LL-L "Language use" 2008.03.22 (01) [LS]

[Lowlands-L List]

=========================================================================
L O W L A N D S - L - 22 March 2008 - Volume 01
-------------------------------------------------------------------------
Please set the encoding mode to Unicode (UTF-8).
If viewing this in a web browser, please click on
the html toggle at the bottom of the archived page.
=========================================================================

From: Temmo Bosse <temmo.bosse at gmx.net>
Subject: LL-L "Language use" 2008.03.21 (08) [E/LS]

Moin mitnanner.


Dat gift al lang Tosamenwark van de Fresen in de dreei Freeslannen. Kiek to'
Bispööl hier: www.interfrisiancouncil.eu

Wenn ok besünners in Westfreesland und meestieds ok in Noordfreesland de
freeske Taal de belangriekste Teken för de freeske Identität is, so is dat
neet allenig de Spraak. Daar hest du ok de gröttste Verscheel tüsken de
Oost-Fresen un de Groningers: In de Ommelannen bünd de Lüü mit hör freeske
Spraak ok hör freeske Identität quiet worden. In Oostfreesland un meest ok
in dat Ollenbörger Freesland un faken in Wursten bünd de Lüü Fresen bleven.
Dat hangt daar sowat van gaar neet van de Taal of. Sülvst mennig jung Lüü,
de ok kien Platt mehr proten, sünd na hör Menen Oostfresen. De Saterfresen,
de to'n Glück hör Spraak hollen kunnen, hebben daartegen en lang Tied gaar
neet mehr wusst, dat se Fresen bünd. Ok vandag betekent dat Saterfreeske
Woord "Fräisen" normalerwies de Oostfresen.

In Noordfreesland is dat besünners de Twieg ut de Freeske Bewegen van de
"Friisk Foriining", de sük besünners up dat Noordfreeske stütten deit, wat
de freeske Identität angeiht. De grötterde Deel van organiseerte Fresen in
de Noordfreesk Vereen leggt man ok de Swaarpunkt van sien Wark up de
Noordfreeske Taal, man Platt word ok pleegt.

In de Tosamenwark van de Freeslannen is dat natürelk stuur, umdat för Noord-
un Westfresen "freeske Wark" meest meent "Wark för un mit de freeske Taal",
man utsluten doon se kieneen, de seggt, da he en Frees is.

Unnerhollen mutten sük de Fresen ut de verscheden Freeslannen sowieso up
Dütsk of Ingelsk, umdat se blot hör egen Freesk pf Platt verstahn... ;-)

Munter,

Temmo
http://www.termostat.de

----------

From: R. F. Hahn <sassisch at yahoo.com>
Subject: Language use

Kriggst 'n groten Dank för Dien Bidrag, beste Tomme, un 'n hartlig Willkamen
bi Lowlands-L un up sien „Snackdeel".

Grötens ut Seattle.
Reinhard/Ron
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20080322/f751febb/attachment.htm>