LL-L "Member's news" 2011.09.03 (02) [NDS]

[Lowlands-L]

=====================================================
 L O W L A N D S - L - 03 September 2011 - Volume 02
lowlands.list at gmail.com - http://lowlands-l.net/
Posting: lowlands-l at listserv.linguistlist.org
Archive: http://listserv.linguistlist.org/archives/lowlands-l.html
Encoding: Unicode (UTF-08)
Language Codes: lowlands-l.net/codes.php
=====================================================



From: Hannelore Hinz hannehinz at t-online.de

Subject: Ron's Geburtstag


Ron's Geburtsdag
*
        So löppt de Tied...

*Is lang' all  ein oll Traditschon, ick weit',
möt alle Daag nu plietsch un hellwaak bliewen,
kiek nu all up't Kalennerblatt, dat heit,
will leiwer hüt all Dichtels för di schriewen.

Fröggst di jüst alle Daag, ick mein man so,
un dreihst di üm*: "Wo sünd mien Johren bläben?"  * so as Jehann
Segg mi, wo wierst du nich, ick mein man wo. -
Mit  Fliet dien Sträwen, mit Leiw' dien Gäben.

Un wat noch all' so unwiss kamen künn,
dat is so'n Saak, 'in wecker Hand liggt de Macht',
klingt oft uns' Spraak, mit de ick Fräden fünn'.

Oh, ick heff jüst an narrsche Saaken  blot dacht..... ? -
Di gratulieren, steiht mi hüt de Sinn,
dat ümmer Sünn di allerwägens taulacht.
*
(08.08.2011)

*Ick dank di för all'ns, leiwe Ron, un wünsch di 'n vergnäugten
un sinnigen Dag.

Hanning

24.08.2011

(Dit is das Bihaspel, wat du nich upknöpen künnst.)

Hanning

24.08.2011

----------

From: R. F. Hahn <sassisch at yahoo.com>
Subject: Member's news

Kriggst 'n groten Dank för dat kaptale Gedicht, leve Hanne.

 Hier ünner findt sik mien Ümschrift (nich Ọ̈versetten!) för us Frünnen in’n
Westen vun de Grenzen.

Grötens,
Reinhard/Ron
Seattle, USA

*        Zo löpt de tied ...

*Is laang aal ein ool traditsjoon, ik weit,
meut aalle daog’ noe plietsj on helwaok blieven,
kiek noe aal op’t kalennerblad, dat heit,
wil leiver huut aal dichtels veur die schrieven.

Vrögst die just aalle daog’, ik mein maan zo,
on draaist die um*: "Waor zünd mien jaoren blèben?"  [* zo as Jehann]
Zeg mie, waor wierst doe nich, ik mein maan waor. -
Mit vliet dien strèven, mit leiv’ dien gèben.

On wat noch aal zo onwis kaomen kun,
dat is zo’n zaok, ‘in wekker haand ligt de macht’,
klingt oft unz’ spraok, mit de ik vrèden vun.

Oh, ik hef just aan narsje zaoken bloot dacht ... ? -
Die gratulieren, staait mie huut de zin,
dat ummer zun die aallerwègens taulacht.
*
(08.08.2011)*

 =========================================================
Send posting submissions to lowlands-l at listserv.linguistlist.org.
Please display only the relevant parts of quotes in your replies.
Send commands (including "signoff lowlands-l") to
listserv at listserv.linguistlist.org or lowlands.list at gmail.com
http://linguistlist.org/subscribing/sub-lowlands-l.html.
http://www.facebook.com/?ref=logo#!/group.php?gid=118916521473498
==========================================================
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20110903/dd91ea94/attachment.htm>