"dret" Cowlitz shawash tIlIXEm; IlI7i lhas nim

[David Robertson]

LhaXayEm!

*IlEp, nixwa nay wawa "lhush ukuk!" pus Cowlitz shawash tIlIXEm.  Ukuk
ixt-mamunk (tEmala san), "haya'sh tkop phapha'" wawa dret shawash tIlIXEm
lhaska.

*Makwst-Ikta, Spokane ya phepa _Spokesman-Review_ ukuk san ya wawa hayu
khapa IlI7i lhas nim munk salIks shawash tIlIXEm pi lhaska shiks.
Tl'unEs-lhaksta wawa lhush pus wek nEsayka wawa "Squaw Creek", "Squaw Tit
Hill", pi khakwa.

	BEt wik nayka kEmtEks pus "Dago Peak" (khapa Idaho) ya nim chaku
khapa BastEn p'Eshaq wawa, or pus ya chaku khapa ChInuk Wawa.  Hayu IlI7i
khapa Idaho, wik saya khapa KInchoch IlI7i, t'u7wEn ChInuk nem.  Ixt man
ya mamunk pus US Forest Service 70-80 khul anqEti, ya palach ukuk nim.
Khakwa, "Eena Creek", "Mowich Creek".  Alaxti ukuk "Dago" dret khakwa
"tunus lamush".

	Pi tEnEs-hayu tIlIXEm tIki pus nEsayka munk Xluwima Ikta nim
khakwa "Papoose Creek" -- dret ChInuk Wawa ukuk!

	Wik lili anqEti, lhaska munk Xluwima ukuk "Dago Peak" ya nim, alta
"Italian Peak" yaka!  Wek nayka cipi mayka!

	(The gist:  Some people think that place-names like "Squaw Creek"
and "Squaw Tit Hill" should be changed to less offensive counterparts.
This kind of thinking is really interesting when it is being applied to
names like "Dago Peak" in Idaho, which was recently changed to "Italian
Peak", believe it or not, and to "Papoose Creek" -- /papus/ being
perfectly good ChInuk Wawa, as I can show you in the newspaper _Kamlups
Wawa_ and elsewhere.)



 *VISIT the archives of the CHINOOK jargon and the SALISHAN & neighboring*
		    <=== languages lists, on the Web! ===>
	   http://listserv.linguistlist.org/archives/salishan.html
	   http://listserv.linguistlist.org/archives/chinook.html