbt bloots spintiseert...



Hach ja, Hanne hett ja recht. Ik heff al to veel üm de Ohren. Dat is to'n
Hulen. Ik heff noch nich halv de List afarbeidt, de ik mi för de
Wiehnachtsferien vörnahmen harr...



Man dat wi wieder spintiseert: Is dat Internet nich doch villicht de rechte
Plattfoorm, sowat *antofangen*? Kunn een nich mal anfangen, eerste Sendungen
to produzeern, dat een dat lehrt, Künn kriegt un süht, woneem wat fehlt, wat
wa veel Geld, Tied un Ressourcen köst? Wiss kunneen Profis bitrecken, Hanne
t.B., villicht ok anner. Dat Ergeevnis kunn in't Internet publik maakt
warrn. *Dat *tominnst köst denn nix. Naja, nich veel. Dat mehrste is Tied un
Arbeit.



Hartlich!



Marlou



From: Marcus Buck <list at marcusbuck.org>
Subject: LL-L "Language promotion" 2009.12.25 (04) [DE-NDS]

Ohnsorg höört dor op jeden Fall to! Dat geiht gornich anners. Aver natürlich
schull dat nich 50% von de Tied lopen ;-) Dat gifft aver ja ok noog annere
professionelle plattdüütsche Theaters, de veel to wenig kennt warrt. So'n
Stücken opnehmen, dat köst nich veel, de Theaters hebbt dor wat von, wenn
jemehr Arbeit beter kennt warrt, un dat bringt düchtig Kultur in't Programm.
Ik kunn mi ok vörstellen, dat de Senner fakener mal Laientheater wiest. Is
denn keen hoge Kultur, aver dat mutt ja ok nich wesen. Mutt en goden Mix
wesen. Wat mi ok gefallen dee, is en plattdüütschen Vörutscheed för Liet
International. Dit Johr hebbt ja dat eerste Maal ok Plattdüütsche mitmaakt.
Mit en egen Vörutscheed weer dat gewiss mööglich, dor elk Johr mit bi to
wesen. Un dat Finaal von Liet warrt denn natürlich ok wiest.

Denn natürlich plattdüütsche Narichten.

En Sportsendung, de blangen Bundesliga etc. ok Regionalsport bringt.
Villicht ok Berichten ut en poor Sportoorden, de typisch för
Plattdüütschland sünd, oder tominnst binnen Plattdüütschland fakener speelt
warrt. Klootscheten to'n Bispeel. Bi uns in de Region gifft dat veel
Fuustball. In Ollnborg un Oostfreesland warrt Sleuderball veel speelt. etc.

Denn en Magazin, in dat nee rutkamen plattdüütsche Böker bespraken warrt.

Talkrunnen op Platt.

Denn en Reeg, in de de Spraak en beten vörstellt warrt (Kennt ji "Mit
offenen Karten" op Arte? Dat is en Sendung in de elk Week en Land oder
geopolitisch Thema vörstellt warrt, indem dor Koorten to wiest warrt. Heel
intressant! Sowat in de Oord, aver eben över Spraak un nich över Geopolitik)
.

Denn, ganz wichtig, en Sendung, in de Musik speelt warrt. Villicht eenfach
in de Form so as op MTV oder VIVA. Eenfach blot Clips naenanner afspeelt.
Köst meist nix un helpt de plattdüütschen Musikers bekannter to warrn. Denn
as Extra-Format Volksmusik. De Volksmusik in de hoochdüütschen Medien is ja
temlich Alpen-lastig. Also noorddüütsche Volksmusik. Un vör allen keen
"volkstümlicher Schlager"-Gedudel! Richtige Volksmusik, Ledermaker-Musik
etc.

Natürlich ok Filme un Serien op Platt synchroniseert. Ik will mal en poor
Naams ut de Kino-Saison 2009 seggen: Saw 5, Avatar, Twilight, Ice Age 3,
Wickie und die starken Männer, Lauras Stern und der geheimnisvolle Drache
Nian. Disse Soort Filme. Serien so as South Park, The Simpsons, Grey's
Anatomy, How I Met Your Mother. Aver ok Klassikers, villicht Casablanca op
Platt etc.

Villicht en plattdüütsche Late-Night-Show?

En Magazin, dat sik mit de Themen Reekners, Internett etc. utenannersett.

Denn en Magazin, so'n Oord Telekolleg, dat Nedderlandsche oder Hoochdüütsche
Plattdüütsch biböögt.

En Weddstried, bi den Filmstudenten Kortfilme op Platt maakt.

En Magazin för Binnenpolitik, een för Butenpolitik. Dokus ut uns Heimat
(to'n Bispeel "Mien Dörp vörstellt" oder sowat as'n NDR sien "Landpartie").

En Regio-Soap, so as "Van Jonge Leu en Oale Groond" oder "Boven Wotter".

Ok wichtig: Live-Berichten von de plattdüütschen Schrieverpriesen.
Freudenthal-Pries, Fritz-Reuter-Pries etc. pp.

Villicht as Gegenveranstaltung to'n rhienschen Karneval en Ãœmtog to Faslam
överdragen.

Villicht ok mal en egen Film produzeren (aver dat köst denn temlich).

Jeden Sünndag en plattdüütschen Goddsdeenst överdragen.

Un dor mutt för elk Öller wat bi wesen. Lütte Kinner, Kinner in't
Schoolöller, junge Lüüd, dat middlere Öller un ole Lüüd.

Allens blot Ideen. Wenn man blot de Ressourcen dor sünd, denn kann'n dat
allens maken.

Marcus Buck


----------

From: Hannelore Hinz <HanneHinz at t-online.de>

Subject: LL-L "Language promotion" 2009.12.25 (05) [DE-NDS]



Wat man nich all' so an'n Wihnachten deit...

un wat ick giern noch ünner de Lüüd bringen mücht'...



"blauaügig" (blaagöögsch' ?, dor geiht't all los...) möten sien. Oewer ji
sünd je as de will'n Pierd. Man kann nich glieksen mit 'n Rupp-Di-Wupp de
hoge Ledder nah bawen hüppen, dat künn 'n Fehlschuß ward'n.

Woans heit dat man noch..."Die Jugend will stets mit Gewalt an erster Stelle
sein, doch wird man erst ein bischen alt, dann sieht man alles ein..." (Da
klopf ich meinen Hobel aus, und denk, du brummst mir gut.) Dat is fründlich
meint.

Blauäugig jüst upstunn's möt sien. Ja, fuurts all wat maken, angahn, wat tau
Tied noedig is. All' juug Andriewen brukt sien Tied.



Uns' Platt is afsackt, möt holl'n warden, wedder högerup stiegen, un so ein
lang' Täuwen up juug Angahn künn ihrer...hm, macht' gor nich seggen, ehr
Dodsien.

Oewer, so is dat je nich, Platt is all so oft dodseggt worden, un is nich
ünnergahn.



Wat ick nienich ahnt heff... Un dor hett Meck/Pom bi de "Spraken-Charta 2009
in SN ein Loff (Lob) krägen. Tschä, wat seggst nu, (un de OLD-BRD ... nich).

Un wat ji all' so angahn willn, maken wi je ok all tämlich lang. Uns liggt't
nich so de Oort up'n Putz tau haugen. Heff ji juug mal würklich in juug
Rebeitenümseihn, odder blotsen von gräunen Schriewdisch ut...



Oewer Probleme gifft't. Wiel vör Johren ein Moderater von uns' Radio, von de
Klüer 'n gaudet Platt up de Tung' harr, man tauväl Fählers mit sien frie
Snacken mitsleeken, bün ick bikam', heff poor Radio-Platt-(Sendungen) von je
drei Stunn' (morgens Klock 6 - 9) mithüert, un dat an'n Sünndag, all' sien
Fählers mit Dag, Klockentied,verkihrt un Henwies' richtig up ein fründlich
Oort, in'n Breiw schrewen un em mien Hülp, jawoll Hülp anbaden. Dat
Schimpen, Futtern nütt gor nicks. Nah drei Breiwen is de fründlich Kierl von
allein tau mi kam' un hebben mit Freud un Leiw sien Platt henkrägen. Hüt
sünd wi de besten Frünn'.Hei spendierte Kaffe(e) un Kauken un ick mien
Helpen.



Oewer liekers. Väl Radio-Reporters will'n je ok uns' Platt mit O-Tön
infangen, odder Nahrichten up Platt vermellen, Tschä, un dor kümmt mi
männigmal dat Gruugen an. Wat sall'ns daun, mit Leiw gahn's ehr Saak an, un
liekers döcht dat nicks. All'ns Hd.

oewersett un ok noch verkihrt snackt. Wat hebben Tauhürers/Taukiekers in
all' de Johren bi de Medien futtert; de blewen un blewen ümmer stuur. Künst'
nicks nich maken (de Meckl. verduwwelt oft sien Nee (nein)).



Mal eins schrew ick 'n fründlichen Breiw an TV/NDR "talk up platt". Wat
rutkäm, ein fründlich Anter von F. Werts mit ein schenkt Bauk un CD, un
Frünn' sünd wi ok word'n. Is doch bilütten wat. Na ja, dat löppt je nu
anners.



De Gedanken sünd frie, möt ok sien. Oewer nich mit'n Hauruck. Dat möt sick
"entwickeln".

De Medien möten wedder mihr Plattdüütsch tau Wuurt kamen laten, dor liggt ok
de Haaken, sei möten uns tau Sied stahn. Man, un dat is wohrraftig 'n
Problem. Mi dücht', de will'n nicks nich von Plattdüütsch weiten.



Un wo uns nu de Boewelsten dat Sporen uphalsen, kannst doch gor nich dat
Vörhebben in de Welt setten.



Ja, gaht in de Rebeiten, dat möt sien. Snackt mit de Lüüd (blot oewer
niemodsche Technik künn ok Harten kolt laten, un von naakigen Schriewdisch
ut kannst dat Problem nich in de Reig' kriegen. Plattdüütsch is ein läwig
Spraak, brukt un hett ehr Warmnis usw.



Kein "Einheitsplatt" is ut mien Sicht dat best' Nahsinn', dat räken ick hoch
an. Na klor, Ohnsorg hürt mit tau, un worüm nich ok uns'
"Fritz-Reuter-Bühn"??? De is all so oft afmeiert worden, un is doch Ohnsorg
gliek, man, dat will'ns (wecker?) nich wohrhebben.



Also, ick wull man blotsen dit Nahsinnen künnig maken, dat möt wassen un
gewiß gauden Mess (Dünger) möt ok sien.



So, nu drink ick mien 2. Tass' Kaffe(e)...



Noch 'n sinnigen Wihnachtsdag an all' de Lowlanners

von



Hanne

•

==============================END===================================

 * Please submit postings to lowlands-l at listserv.linguistlist.org.

 * Postings will be displayed unedited in digest form.

 * Please display only the relevant parts of quotes in your replies.

 * Commands for automated functions (including "signoff lowlands-l")

   are to be sent to listserv at listserv.linguistlist.org or at

   http://linguistlist.org/subscribing/sub-lowlands-l.html.

*********************************************************************
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20091226/349baf29/attachment.htm>