LL-L 'Lexicon' 2012.01.31 (01) [DE-NDS]

[Lowlands-L]

=====================================================
 L O W L A N D S - L - 31 January 2012 - Volume 01
lowlands.list at gmail.com - http://lowlands-l.net/
Posting: lowlands-l at listserv.linguistlist.org
Archive: http://listserv.linguistlist.org/archives/lowlands-l.html
Encoding: Unicode (UTF-08)
Language Codes: lowlands-l.net/codes.php
=====================================================

From: Hannelore Hinz <hannehinz at -online.de> <hannehinz at -online.de>
Subject: Etymologie/Tradition ?

So rasch kann dat miteins gahn, nu is de Winter mit grote Küll  un Snei dor.

*Glitschen

*Juchhei un ri, ra, ritsch!
Wi maken uns ein Glitsch
von baben an bet ünnen dal
un wedder trügg, un denn noch mal.
Ward dat ein feine Glitsch
vör't Hus von Mudder Witsch!

Nu geiht dat ri, ra, rutsch!
Wo ick de Bahn langflutsch;
ein Bein nah vörn, denn in de Huk.
Perdauz, dor flüggt ein up den'n Buk,
wieldeß ick wierer flutsch
un üm de Eck rümwutsch.

Vörbi is 't ri, ra, ratsch.
De Iesbahn ward tau Matsch.
Wo't gistern noch so speigelblank,
driwt hüt dat Wader lingelang,
bet allens is ein Matsch.
Un dat geiht ri, ra, ratsch.

Autorin: Ursula Kurz, Wittenburg
(de mi dat Vörstellen hüt per Quasselstripp verlöwt hett)

*Glitsch f. *Gleitbahn, welche sich die Kinder auf dem Eise oder festem
Schnee schaffen:  *ick mak di ok ne Glitsch, wenn dat Ies ierst höllt.* - *
glitschen* auf dem Eise gleiten; Steine auf der Oberfläche eines
Gewässers *glitschen
*lassen: 'ob er die ablate aus dem Munde in die Hand glitschen lassen
(habe), wisse er nicht' (1715); Schönberg/Bernstorf. Zss.: *af-,
utglitschen; waterglitschen.
*Auch unausgebackener, wasserstreifiger Zustand des Brotes: *all' een
Glitsch. *Zss.: *Lus'-, Rotz-, Slangenglitsch.*

*Stritschauh, *-schoh (*i *lang) m. Schlittschuh.  Olle Stritschauh kann
man sick hütigendags in dat Heimatmuseum Waren ankieken. *Sick Stritschauh
ansnallen; up dei blanken Stridschauhschau ... hentaususen; Stritschauh
lopen*; in Rdaa.: *dee  *(Betrunkener, der herumtorkelt) *löppt Stritschauh
*Wismar/Sternberg; *dor *(auf dicker Suppe) *kann 'n Stritschauh up
lopen *Malchin/Gielow;
*dee *(kahler Kopf) *is glatt, dat de Lüs' dor up Stritschoh lopen
kœnen *Rostock;
*dat is ne Küll, dat de Flöh up 'n Pißpott Stritschoh lopen* (is bäten
deftig) Rostock; Bes.(besonders): *Stritschauh sägeln; bi 't
Stritschauhsägeln* *ward* *dat Sägel œwer de* *Schuller hängt
*Rostock/Warnemünde;
zu *striden *1. Syn.: *Schrit-, Slittschauh. -* Mnd. *stritschô.
*Lit.: Perfesser Voßlo

Un wenn dat Ies bi grote Küll mit Larm *bosten *(bersten, brechen) deh,
müßt' man bannig bi 't Stritschauh-Lopen uppassen vunwägen de groten Ritzen.
Wi Kinner säden oewer *borsten*.
Bi dat *Stritschauhsägeln *hebben wi Kinner ümmer den'n Wintermantel
upknöpt; dat wier uns' *Sägel*. Binah wier dat  Suusen mit scharpen Wind
tau dull.

Dit wier bäten wat ut de Kinnertied bi Ies un Snei.

Un wat deiht sick bi uns' Lowlanners tau Wintertied...

Hartlich.
Hanne

=========================================================
Send posting submissions to lowlands-l at listserv.linguistlist.org.
Please display only the relevant parts of quotes in your replies.
Send commands (including "signoff lowlands-l") to
listserv at listserv.linguistlist.org or lowlands.list at gmail.com
http://linguistlist.org/subscribing/sub-lowlands-l.html .
http://www.facebook.com/?ref=logo#!/group.php?gid=118916521473498
=========================================================
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20120131/c46b464b/attachment.htm>