LL-L "Delectables" 2009.03.13 (05) [LS/German]

[Lowlands-L List]

===========================================
L O W L A N D S - L - 13 March 2009 - Volume 05
===========================================

From: Hannelore Hinz <HanneHinz at t-online.de>
Subject: LL-L "Delectables" 2009.03.13 (01) [E]

Hier wat för denn' Lickertähn ut Mäkelborg

Vörweg ne Frag': "Lickertähn magst ok gräun Seep?"

As ick de Rezepten oewer mien Tung wannern let, wüür mi so wätern in mien
Münning
(das Wasser lief mir im Mund zusammen).

Taukieken is 't best Stück Arbeit, man blot nich bi 't Äten.

Dat Äten is ein bannig ungerechte Saak, - jede Happen blifft, wenn't hoch
kümmt, twei Minuten in'n Mund, - twei Stunn' in 'n Buuk, - oewer drei Maand
up de Hüften.

Liekers disch ick hier de Mäkelborger Götterspies' up.
(Auf Hochdeutsch nun für alle.)

                                * Mecklenburger Götterspeise *

Geriebenes Schwarzbrot wird mit Zucker vermischt und mit Rum angefeuchet.
Man steint  frische Sauerkirschen (heute eher aus der Tiefkühltruhe, aber
vorher abtauen) oder eingeweckte Sauerkirschen aus und schlägt süße Sahne.
Alles wird in Schichten in einer Glasschüssel angerichtet und sofort
serviert. Es kann aber auch portionsweise in einem Weinglas serviert werden.
Hm! Das schmeckt!

Beste Grüße.

Hanne

----------

From: Hannelore Hinz  <HanneHinz at t-online.de>
Subject: LL-L "Delectables" 2009.03.13 (01) [E]

Nu schuw ick noch ein tweit' Rezept nah. Künn je sien, de "Mäkelborger
Götterspies' "is nicks för Mannslüüd, vunwägen denn' säuten Kram.

Biersupp ut Mäkelborg
(Ein duwwelt Geneiten)

Man kann dat Bier in Mäkelborg
mal drinken un mal äten.
Wi laden all' tau Biersupp in,
de ward ji nich vergäten!

Un nu? Nu geiht dat los!

Ein Liter Mälk frisch, stripp, strapp, strull,
de löttst du furts upkaken.
Twei Läpel Mähl, man nich tau dull,
de mößt du nu ran maken.

Un nu? Nu heit dat Prost!

Ein Buddel Bier, de drink man ut,
un wierer sast du weiten.
Du halst söß Buddels Bier noch rut,
de in de Mälk ringeiten.

Un nu? Nu kümmt de Rest!

Lütt bäten Zucker möt  noch ran,
vier Ei-gäl nich vergäten.
Nu stah bi't Rühren dien'n Mann,
denn kannst bald Biersupp äten.

Un nu? Nu kümmt dat Best!

So'n Biersupp läpelt fein sick ut.
Dau nu dien Frünn' ranwinken.
Langt Biersupp noch nich för dien Snut,
kannst tau de Supp Bier drinken.

Man kann dat Bier in Mäkelborg
mal äten un mal drinken.

Kiek an. Na, denn Prost!

(23.03.1991/13.03.2009)

Mi hett de Biersupp smeckt.

Lütt' Freud un best' Gräuten.

-------

From: R. F. Hahn <sassisch at yahoo.com>
Subject: Delectables

Leve Hanne,

Wokeen hett den Riemel schräven?

Grötens,
Reinhard/Ron
Seattle, USA

•

==============================END===================================

 * Please submit postings to lowlands-l at listserv.linguistlist.org.

 * Postings will be displayed unedited in digest form.

 * Please display only the relevant parts of quotes in your replies.

 * Commands for automated functions (including "signoff lowlands-l")

   are to be sent to listserv at listserv.linguistlist.org or at

   http://linguistlist.org/subscribing/sub-lowlands-l.html.

*********************************************************************
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20090313/ce9081d0/attachment.htm>