LL-L "Language politics" 2010.01.23 (01) [DE-NDS]

[Lowlands-L List]

===============================================
L O W L A N D S - L - 23 January 2010 - Volume 01
lowlands.list at gmail.com - http://lowlands-l.net/
Archive: http://listserv.linguistlist.org/archives/lowlands-l.html
Encoding: Unicode (UTF-08)
Language Codes: lowlands-l.net/codes.php
===============================================

From: Hannelore Hinz <HanneHinz at t-online.de>
Subject: LL-L "Language politicis" 2010.01.22 (04) [EN-NDS]

Un wedder heit dat:
Hallo, Ron un all' Lowlanners,

Wat bi mien Utkun'schaften  rutekamen is.

Tau Tied löppt dat  taun Bispill in Swerin in de Fritz-Reuter-Schaul so:
Utfragt heff ick ein Liehrersch, de väle Johr as Kurs-Mitmaker/Nedderdüütsch
in miene Schaulklass' bi de 'Volkshochschule Schwerin' mit bi wier. Un mit
ehr sünd noch mihr junge Lihrerslüüd kamen. Ok  ehr  Scheffin Fru L., makte
flietig väle Johr ( ~ 10-12?) in de Schaulklass' mit.

Nich blot in de Fritz-Reuter-Schaul  löppt dat so, wat nu kümmt  is
oewerall'  in Meck-Pom.

Pro Week ein Stunn' fakultativ Plattdüütsch för de Gören ierste bät vierte
Schaulklass. Nah vier Johrn rücken wedder de niegen ABC-Butscher ran, un so
is dat all väle Johrn lopen. Dit is egentlich  'ne feine Saak, wiel glieks
de Kinner in dat Plattsnacken rinwassen un later nah vier Johren in anner
Schaulen dor ok Pd. lihren koenn'.
Dor löppt dat denn so ähnlig.

So hett all lang' de FR.-Schaul ein Plattgrupp Kinner "De lütten
Plattsnackers ut de Fritz-Reuter-Schaul". Sei maken ehr
Plattdüütsch-Programmen oeweral mit, un hebben sogor Ierste Priesen halt.
Oma un Opa (ahn de harr dat woll nich so gaud klappt), ok de Öllern hebben
bi dit Vörhemmen bannig mithulpen.

Man, ein Stunn' pro Week langt nich. De Lihrerslüüd weiten sick tau helpen.
So schuwens, wöför sei ok grad stahn koenen, in de "Deutschstunde" t.B. jüst
Sachkunde "Reutertage" mit rin odder sei äuben so jichtensbi mal rasch dat
Platt.
Ja, swienplietsch möten sien.

De Schaul arbeit' nah ehr Projekt för disse Schaulklassen 1-4. Tau Tied
"Sachkunde Reutertage " is ümmer in all' Projekten" mit bi.  Is je klor bi
ehren Namen von de Schaul.

Bi all' dat Lihren in de Schaul drapen sick giern de lütten Plattsnackers in
ehr Frietied un äuben Programme in; un dat löppt! Fru Gabi W. is mit Leiw'
un groten Fliet bi de Saak un hett ok noch för ehr Famili tau sorgen. Dat
möten ümmer hoch räken.. Un as "Kunsterzieheren" weit sei ehren Weg tau gahn
un fünn' em von ganz allein
ahn mien Hülp.

In Heimen för olle Lüüd sünd sei ümmer ein Willkam. Wenn't mal noedig wier,
gäw ick 'n lütten Raat.

Noch hebben sick nich all' Schaul'n hier mit inreigt, oewer dat kümmt so
sachten.
Fru G. W. weit bi  ehr Lihrerdrapen von dissen Weg ok an anner Schaulen.
Un männig Schauldirektersch hett womoeglich ein Oog tauknäpen för 'n groten
Anfang un Bestahn von uns' Plattdüütsch.

Is 'n swor Stück Arbeit, wat 'n hoch ihren möt, oewer EURO's bruken's ok.

Mit ein hartlich Gräuten.

Hanne

----- Original Message -----
 *From:* Hannelore Hinz <hannehinz at t-online.de>
 *To:* lowlands.list at GMAIL.COM
 *Sent:* Friday, January 22, 2010 10:33 PM
 *Subject:* Re: LL-L "Language politics" 2010.01.22 (04) [EN-NDS]

From: Hannelore Hinz <HanneHinz at t-online.de>
Subject: LL-L "Language Politics" 2010.01.22 (04) [EN-NDS]

Hallo Ron un all' Lowlanners,

oha, dat is ein heit' Iesen, dor kümmt mi ok de Gall hoch.

Alltau deip griepens hier ok nich in denn' Geldbüttel, oewer mi dücht', wi
sünd womoeglich bäten beter bi wegkamen.

Ick will mi noch eins in diss' Saak neger utkun'schaften.

Vörierst noch dit:

http://www.landesheimatverband-mv.de/html/niederdeutsch.html

http://www.landesheimatverband-mv.de/

Wi möten tausamenholl'n!

Hartlich Gräuten.

Hanne

 ----- Original Message -----
 *From:* Lowlands-L List <lowlands.list at GMAIL.COM>
 *To:* LOWLANDS-L at LISTSERV.LINGUISTLIST.ORG
 *Sent:* Friday, January 22, 2010 9:36 PM
 *Subject:* LL-L "Language politics" 2010.01.22 (04) [EN-NDS]

From: R. F. Hahn <sassisch at yahoo.com>
Subject: Language politics

[English summary below]

Heiko:
Plattdeutsch soll künftig als vollwertiges Unterrichtsfach an
Hamburger Schulen gelehrt werden. Bisher sei die Regionalsprache vor
allem in freiwilligen Arbeitsgemeinschaften unterrichtet worden,
teilte das Bremer Institut für niederdeutsche Sprache am Donnerstag
mit. Hamburg sei damit das erste Bundesland, das Plattdeutsch als
vollwertiges Fach anerkenne.

Im Sommer dieses Jahres sollten die Richtlinien in Kraft treten, nach
denen Platt als vollwertige Sprache unterrichtet werden könne, hieß es
weiter. Der in Norddeutschland bislang einmalige Schritt mit der
Umstellung des Schulsystems auf die Primarschule vollzogen worden. Für
die ersten bis dritten Klassen seien zwei Wochenstunden eingeplant, in
den Klassen vier bis sechs stehe Plattdeutsch dreimal auf dem
Stundenplan.

Neben dem Platt-Snacken strebe der Unterricht auch das Kennenlernen
und Umgehen mit Besonderheiten der regionalen Kultur an, teilte das
Institut weiter mit. So seien Kontakte mit Sprechern ebenso vorgesehen
wie das Erproben erlernter Sprachfähigkeiten auf dem Wochenmarkt."

Ik fraag’ mi liekers noch, of dat allens heel un deel echt un rejell is.

Is dat amenn so, dat, wenn daar niks bi ruutsuurt, de Senaat to de
Europääsche Sprakenkommission seggen kann: „Tjaaah, wi hebbt de Scholen daar
dat Verlööv to gäven, man meist keen een mank jüm hebbt in de Saak
mitmaakt.“

De annere Frag’ is, of de Scholen dat Geld kriegt, dat se mitmaken *kœnt*.
Anners weer dat man niks as Kreienschiet, segg ik.

Grötens in’t Huus.

Reinhard/Ron
Seattle, USA

•

==============================END===================================

 * Please submit postings to lowlands-l at listserv.linguistlist.org.

 * Postings will be displayed unedited in digest form.

 * Please display only the relevant parts of quotes in your replies.

 * Commands for automated functions (including "signoff lowlands-l")

   are to be sent to listserv at listserv.linguistlist.org or at

   http://linguistlist.org/subscribing/sub-lowlands-l.html.

*********************************************************************
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20100123/3b211214/attachment.htm>