LL-L "Language politics" 2010.06.01 (05) [NDS]

[Lowlands-L List]

=====================================================
*L O W L A N D S - L - 01 June 2010 - Volume 05*
lowlands.list at gmail.com - http://lowlands-l.net/
Posting: lowlands-l at listserv.linguistlist.org
Archive: http://listserv.linguistlist.org/archives/lowlands-l.html
Encoding: Unicode (UTF-08)
Language Codes: lowlands-l.net/codes.php
=====================================================


From: Marcus Buck <list at marcusbuck.org>

Subject: LL-L "Language politics" 2010.06.01 (03) [NDS]



From: Hannelore Hinz <hannehinz at t-online.de>

hoffentlich heff ick nicks in'n verkihrten Hals krägen. Marcus hett sick
soväl Mäuh geben un wiet uthalt. Dat is je ok schön un gaud. Nu mücht ick di
mal fragen Marcus, wat hest du denn all bether för Platt dan?  Hest du ein
Grupp', 'n Kring odder giffst bi de Volkshochschaul odder in anner Schaulen
Plattstunn för lütte un grote Lüüd.


Dat heff ik allens nich daan un dat liggt mi ok nich. Ik bün en
Internett-Minsch. Ik schriev to 'n Bispeel för de plattdüütsche Wikipedia un
heff dor en poor dusend Artikels maakt. Ik heff dor ok de Wiki-Software
Mediawiki op Platt översett. Elkeen, de dat will kann sik nu för sien egen
Websteed en Wiki op Platt inrichten. Ik heff dat Computerspeel FreeCol op
Platt översett. Un vör allen heff ik de Websteed www.plattmakers.de maakt,
wat en plattdüütsch Wöörbook is (as Bispeel de Söök na dat Woord "Boom":
<http://www.plattmakers.de/index.php?q=boom><http://www.plattmakers.de/index.php?q=boom>).
Dat Wöörbook hett opstunns üm un bi 12.500 Wöör. To disse Wöör gifft dat
Översetten op Hoochdüütsch, Engelsch un Nedderlandsch. Un vör allen hett dat
Wöörbook üm un bi 40.000 Nawiesen ut de plattdüütsche Literatur, de wiest,
woneem de enkelten Wöör begäng sünd. Ik glööv, ik kann seggen, dat
plattmakers.de dat beste plattdüütsche Wöörbook is, wat dat gifft, wat sik
mit de plattdüütsche Spraak gesamt befaat. (Dat Drents Woordenboek to 'n
Bispeel is beter, is aver blot över Drents.)

Wöörböker so as
<http://www.pro-nordfriesland.de/phpmyfaq/><http://www.pro-nordfriesland.de/phpmyfaq/>(36.000
Wöör) un
<http://www.deutsch-plattdeutsch.de/>
<http://www.deutsch-plattdeutsch.de/>(45.000 Wöör) sünd grötter, aver
de Qualität is gresig (dubbelte Indrääg,
verkehrt schrevene Indrääg, Indrääg so as "Bidragstorüchbetahlen" för
"Beitragsrückerstattung", wat wohrschienlich noch keen Plattdüütschen in en
echt Gespreek in'n Mund nahmen hett). De Indrääg in mien Wöörbook sünd all
"echt plattdüütsch", för all Wöör gifft dat tominnst een (normalerwies aver
en ganz Reeg) Nawies(en) in de Literatur oder von Moderspraklers un dubbelte
Indrääg gifft dat ok nich.

Marcus Buck



=========================================================
Send posting submissions to lowlands-l at listserv.linguistlist.org.
Please display only the relevant parts of quotes in your replies.
Send commands (including "signoff lowlands-l") to
listserv at listserv.linguistlist.org or lowlands.list at gmail.com
http://linguistlist.org/subscribing/sub-lowlands-l.html.
http://www.facebook.com/?ref=logo#!/group.php?gid=118916521473498<http://www.facebook.com/?ref=logo#%21/group.php?gid=118916521473498>
=========================================================
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20100601/24e72e2f/attachment.htm>