LL-L "Anthems" 2009.02.15 (01) [LS]

[Lowlands-L List]

===========================================
L O W L A N D S - L - 15 February 2009 - Volume 02
===========================================


From: Hannelore Hinz <HanneHinz at t-online.de>

Subject: LL-L "Anthems" 2009.02.13 (04) [E]



Best' Ron,



ick kannt't nich laten. Ick will noch eins up dit Thema trüggkamen.

Heff mi hüt in alle Rauh noch eins de Warken anhürt.

Spraken möt'n lihren. Musik kann de Minsch gliek verstahn un fäuhlen,
mitfäuhlen. Upstunn's find' sei tau Minschen, so as mi. Ick heff mien
Nahsinn'n mihr up de Musik richt'.

Denken, Fäuhlen, Mitfäuhlen (Freud un Leid) un Hapen (Hoffen) kann allein
all de Musik ut'n Minsch rutknoestern. Nu sett ick noch eins deeper an.



*Scotland the Brave: *Dat Solo-Vörspill fangt mit ein schön' Melodei an un
ein tweit' Instrument reigt sick in (dat is för mi ein symbolsch'Bild).
Ümmer mihr Instrumenten spälen sick tau, later ok de Trummel mit bi.

Nu schient mi, man wesselt in ein deiper Tonoort, dat gifft noch mihr Klüer
un ein Bewägen. Sachten wedder ein deip Klingen mit Solo-Instrument, ja jüst
so as dat anfungen hett un wedder de twei Instrumenten as binah ein Kanon.

So hett dit Wark taugliek sin'n dramaturkschen Bagen. Dor steckt ein Bewägen
un Läwen in. Man hett an all'ns bestens dacht.

Un mien ierst Mein blifft.



*Flower of Scotland: *Sang' (Gesang) bannig fien fäuhlt. Begleitung

bäten wat eintönsch...



*God Save the Queen:* Dis' weltwiede künnig olle Melodei "Heil dir im
Siegerkranz", Musik woll von Henry Carey hett mi nahdenkern makt. Mi dücht,
nu in anner Tieden, klingt sei mi tau pathetsch' un bäten wat stief,

is mihr Choral as Hymne.



*Jerusalem: *Ein klassisch Kunstleed.



*Land of Hope and Glory:* Dat grot' Orchester fangt glieksen forsch un
fleiten (fließend, zügig) an un ritt de Minschen mit. Dat Hapen klingt ok
nah ein Verlangen (Fordern). De Gedanken lopen vörweg (vorausschauend). De
langsam' Satz klingt wunnerschön, wat villicht heiten künn "wi känen ok in
uns gahn", ja so einfach un slicht (schlicht).



*Nu geiht't los!* De Minschen gahn up sick tau, vereinen sick friewillig in
einen groten Chur. Dat is de Höhepunkt! Fräden, Fräden oewerall'.



Sachten klingt dat schöne Wark so ut as dat anfüng.

Dat Finale breit majestätsch' anleggt, un wedder all' Minschen tohopen
*vereinen
sick* un singen ut deipen Harten un Stimm. Dor "lodert" wat up.

Dat Hapen mit Kraasch, Freud un "Enthusiasmus" kümmt so stark rut un lött de
Minschen fast (fest) an glöwen.

De grotorrig Musik richt' (richtet auf) de Minschen in de Höcht' un gifft
Maut för ein "Empor", för dat grote Ziel.

Dat is best' Musik-Dramaturgie!



*(Man seggt je ümmer, ein Mein ein Urdeil is philosophsch')*



Also: *Scotland the Brave  *un*   Land of Hope and Glory*

          stahn in glieken Rang' bi mi bawenan.



Mien Mäuh hett sick lohnt!



Gräuten.



Hanne Hinz

•

==============================END===================================

 * Please submit postings to lowlands-l at listserv.linguistlist.org.

 * Postings will be displayed unedited in digest form.

 * Please display only the relevant parts of quotes in your replies.

 * Commands for automated functions (including "signoff lowlands-l")

   are to be sent to listserv at listserv.linguistlist.org or at

   http://linguistlist.org/subscribing/sub-lowlands-l.html.

*********************************************************************
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20090215/073a67f4/attachment.htm>