LL-L "Language politics" 2010.06.01 (03) [NDS]

[Lowlands-L List]

=====================================================
*L O W L A N D S - L - 01 June 2010 - Volume 03*
lowlands.list at gmail.com - http://lowlands-l.net/
Posting: lowlands-l at listserv.linguistlist.org
Archive: http://listserv.linguistlist.org/archives/lowlands-l.html
Encoding: Unicode (UTF-08)
Language Codes: lowlands-l.net/codes.php
=====================================================


From: Hannelore Hinz <hannehinz at t-online.de>

Subject: LL-L "Language politics" 2010.06.01 (02) [DE]



(Problem mit PC, Mail war ohne Befehl futsch)



Hallo leiw' Frünn',



hoffentlich heff ick nicks in'n verkihrten Hals krägen. Marcus hett sick
soväl Mäuh geben un wiet uthalt. Dat is je ok schön un gaud. Nu mücht ick di
mal fragen Marcus, wat hest du denn all bether för Platt dan?  Hest du ein
Grupp', 'n Kring odder giffst bi de Volkshochschaul odder in anner Schaulen
Plattstunn för lütte un grote Lüüd.



Wat ick bether tau dit Thema schräwen heff ist kein Polemik nich. Ich holl
mi hüt mit mien Antwuurt gor nich lang' up, ower wat rut möt, möt rut.



Ick heff 1978 mien Ing.Ök. an'n Nagel hängt. Vörher all 'n Platt. Kring
upbuugt. Von 1979 -  2006 an bi de Volkshochschaul Schwerin  (nebenberuflich)
Plattdüütsch Stunn' gäben vör "Anfänger "un "Fortgeschrittene". Bi NULL hett
dat anfungen. All'ns allein upbuugt. Dat gäw kein Schaulbäuker, nicks gäw
dat. Heff all'ns, also Bäuker, de dunntaumalen mihr ünner denn' Ladendisch
tau köpen wieren  mit mien lütt' Honorar betahlt, un ick wier glücklich un
taufräden un heff mien eigen Lihrprogramm upbuugt (800 Blärrer), un jedein
Mitmaker kreg sien Blatt. All'ns up ein oll Schriewmeschien schräwen, Papier
woher nähmen usw. . Heff ok in Hagenow un Brüel in de VHS Schaulstunden
gäben. Urlauw un Verreisen gew dat nich bi mi. Wier ok poor Johr bi uns
"Nedderdüütsche Bühn" as Mitmaker, later "Bühnenleiterin".  Ick heff mi
privat bi einen Künstler utbilden laten. In mi wier ein Revolutschon, ick
müßt dissen Weg gahn, künn nich mihr anners, wiel ick tauväl in mien Läben
verluurn hadd. Mien Muddersprak würr tau mien Läwen. Mien niege Beraup
"Unterhaltungskünstlerin, also Freischaffende, de von de  "Konzert- und
Gastspieldirektion Schwerin " insett' warden. Un Plattdüütsch hebben wi
snackt un sungen. Mitmaker ein Gitarrist (Profi), ein bildhübsche Fru jüst
von de Hochschaul mit ein grotorrig Singstimm, un ick as Moderatersch mit
Treckfiedel. So hebben wi väle Programme schräwen, de von ein Jury (12
Experten aus Weimar, Friedrichstadt-Pallast Berlin usw. usw.) afnahmen würr
un wi unsen "Berufsausweis" mit A, B odder C-Stufe kregen. Anfangs wiern wi
sowat "Programm der kleinen Form". Dorbi blew dat nich, wi sünd ok ofteins
"verbraadt" worden. Oewer 500 Gäst uns. usw.. Wi hebben in jedeinen Uurt
giern Programme makt. Ick heff  Kinnerprogramme makt, tau de sick ok de
Ollen bannig freut hebben. 250 Programme in ein Johr, dat wier väl. Wi sünd
dörch ein Hoch un Deip gahn un hebben uns' Muddersprak in de niege Tied mit
roewerswunkt. Heff ok allein mien eigen Programme makt, un dat wier kein
Klamauk.


Oewer ok noch anner grote Programme mit Blasmuskanten so t.B. "Waidmannsheil
und Rundgesang" un noch anner schöne Programme.



Ja, un 2006 hebben wi, dat heit, Schäuler un ick de VHS verlaten. Dor güng
dat man blot üm Termine un Geld. Un keinein will hüt dor noch Schaulstunn'
gäben. Ick wull ein' gauden Plattsnacker as mien Nahkam insetten, "nee" säd
hei "dat möckt mi väl tau väl Arbeit". Un för ein Drinkgeld möckt dat hüt
keinein. Nu mak ick "ehrenamtlich" mit de Plattfrünn' wierer, oewer so
sachten geiht dat Licht ut. De Minschen hebben hüt anner Sorgen un möten
ierst mal Geld verdeinen, un dat kannst hüt mit  Platt all lang' nich mihr.
Ick heff dunnmals vör de Wennd'  väl väl seihn un beläwt, Elend, verkamen
Dörper, Ollenheime wo de Kakerlaken an helligten Dag an de Wänn' lopen sünd.
Ick heff in "Blindenheimen" Minschen drapen, dat mi dat Hart weih dan hett.
Ick heff in all' de Johren jede Veranstaltung in ein Bauk schräwen, dort
kümmt ne grotte Tall bi rut. Hüt warden tauväl vierschieden Kulturprogramme
anbaden, un dat is ok ein Grund för dat moeglich Afsacken von uns' Sprak.

Wat ick hier noch daun kann, dat mak ick, oewer hüt müßt ick mal ein Lipp
riskieren.


Na, denn Gaud Nacht Lewisch (Luise), fief Pennings (Cent) liggen up de
Trepp.



Liekers mien best Gräuten.



Hanne
(In poor Daag kümmt de PC-Dokter vörbi.)



=========================================================
Send posting submissions to lowlands-l at listserv.linguistlist.org.
Please display only the relevant parts of quotes in your replies.
Send commands (including "signoff lowlands-l") to
listserv at listserv.linguistlist.org or lowlands.list at gmail.com
http://linguistlist.org/subscribing/sub-lowlands-l.html.
http://www.facebook.com/?ref=logo#!/group.php?gid=118916521473498<http://www.facebook.com/?ref=logo#%21/group.php?gid=118916521473498>
=========================================================
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20100601/a2b16285/attachment.htm>